अंबांनीची सून राधिका आहे स्टाईल आयकॉन, बॉलीवूडमधील अभिनेत्रीही ठरतील फिक्या

फर टॉपसह रॉयल लुक

राधिका बरेचदा आपल्या मित्रमैत्रिणींसह पार्टी करताना दिसते. केवळ पारंपरिक कपड्यातच नाही तर आधुनिक कपड्यातही राधिका अप्रतिम दिसते. एका पार्टीसाठी राधिकाने फर टॉप आणि जीन्स अशी स्टाईल केली होती. या फर टॉपसह जीन्स आणि पांढरा बेल्ट कॅरी केल्याने राधिकाची स्टाईल अधिकच सुंदर दिसत होती. कोणत्याही पार्टीसाठी हा बेस्ट लुक आहे. याशिवाय ग्लॅम मेकअप आणि हातात स्लिंग बॅग वा लहान पर्स कॅरी केल्यास, तुमचा लुक पूर्ण होऊ शकतो. राधिकाने आपला लुक असाच पूर्ण केला आहे.

अरंगेत्रम लुकवर झाले सर्वच फिदा

काही महिन्यांपूर्वीच राधिकाने अरंगेत्रम पूर्ण केले. यासाठी अंबानींनी खास कार्यक्रम ठेवला होता. ज्यामध्ये अनेक सेलिब्रिटींनीही हजेरी लावली होती. या कार्यक्रमात सर्वांचे डोळे राधिकाच्या सौंदर्यावर आणि नृत्यावरच खिळले होते. राधिकाने परिधान केलेली अरंगेत्रमचे भगवे कपडे अत्यंत उठावदार आणि तितकेच सुंदर होते. त्यात राधिकाचा मेकअप आणि तिने परिधान केलेले दागिने अधिक भर घालत होते. भरतनाट्यम ८ वर्ष शिकल्यानंतर राधिकाने आपले अरंगेत्रम पूर्ण केले आहे. मात्र या कपड्यांमध्ये राधिका दाक्षिणात्य सुंदरीच वाटत होती.

आयव्हरी रंगातील लेहंगा

राधिकाने नेहमीच अंबानी कुटुंबीयांच्या कार्यक्रमांना हजेरी लावली आहे. केवळ मॉडर्न लुकच नाही तर भारतीय लुकमध्येही राधिका तितकीच स्टायलिश दिसते. आपल्या हास्याने तिची फॅशन अधिक सुंदर आणि आकर्षक दिसते असं म्हटलं तर अतिशयोक्ती ठरणार नाही. राधिकाने आपला होणारा नवरा अनंत अंबानीसह आयव्हरी रंग मॅच केला असून अत्यंत मिनिमल मेकअप केल्याचे दिसून येत आहे. त्यामुळेच तिच्या स्टाईलला चार चाँद लागतात. अधिक भपका न करता साधेपणातही सुंदर दिसता येते हेच राधिका बरेचदा दाखवून देते.

फ्लोरल लेहंगा आणि कुंदन दागिने

सध्या फ्लोरल लेहंग्याचा ट्रेंड आहे आणि त्यावर कुंदनचे दागिने अधिक उठावदार दिसतात. एका कार्यक्रमात फ्लोरल लेहंगा आणि त्यावर हिरव्या रंगाचे कुंदन दागिने घालून राधिकाने आपला लुक अधिक आकर्षक केला आहे. या लुकमध्ये केस वर बांधून आपल्या सौंदर्याला आणि कपड्यांना अधिक प्राधान्य राधिकाने दिलेले दिसून येत आहे. कोणत्याही लग्नसमारंभात तुम्ही असा लुक करून जाऊ शकता. राधिका केवळ उद्योगपतीची मुलगी अथवा बिझनेसवुमनच नाही तर एक स्टाईल आयकॉनही आहे हे तिच्या कपड्यांच्या निवडीवरून सहज कळून येते.

अनाकरली लुक

प्रत्येक वेळी समारंभासाठी साडी अथवा लेहंगा निवडायचीच गरज भासते असं नाही तर लाँग अनारकली आणि त्यावर कुंदन दागिने आणि मांगटिक वापरून तुम्ही लुक पूर्ण करू शकता. राधिकानेही घरातील एका कार्यक्रमासाठी असाच लुक निवडला आहे. अत्यंत सुंदर आणि सुबक असा हा लुक आहे. पेस्टल रंगाला यामध्ये पसंती दिली असून सर्वांचे लक्ष राधिकाने वेधून घेतले आहे. कायम Z+ सिक्युरीटीमध्ये असणारी राधिका नेहमीच सर्वांचे लक्ष आपल्या स्टाईलमुळे वेधून घेते हे वेगळं सांगायला नको.

राधिकाने आपल्या स्टाईलमुळेही स्वतःची वेगळी ओळख निर्माण केली आहे. केवळ मुकेश आणि नीता अंबानी यांची सून न राहता राधिका मर्चंट अशी वेगळी ओळख राधिकाची आहे. लवकरच राधिका आणि अनंत अंबानी यांचं लग्न होणार आहे. नुकताच त्यांचा रोका सोहळा पार पाडला असून आता राधिकाचा लग्नाचा लुक नक्की कसा असेल याकडेच सर्वांच्या नजरा लागल्या आहेत. लग्नामध्ये राधिकाचा लुक आणि मेकअप याकडे सर्वजण नजर लाऊन बसले आहेत.

(फोटो क्रेडिटः Instagram and Yogen Shah)