White Hair: सफेद केसांवर असा घरगुती उपाय, जो करेल पांढऱ्या केसांची चिंता दूर

काळ्या तिळामध्ये असतात अनेक पोषक तत्व

विशेषतः काळ्या तिळाचा वापर हा अन्नपदार्थामध्ये होतो. पण Black Sesame Seeds For Hair हा पर्याय अत्यंत उत्तम आहे. काळ्या तिळाच्या वापरामुळे केसांची रंगत पुन्हा मिळू शकते. म्हणजेच केसांचा पांढरेपणा जाण्यासाठी याचा उपयोग करून घेता येतो. वास्तविक काळ्या तिळामध्ये ओमेगा-३ आणि ६ सारखे फॅटी अॅसिडचे प्रमाण अधिक असते. यामुळे शरीरातील कोलेजन वाढते. याचा फायदा केसांच्या मुळामधील रक्ताभिसरण प्रक्रियेला होतो. ब्लड सर्क्युलेश चांगले झाल्यामुळे केसांना पोषक तत्व मिळतात आणि म्हणूनच केसगळती थांबविण्यासाठी आणि नैसर्गिकरित्या केस काळेभोर राखण्यासाठी याचा उपयोग होतो.

काळ्या तिळापासून बनवा लेप

तुम्ही काळ्या तिळाचा वापर करून कोणत्याही दुष्परिणामाशिवाय तुमच्या केसांना नैसर्गिकरित्या काळा रंग पुन्हा देऊ शकता. पांढऱ्या केसांची समस्या असेल तर काळ्या तिळाचा वापर नक्की करून पाहा.

• काळे तीळ सुकवा आणि त्याची वाटून पावडर करा
• त्यानंतर त्यामध्ये कांद्याचा रस आणि कोरफड जेल मिक्स करा
• हे तुमचे मिश्रण तयार झाल्यावर केसांना लावा
• साधारण १ तास तसंच ठेवा
• त्यानंतर थंड पाण्याने केस धुवा
• महिन्यातून ३-४ वेळा तुम्ही हा उपाय केल्यास, तुमच्या केसांवर परिणाम होतो आणि नैसर्गिकरित्या केस काळे होण्यास सुरूवात होते

(वाचा – Hair Fall: दररोज किती केस गळणे सामान्य आहे, डॉक्टरकडे कधी जावे? तज्ज्ञांकडून जाणून घ्या सगळं काही)

केसांना येते चमक

काळ्या तिळामध्ये ओमेगा-३ आणि ६ सारखे फॅटी अॅसिडचे प्रमाण हे केसांना चमक देण्यासाठी उपयुक्त ठरते. तसंच या लेपामुळे केस अधिक मुलायम आणि मऊ होण्यासही मदत मिळते. केस अधिक चमकदार आणि तजेलदार होतात. तसंच केसगळती थांबण्यासही मदत मिळते. याशिवाय ज्या व्यक्तींना दोमुहे अर्थात दोन तोंडी केसांची समस्या आहे, त्यांनाही यातून सुटका मिळण्यास फायदा होतो. केसांना फाटे फुटले असल्यास, तुम्ही काळ्या तिळाच्या या लेपाचा नक्की उपयोग करून पाहा.

(वाचा – हिवाळ्यात केसांची निगा कशी राखाल? केसांच्या आरोग्यावर होणारा गंभीर परिणाम टाळा)