पपई रिकाम्या पोटी खाल्ल्यास ते विषारी पदार्थ पाचन तंत्रातून साफ करते. एवढेच नाही तर त्यात पाचक एन्झाईम्स भरपूर असतात, ज्यामुळे मल त्याग म्हणजेच शौचास एकदम साफ होते. हे पोट फुगणे, पोटात सूज येणे, पोट खराब होणे आणि बद्धकोष्ठता यासारख्या पाचन विकारांना दूर ठेवण्यासाठी देखील ओळखले जाते. युनायटेड स्टेट्स डिपार्टमेंट ऑफ एग्रीकल्चर (USDA) च्या मते, पपई हे जीवनसत्त्वे ए, सी आणि क चा खजिना आहेत, जे शरीरातील विषारी पदार्थ काढून रोगप्रतिकारक शक्ती वाढविण्यास मदत करतात. हे रोग आणि संक्रमण दूर ठेवण्यास देखील मदत करते. चला तर जाणून घेऊया रिकाम्या पोटी पपई खाण्याचे आरोग्यदायी फायदे काय आहेत. (फोटो साभार: TOI)
पचनक्रियेला मिळते चालना
खराब पचन असलेल्या लोकांसाठी दररोज पपई खाणे आवश्यक आहे. हे पाचन तंत्र सुधारते आणि अन्न जलद चयापचय (metabolic) करण्यास मदत करते. पपईमध्ये पपेन नावाचे एंझाइम असते, जे पोटात गेलेले अन्न लवकर तोडण्यास मदत करते. शिवाय, पपई हे असेच एक फळ आहे ज्यामध्ये पाण्याचे प्रमाण जास्त असते ज्यामुळे बद्धकोष्ठतेचा धोका टाळण्यास मदत होते.
(वाचा :- करीना कपूरची डाएटिशियन ऋजुता दिवेकरने उलगडली 3 वेटलॉस रहस्य, करीनाला 2 प्रेग्नेंसीनंतरही ऋजुताने असं बनवलं स्लिम-ट्रिम..!)
डायबिटीजसाठी रामबाण
डायबिटीज किंवा मधुमेहाच्या रुग्णांनी दररोज सकाळी रिकाम्या पोटी एक कप पपई खावी. यामध्ये नैसर्गिक साखर असते आणि त्याच्या अँटिऑक्सिडंट गुणधर्मांमुळे शुगरच्या रुग्णांसाठी हा एक चांगला पर्याय आहे. त्याचा शरीरावर हायपोग्लाइसेमिक प्रभाव असतो ज्यामुळे रक्तातील साखरेची पातळी कमी होते.
(वाचा :- Mouth Cancer : सावधान, डॉक्टरांनी सांगितली माउथ कॅन्सरची मुख्य लक्षणे, म्हणाले फर्स्ट स्टेजमध्ये समजतही नाहीत माऊथ कॅन्सरचे ‘हे’ संकेत!)
हृदयाला हेल्दी व मजबूत बनवण्यासाठी उपयोगी
पपईमध्ये भरपूर फायबर, पोटॅशियम आणि जीवनसत्त्वे असतात ज्यामुळे हृदयविकार दूर राहतात. हृदयविकाराचा धोका कमी करण्यासाठी डॉक्टर पोटॅशियमचे अधिक सेवन करण्याची शिफारस करतात. जीवनसत्त्वे बी, सी, ई, बीटा-कॅरोटीन आणि लाइकोपीन सारख्या पोषक तत्वांनी समृद्ध पपई रक्तवाहिन्यांमधील खराब कोलेस्ट्रॉल काढून टाकते.
(वाचा :- चहासोबत चुकूनही खाऊ नका ‘हा’ 1 पदार्थ, हाडे होतील कमजोर आणि वाढेल या 5 गंभीर आजारांचा धोका..!)
म्हातारपणाची लक्षणं करते दूर
पपईमध्ये अल्फा-हायड्रॉक्सी अॅसिड (AHAs) भरपूर प्रमाणात असते. हा एक घटक आहे जो त्वचा चमकदार, गुबगुबीत आणि गुळगुळीत बनवतो. त्वचेची लवचिकता वाढवण्यासाठी पपई खा कारण त्यात सोडियम कमी असल्यामुळे ते त्वचेला हायड्रेट करू शकते.
(वाचा :- Ayurvedic herbs : झोपण्याआधी रूममध्ये जाळा ‘या’ वनस्पतीची 4 पानं, डायबिटीज, अनिद्रा, हृदयरोग, लो इम्युनिटीसारखे 6 आजार होतील मुळासकट दूर!)
कोलेस्ट्रॉल लेव्हल कमी करते
सकाळी रिकाम्या पोटी पपई खाल्ल्याने कोलेस्ट्रॉलची पातळी सुधारते. जास्तीत जास्त फायदे मिळविण्यासाठी तुमच्या शिजवलेल्या ओटमीलमध्ये कापलेली पपई घाला कारण दोन्ही पदार्थांमध्ये फायबर असते जे शरीरातून कमी घनतेचे लिपोप्रोटीन काढून टाकण्यास मदत करतात.
(वाचा :- Ayurveda Tips : दही खाताना विसरूनही करू नका ‘या’ 6 चूका, आयुर्वेदाने घातलीये पूर्ण बंदी कारण…!)
कॅन्सरचा धोका करते कमी
फ्री रॅडिकल्स आणि ऑक्सिडेटिव्ह स्ट्रेस ही विविध प्रकारच्या कर्करोगाची मुख्य कारणे आहेत. अँटिऑक्सिडंटने समृद्ध असलेली पपई पेशींचे नुकसान होण्यापासून संरक्षण करण्यास आणि कर्करोगाचा धोका कमी करण्यास मदत करते. लाइकोपीन हा कॅरोटीनॉइडचा एक प्रकार आहे जो फळे आणि भाज्यांमध्ये आढळतो ज्यामध्ये कर्करोगविरोधी गुणधर्म असतात.
(वाचा :- Weight loss Mistake : वेटलॉस करत असाल तर सावधान, 141 किलो वेटलॉस करणं पडलं महागात, एक-एक करून सर्व अवयव झाले निकामी!)
टीप : हा लेख फक्त सामान्य माहितीसाठी आहे. हे कोणत्याही प्रकारे कोणत्याही औषधाचा किंवा उपचारांचा पर्याय असू शकत नाही. अधिक तपशीलांसाठी नेहमी आपल्या डॉक्टरांशी संपर्क साधावा.