‘कल्याणची चुलबुली’ शिवालीचा बेधडक मॉडर्न पैठणी ड्रेस लुक, पारंपरिकतेसह आधुनिकतेचा मेळ

पैठणी साडीचा मॉडर्न ड्रेस

पैठणी साडीचे ड्रेस शिऊन घेतले जातात हे तर सर्वांनाच माहीत आहे. मात्र बरेचदा ते पारंपरिक सलवार कमीज असेच दिसून येतात. पण शिवालीने याला मॉडर्न टच देत पैठणी साडीचा स्लिव्हलेस वनपिस शिवला आहे. त्यातही त्याला वनपिस लाँग गाऊनसारखा लुक देण्यात आला आहे. तुम्हालाही पारंपरिकता आणि आधुनिकतेचा मेळ जपायचा असेल तर ही स्टाईल उत्तम आहे.

मोत्यांच्या दागिन्याचा साज

पैठणीवर नेहमीच मोत्यांचे दागिने सुंदर दिसतात आणि शिवालीनेही या ड्रेसवर मोत्यांच्या दागिन्यांचीच निवड केली आहे. चिंचपेटी, मोत्यांचा तन्मणी, मोत्यांचे झुमके असा साज तिने ल्यायला आहे. या लाल रंगाच्या पैठणी ड्रेससह हे दागिने खूपच आकर्षक आणि सुंदर दिसत आहेत.

(वाचा – ग्लॅमरस ड्रेसवर पायात पैंजण, अनुष्काच्या फॅशनवर इंप्रेस झालेत चाहते)

नाकात नथीचा नखरा

नथीशिवाय तर महाराष्ट्रीयन लुक पूर्णच होत नाही. शिवालीनेही नाकात मोत्याची सुंदर नाजूकशी नथ घालून हा नथीचा नखरा पूर्ण केला आहे. अत्यंत साधा मात्र तरीही आकर्षक असा हा लुक दिसून येतोय. कोणत्याही कार्यक्रमासाठी तुम्ही असा लुक करू शकता.

(वाचा – मैदानातच नाही तर स्टाईलमध्येही शुभमन गिलचा जलवा, ठरतोय ‘लाखों दिलों की धडकन’, करतोय मुलींच्या काळजावर वार)

केसात भांग पाडून आंबाडा

तर यासह शिवालीने केसात मध्ये भांग पाडून आंबाडा घातला आहे. बाकी सर्व लुक पारंपरिक ठेवत तिने हा मॉडर्न पैठणी ड्रेस परिधान केलाय. त्यामुळे मराठमोळा असाच हा लुक दिसून येतोय. मात्र त्याला थोडीसा विदेशी तडका लावण्यात आलाय.

(वाचा – निळ्याशार कपड्यातील करिश्माने वेधले लक्ष, चेहऱ्यावरील ग्लो समोर तरूण अभिनेत्रीही फिक्या)

व्हाईट हिल्स

या ड्रेससह शिवालीने व्हाईट हाय हिल्स परिधान केलेत. या संपूर्ण लुकसह तयार होत तिने आपल्या चाहत्यांसाठी फोटो पोस्ट केले आहेत. तिच्या या फोटोंवर कमेंट्सचा वर्षाव होताना दिसून येतोय. हा ड्रेस शिवालीसाठी @kanchuki.in सई पंडितने तयार केला होता.
तुम्हालाही काहीतरी वेगळी स्टाईल करायची असेल तर अशा स्वरूपाचा मॉडर्न पैठणी ड्रेस तुम्ही तुमच्या वॉर्डरोबमध्ये समाविष्ट करून घेऊ शकता.