Parenting Tips: लहान वयातच मुलांना द्या शिकवण, शिवाजी महाराज जयंतीची माहिती द्यावी अशी

​मुलांना सांगावे कोण होते शिवाजी महाराज​

शिवाजी शहाजी भोसले अर्थात छत्रपती शिवाजी महाराज. मराठा साम्राज्याचे संस्थापक ज्यांनी आपले साम्राज्य महाराष्ट्रापुरतेच मर्यादित न ठेवता संपूर्ण भारतात पसरवले. जुन्नरजवळच्या शिवनेरी किल्ल्यावर महाराजांचा जन्म झाला. स्थानिक देवता शिवाईच्या नावावरून वडील शहाजी आणि आई जिजाबाई यांनी त्यांचे नाव शिवाजी ठेवले. मुघल सत्तेला न जुमानता मराठा साम्राज्य निर्माण करणारा असा नेता कधीच झाला नाही. मुलांना हे गोष्टी स्वरूपात सांगितल्यास त्यांच्यामध्ये अधिक उत्सुकता निर्माण होते.

​साम्राज्याचे संरक्षण करण्यासाठी नौदलाचा केला वापर​

मराठा साम्राज्य वाढविण्यासाठी आणि मुघलांपासून जनतेचे रक्षण करण्यासाठी अत्यंत लहान वयापासूनच महाराजांनी सत्ता हातात घेऊन नौदलाचा योग्य वापर केला. अनेक ठिकाणी गड आणि किल्ले सर करत संपूर्ण महाराष्ट्र महाराजांनी लहान वयातच ताब्यात घेतला होता. रयतेचा राजा म्हणून आपली एक ओळख निर्माण केली. महाराजांच्या नेतेपणामुळे जनता त्यांच्यासाठी आपला प्राण देण्यासही तयार होती. यामुळे नौदलाची ओळख निर्माण होते आणि त्याविषयी अधिक माहिती जाणून घेण्यासाठी मुलांच्या मनात प्रश्नही निर्माण होतात. तसंच महाराजांच्या अनेक गोष्टी जाणून घेता येतात.

(वाचा – जुळ्या बाळांपैकी गर्भातच एक होऊ शकते गायब, तुम्हाला हा आजार तर नाही?)​

​अनेक परकीय सत्ता धुडकावून लावल्या​

लहान मुलांना हिरो ही संकल्पना अत्यंत जिव्हाळ्याची वाटते. तर केवळ महाराष्ट्राच्या जनतेसाठीच शिवाजी महाराज हे हिरो ठरले नाहीत हे त्यांच्या मनावर तुम्ही गोष्टी स्वरूपात बिंबवू शकता. परकीय सत्ता धुडकावून लावण्यासाठी महाराजांनी केलेला गनिमी कावा, युद्ध या गोष्टी मनोरंजक स्वरूपात त्यांना आयुष्यात पुढे काय करता येऊ शकते यासाठी नक्कीच उपयोगी ठरतात.

(वाचा – वॉटर बर्थ थेरपी म्हणजे नेमके काय? कसा होतो बाळाचा जन्म आणि गर्भवतीच्या यातना होतात कमी)

​उत्तम प्रशासक आणि सक्षम राजा​

राज्याची घडी कशी प्रशासकीयदृष्टाय नीट राहील याची वेळोवेळी महाराजांनी काळजी घेतली. इतक्या मोठ्या साम्राज्यातील जनतेला जास्तीत जास्त सुखसोयी, अन्नपुरवठा होणे आणि कोणताही त्रास होऊ नये याची काळजी घेत राज्याच्या उत्तम व्यवस्था जपली आणि एक सक्षम राजा कसा असायला हवा याचे उदाहरण घालून दिले. आजही इतक्या वर्षांनंतर छत्रपती राजांचेच नाव घेतले जाते.

(वाचा -Parenting Tips: मुलांच्या वडिलांकडून होतात बरेचदा या चुका, बाँड जपण्यासाठी वेळीच सुधारा)

​मुलांना शिवाजी महाराजांची ही माहिती असायलाच हवी​

• १९ फेब्रुवारी रोजी छत्रपती शिवाजी महाराज यांची जयंती साजरी करण्यात येते. त्यांना त्यांच्या शब्दात Birthday म्हणून समजावले तरीही जयंती म्हणजे नेमकं काय हेदेखील स्पष्ट करावे
• शिवाजी महाराज हे मराठा साम्राज्याचे राज्यकर्ता होते हे समजवावे आजही शिवाजी महाराजांची जयंती मोठ्या प्रमाणात साजरी करण्यात येते. यावेळी शिवाजी महाराजांचे आदर्श आणि शिकवण याबाबत माहिती देण्याची आवश्यकता आहे