नैसर्गिकरित्या शरीर डिटॉक्स करण्यासाठी वापरा या सोप्या २ पद्धती, घरगुती उपाय

नैसर्गिकरित्या डिटॉक्स होण्यासाठी काय करावे

त्रिफळाचा घ्या आधार

तुम्हाला तुमचे शरीर नैसर्गिकरित्या डिटॉक्स करायचे असेल तर तुम्ही त्रिफळाचा आधार घेऊ शकता. याचा नक्की वापर कसा करायचा हे यामध्ये सांगण्यात आला आहे. त्रिफळा हे तीन पदार्थांपासून तयार होते एक म्हणजे आवळा, हरितकी आणि बभितकी.

काय आहेत फायदे –

• हे तुमच्या शरीरातील आतड्यांना स्वच्छ करण्यास मदत करते
• तुमच्या Gut Health साठी याचा उपयोग होतो
• तुमचे आतडे स्वच्छ राहिले तर तुमची गट हेल्थ चांगली राहाते आणि जर गट हेल्थ चांगले राहिले तर तुमचा मूडही चांगला राहोत आणि यामुळे तुमची प्रतिकारशक्ती वाढण्यास मदत मिळते
• आयुर्वेदात त्रिफळाचे अनेक फायदे सांगण्यात आले आहेत. शरीर डिटॉक्स करण्यासाठी याचा तुम्ही उपयोग करून घेऊ शकता
• सर्वात महत्त्वाचे म्हणजे यात वनस्पतींचा उपयोग करण्यात आल्यामुळे शरीरावर त्याचे दुष्परिणाम होत नाहीत. तर शरीरातील विषारी पदार्थ काढून टाकण्यास मदत मिळते

कसा करावा त्रिफळाचा वापर

रात्री झोपण्यापूर्वी १ चमचा त्रिफळा चूर्ण तुम्ही गरम पाण्यात मिक्स करा आणि ते प्या. याची चव कदाचित तुम्हाला आवडणार नाही. मात्र याचा उत्तम फायदा मिळतो. शरीरातील विषारी पदार्थ काढण्यासाठी तुम्ही आठवड्यातून किमान एकदा तरी याचा वापर करावा. जेणेकरून तुमचा मूड आणि शरीर दोन्ही चांगले राहील आणि हेल्दी राहील.

(वाचा – Yoga Poses for Detox: फराळ खाऊन Uneasy झालंय, शरीराच्या साफसफाईची वेळ झाली, ६ योगासन करा आणि एक एक अवयव साफ करा)

दुसरी पद्धत ऑईल पुलिंग

सध्या ऑईल पुलिंग आयुर्वेदातील आरोग्यासाठी फायदेशीर अशी पद्धत आहे. ही एक आयुर्वेदिक पद्धत असून यामध्ये विविध तेलांचा वापर करण्यात येतो. यामध्ये तिळाचे तेल, सुरजमुखी तेल आणि नारळाच्या तेलाचा वापर करण्यात येतो. हे सर्व तेल मिक्स करून तोंडात घेऊन चूळ भरली जाते आणि त्यानंतर ब्रश करण्यात येतो.

(वाचा – Liver Detox Naturally: लिव्हर फेल व सडण्याचा धोका होईल कायमचा दूर, हे पदार्थ करतात लिव्हरचा प्रत्येक कोना साफ)

कधी करावे ऑईल पुलिंग?

ऑईल पुलिंग सकाळी नाश्ता करण्यापूर्वी २० ते २५ मिनिट्स आधी करावे. हे करण्यासाठी तुम्ही मांडी घालून बसा आणि त्यानंतर एक मोठा चमचा तोंडात घाला आणि साधारणतः ५ ते ७ मिनिट्ससाठी फिरवा. या दरम्यान हे तेल तुम्ही गिळणार नाही याची काळजी घ्या. काही वेळासाठी तेल तोंडामध्ये चूळ भरल्यासारखे घुसळा आणि नंतर चूळ भरून तोंडातून काढून टाका आणि मग ब्रश करा.

ऑईल पुलिंगचे फायदे

ऑईल पुलिंग करण्याची योग्य वेळ सकाळ आहे. आयुर्वेदात सांगितल्याप्रमाणे सकाळच्या वेळी रिकाम्या पोटी ऑईल पुलिंग करण्याची वेळ योग्य सांगण्यात आली आहे.

• हा उपाय केल्याने तोंडाला दुर्गंधी येत नाही
• तोंडातील बॅक्टेरिया आणि किटाणू मरतात
• कॅव्हिटीची समस्या असल्यास, दूर होण्यास मदत मिळते
• हिरड्यांमध्ये सूज आल्यास तुम्ही याचा वापर करावा. याचा फायदा मिळतो
• दात दुखणे, डोकेदुखी यावरदेखील उपयोगी ठरतो
• त्वचा मॉईस्चराईझ करण्यासाठी मदत करते

ऑईल पुलिंग करताना घ्यायची काळजी

ऑईल पुलिंग करत असताना चुकूनही तेल घशात जाऊ देऊ नका. कारण यामध्ये खूप बॅक्टेरिया असतात, जे तुमच्या शरीराला नुकसान पोहचवू शकतात. तुम्हाला डिटॉक्स करण्यासाठी ही पद्धत वापरायची आहे. त्यामुळे याने त्रास होईल असं काहीही करू नका. तसंच शरीर डिटॉक्स करण्यासाठी तुम्ही जे तेल वापरणार आहात, ते शुद्ध तेलच वापरावे. लहान मुलांना कधीही ऑईल पुलिंग करू देऊ नये. तुम्हाला यापैकी कोणत्याही तेलाची अलर्जी असेल तर तुम्ही अजिबात याचा वापर करू नका. याचा वापर करण्यापूर्वी डॉक्टरांचा सल्ला घ्या आणि मगच वापर करावा.

(वाचा – शरीरातील विषारी घटक संपवण्यासाठी असं बनवा घरगुती डिटॉक्स ड्रिंक)

(फोटो क्रेडिटः Freepik.com, Canva)

अशाच अधिक लाइफस्टाइल, हेल्थ, फॅशन, ब्युटी, होम डेकोर, रिलेशनशिप, हॅक्स यावरील अधिक माहितीसाठी क्लिक करा maharashtratimes.com