जान्हवीने शेअर केलेल्या या ब्लॅक अँड व्हाईट फोटोवरून नजरच हटत नाहीये. एखाद्या जुन्या हिरॉईनचा फील यावा असे हे फोटो आहेत. तर जान्हवीच्या चेहऱ्याकडे पाहताना श्रीदेवीलाच पाहात असल्याचा भास होत आहे. भारतीय सुंदरता चेहऱ्यावरून ओसंडून वाहत असल्याचे दिसून येत आहे. (फोटो सौजन्य – @janhvikapoor Instagram)
जान्हवीच्या सौंदर्यावर खिळल्या नजरा
जान्हवीने नेसलेल्या साडीवर आणि चेहऱ्यावर नजरा खिळल्या आहेत. चाहत्यांचे जान्हवीच्या फोटोवरून नजर हटण्याचे नावच नाहीये. आई श्रीदेवीचाच भास व्हावा इतके सुंदर फोटो जान्हवीने अपलोड केले आहेत. ब्लाऊजलेस साडीमधील हे फोटो सध्या व्हायरल होत आहे.
केसात गजरा आणि डोळ्यात काजळ
स्मिता पाटील, श्रीदेवी, जयाप्रदा या अभिनेत्रींची आठवण करून द्यावी असा लुक जान्हवीने केलेला दिसून येत आहे. जान्हवी या साडीत अत्यंत आकर्षक आणि सुंदर दिसत आहे. करारी नजर आणि डोळ्यात घातलेले काजळ लक्ष वेधून घेत आहे. तर आंबाड्यातील गजरा श्रीदेवीच्या अस्तित्वाची जाणीव करून देत आहे.
(वाचा – हुमा कुरेशीच्या लुक्सने विस्फारतील डोळे, अबु जानी संदीप खोसलाच्या डिझाईनर्स कपड्यातील रॉयल लुक)
कपाळावर भुरभुरणारे केस
वाऱ्यासह कपाळावर भुरभुरणारे केस आणि चेहऱ्यावरील निरागसता यामुळे जान्हवीचा लुक सौंदर्यात अधिक भर घालत आहे. डोळ्यात भरलेले डार्क काजळ नैसर्गिक सौंदर्याला अधिक हातभार लावत आहे. आयलॅशेससह मस्कारा आणि ब्लॅक अँड व्हाईट फोटो हे उत्तम समीकरण जुळून आलेले दिसून येत आहे.
(वाचा – ‘परी म्हणू की सुंदरा’ प्रियाचे परफेक्ट साडी लुक्स, पारंपरिक आणि मॉडर्न तडका)
ब्लाऊजलेस साडी आणि गळ्यातील नेकलेस
ब्लाऊजलेस साडी आणि त्यासह केवळ गळ्यात एक लहानसा नेकलेस घालून जान्हवीने हा लुक पूर्ण केला आहे. तर अत्यंत नैसर्गिक आणि मिनिमल मेकअप ठेवल्यामुळे जान्हवीचे नैसर्गिक सौंदर्य कॅप्चर करण्यात आले आहे. त्यामुळे या फोटोंवर अधिक कमेंट्सचा वर्षाव झाल्याचे दिसून येत आहे.
(वाचा – या मराठी अभिनेत्याची बायको आहे अत्यंत स्टायलिश, हिंदी मालिकांमध्ये गाजवतेय नाव)
परफेक्ट फिगरसह फॅशन
जान्हवीने नेसलेली साडी आणि त्यासह कमरेला गुंडाळण्यात आलेला पिळ ही फॅशन अत्यंत आकर्षक दिसत असून जान्हवीची परफेक्ट फिगर यामध्ये दिसून येत आहे. एखाद्या जुन्या जमान्यातील हिरॉईनला पाहत असल्याचाच फील येत आहे. एखाद्या वेगळ्या फोटोशूटसाठी जान्हवीची ही स्टाईल नक्कीच तुम्ही कॅरी करू शकता.
जान्हवीचा हा लुक तुम्हालाही आवडला असेल तर तुम्ही अत्यंत साधी आणि सोपी स्टाईल फॉलो करू शकता आणि फोटोशूटसाठी वेगळी आयडियाही ट्राय करू शकता.