पहिल्याच भेटीत झाले लिपलॉक करिअरही सोडलं पण झाला घटस्फोट, अमृता-सैफची अधुरी कहाणी

​अशी झाली पहिली भेट​

सैफ अली खान आणि अमृता सिंह पहिल्यांदा राहुल रवैलच्या चित्रपटाच्या चित्रिकरणादरम्यान भेटले, ज्यावेळी सैफचे चित्रपटसृष्टीत पदार्पण होणार होते. त्यावेळी अमृता सिंहबरोबर सैफचे फोटोशूट करण्यात आले होते. यावेळी सैफच्या चार्म आणि वागण्याने अमृताने प्रचंड प्रभावित झाली होती. तर सैफने शूटदरम्यान जेव्हा अमृताच्या खांद्यावर हात ठेवला तेव्हा तिने पहिल्यांदा त्याला जवळून पाहिले होते.

​स्ट्रगलर असतानाही हिमतीमुळे झाली होती अमृता प्रभावित​

दोघांचेही पहिल्या भेटीतील प्रेम नक्कीच नव्हते. पण मग असं नक्की काय घडलं की दोघं एकमेकांना आवडू लागले. कारण अमृता त्यावेळी टॉप अभिनेत्रींपैकी एक होती. तर सैफची नुकतीच सुरूवात होती. पण शूटिंगच्या वेळी कुठेही न अवघडता अमृताच्या खांद्यावर बिनधास्त सैफने हात ठेवणे तिला फारच साहसी आणि हिंमतीचे वाटले होते.

(वाचा – धर्माची भिंत तोडून सलमानच्या आई-वडिलांनी केले लग्न, सुशीलाच्या प्रेमासाठी सलीम खान झाले शंकर)

​अमृताच्या भेटीनंतर सैफ झाला होता बेभान​

फोटोशूट संपल्यानंतर सैफ अली हा खान हा अमृता सिंहच्या वागण्याबोलण्याने फारच प्रभावित झाला होता. अमृता सिंहला भेटण्यासाठी अत्यंत आतुर होता आणि त्याला एकदा तरी अमृताला पुन्हा भेटण्याची इच्छा होती. त्यामुळे सैफने हिंमत करून अमृताला कॉल केले आणि डिनर डेटसाठी विचारले. ‘तुम्हाला माझ्याबरोबर डिनरसाठी बाहेर यायला आवडेल का?’ असा प्रश्न सैफने अमृताला विचारला होता.

(वाचा – धर्म आणि वयाची बंधनं झुगारून केले होते मराठमोळ्या उर्मिलाने लग्न, करतेय सुखाचा संसार)

​अशी झाली पहिली डिनर डेट​

अचानक आलेल्या या फोनमुळे अमृताला काहीच कळलं नाही. मात्र तिने सैफला सांगितले की, ‘मी रात्री जेवण्यासाठी बाहेर जात नाही. पण तुम्हाला हवं असेल तर रात्रीच्या जेवणासाठी तुम्ही माझ्या घरी येऊ शकता’. अमृताने आमंत्रण दिल्यानंतर त्याच रात्री सैफ न राहवून घरी पोहचला होता आणि मग त्यांची पहिली डिनर डेट झाली होती.

​अमृताला पाहून झाला होता सैफ हैराण​

सैफ अली खान जेव्हा अमृताच्या घरी पोहचला तेव्हा तिला पाहून त्याला धक्काच बसला होता. वास्तविक अमृता त्यावेळी मेकअपशिवाय अत्यंत घरच्या लुकमध्ये होती. हे पाहून सैफ खूपच प्रभावित झाला होता, पण ती तयार झाली नाही हे त्याला आवडलंही नव्हतं कारण त्यामुळे त्याला वाटलं होतं की, त्याच्यासाठी तिच्या मनात कुठेच जागा नाही. इतकंच नाही तर अमृताने त्याला अत्यंत वाईट शब्दात सांगितलं होतं की, ‘तुम्ही मनात कोणतीही धारणा घेऊन आला असलात तर आपल्या दोघांमध्ये काहीही घडू शकत नाही. बस तुम्ही आराम करा’

​पूर्ण रात्र मारल्या गप्पा​

डिनरनंतर दोघांनी एकमेकांसोबत रात्रभर गप्पा मारल्या होत्या. दोघांच्याही वैयक्तिक आणि व्यावसायिक आयुष्याबाबत जाणून घेतले होते. गप्पा मारता मारताच दोघांच्या दरम्यान पहिले किसदेखील कधी घडले त्यांनाही कळले नाही. सैफने एका मुलाखतीत सांगितले होते की, मी कोणत्याही उद्देशाने गेलो नव्हतो तर मला ती आवडली होती आणि मला तिला अधिक जाणून घ्यायचे होते.

​सैफने केले अमृताला प्रपोज ​

पहिल्या डिनर डेटनंतर लिप-लॉक झाल्यानंतर शेवटी सैफने अमृताशी आपल्या मनातील गोष्ट बोलून दाखवली. कोणत्याही क्षणाचा विलंब न करता आपण प्रेम करत असल्याचे त्याने अमृताला सांगितले आणि अमृतानेही लगेच होकार दिला. प्रपोज केल्यानंतर सैफ दोन दिवस अमृताकडे राहिला होता. जेव्हा निर्माते आणि दिग्दर्शकांनी फोन करून करून सैफला बोलावले तेव्हा त्याने चित्रिकरणाला जाण्याचा निर्णय घेतला होता.

(वाचा – Valentine Week 2023: ७ फेब्रुवारीपासून प्रेमाचा आठवडा सुरू, व्हॅलेंटाईन विक असतो तरी कसा)

​करिअरच्या सुरूवातीलाच लग्नाचा मोठा निर्णय​

३३ वर्षांच्या अमृताला लग्न करायचे होते तर सैफ केवळ २१ वर्षांचा होता. त्यातही धर्माचे बंधन. पण दोघांनाही एकमेकांसह राहायचे होते. सैफच्या कुटुंबाला हे नाते अजिबात मंजूर नव्हते. त्याने करिअरवर लक्ष केंद्रित करावे असंच त्यांना वाटत होते. पण या सगळ्याच्या विरोधात जात सैफने १९९१ मध्ये अमृताशी लग्न केले. हे लग्न अत्यंत गुपचुपीत झाले.

​१३ वर्षांचा संसार आणि घटस्फोट​

सैफ आणि अमृता ही बॉलीवूडमधील आदर्श जोडी मानली जात होती. मात्र १३ वर्षांच्या लग्नानंतर दोघांनी वेगळे होण्याचा निर्णय घेतला. सैफच्या तथाकथित अफेअर्समुळे दुरावा आल्याचे सांगण्यात येते. मात्र या दोघांनी कधीच याबाबत वाच्यता केली नाही. सारा अली खान आणि इब्राहिम अली खान यांचे संगोपन संपूर्णतः अमृताने केले. या दोघांच्या नात्यात आलेल्या कडवटपणाचा त्यांच्यावर परिणाम होऊ दिला नाही.

सैफ आणि अमृताची लव्ह स्टोरी जितकी फिल्मी आहे तितकाच त्याचा शेवटही वाईट आहे. मात्र दोघेही आता आपापल्या आयुष्यात पुढे गेले असून अमृताने आपल्या मुलांसह आयुष्य घालविण्याचे ठरवले आणि कायम एकटी राहिली आहे.

अशाच अधिक लाइफस्टाइल, हेल्थ, फॅशन, ब्युटी, होम डेकोर, रिलेशनशिप, हॅक्स यावरील अधिक माहितीसाठी क्लिक करा maharashtratimes.com