सुका-ओला खोकला, ताप, सर्दी, घशातील वेदना झटक्यात होतील दूर. करा हे सोपे 8 घरगुती उपाय

ड्रिंक्समध्ये हळद मिक्स करून प्या

डॉक्टरांनी सांगितले की, हळदीमध्ये आढळणाऱ्या कर्क्यूमिन या पदार्थामध्ये अँटी-इंफ्लेमेटरी, अँटीव्हायरल आणि अँटीबॅक्टेरियल गुणधर्म असतात. खोकला आणि तापावर हळद हा उत्तम उपाय आहे. त्याची शक्ती वाढवण्यासाठी तुम्ही काळी मिरीसोबत सुद्धा घेऊ शकता. तुम्ही 1 चमचे हळद आणि 1/8 चमचे काळी मिरी तुम्ही संत्र्याचा रस, चहा किंवा सूपमध्ये मिसळून घेऊ शकता. ब्राँकायटिस, दमा आणि श्वासोच्छवासाच्या आजारांसोबत लढण्याकरता हा एक शक्तिशाली उपाय आहे.

(वाचा :- International Women’s Day वयाच्या 30 आधीच खायला घ्या हे Vitamins व Mineral, नाहीतर येईल अंथरूणात खिळण्याची वेळ)​

हायड्रेटेड राहा

हायड्रेटेड राहिल्याने शरीराला कोणत्याही संसर्गाशी लढण्याची ताकद मिळते. यासाठी पाणी, डिकॅफिनेटेड चहा, रस आणि सूप यांसारखे द्रवपदार्थ भरपूर प्रमाणात घ्या. सोडा, अल्कोहोल आणि कॉफी यांसारखी पेये टाळा. तहान लागली नसली तरी पाणी पीत राहा. जेवढे जास्त तुम्ही पाणी प्याल तेवढे तुम्ही निरोगी राहाल. अनेकजण पाणी न पिण्याची चूक करतात आणि रोगप्रतिकार शक्ती कमजोर झाल्यने आजारांना बळी पडतात.
(वाचा :- सुष्मिता सेनच्या नसांमध्ये 95% ब्लॉकेज, Artery Blockage दाखवते ही 8 भयंकर लक्षणं, बंद नसा उघडण्यासाठी 10 उपाय)​

व्हिटॅमिन सी ने समृद्ध पदार्थ खा

व्हिटॅमिन सी ने समृद्ध असलेली फळे आणि भाज्या तुमची रोगप्रतिकारक शक्ती मजबूत करतात आणि सर्दी आणि खोकला यांना कारणीभूत असलेल्या विषाणूंपासून तुमचे संरक्षण करतात. व्हिटॅमिन सी मोठ्या प्रमाणात मिळवण्यासाठी आवळा, संत्री, लिंबू अशा अनेक गोष्टींचे सेवन करा.

(वाचा :- Hepatitis B Symptoms भणक लागू न देता हेपेटायटिस बी करतं Liver कायमचं फेल, चुकूनही करू नका ही लक्षणं दुर्लक्षित)​

खोकला-ताप यासाठी आले आहे बेस्ट

सर्दी, ताप, खोकला आणि फ्लूची इतर लक्षणे दूर करण्यासाठी आले ही एक शक्तिशाली औषधी वनस्पती आहे. लक्षणे कमी करण्यासाठी तुम्ही आल्याचा चहा किंवा आल्याचे पाणी पिऊ शकता.
(वाचा :- रक्ताच्या गाठी फोडून घट्ट रक्त पातळ करते ही घरगुती साधीसोपी चटणी, हृदयाचे आजार असूनही कधीच येत नाही हार्ट अटॅक)​

मिठाच्या पाण्याने गुळण्या करा

मिठाच्या पाण्याने गुळण्या केल्याने श्वसनमार्गाचे संक्रमण टाळता येते. हा उपाय ताप आणि खोकला कमी करण्यास तसेच घशाचे संक्रमण कमी करण्यास मदत करतो. मिठाच्या पाण्याने गुळण्या केल्याने बॅक्टेरिया आणि ऍलर्जीचा प्रमुख स्त्रोत असलेला श्लेष्मा कमी होतो आणि सैल होतो. यामुळे तुम्हाला आराम मिळतो व समस्या लवकर दूर होते.

(वाचा :- Sprouted Chana: मोड आलेल्या चण्यांत असतं भरपूर प्रोटिन, झटक्यात होतं पोट साफ व मुळव्याध पळतो 10 हात दूर,रोज खा)​

मध आणि तुळस

मध, आले आणि तुळस या शक्तिशाली औषधी वनस्पती मानल्या जातात. सर्दी, खोकला आणि तापाची लक्षणे कमी करण्यासाठी साधे पाणी पिण्याऐवजी मध, आले आणि तुळस पाण्यात उकळून प्या. हा उपाय सायनस उघडण्यास, घशातील संक्रमण साफ करण्यास आणि खोकला थांबविण्यात मदत करू शकतो.
(वाचा :- सिंहासनामुळे बोबडं बोलणं होईल बंदच, मोत्यासारखे टपाटप येतील शब्द बाहेर, 5 मिनिटांत मिळेल सिंहासारखा करारा आवाज)​

ताप आल्यावर आराम करा

तापामुळे तुमचे शरीर कमकुवत होऊ शकते कारण संसर्गाशी लढण्यासाठी शरीराला अधिक कष्ट करावे लागतात. त्यामुळे शक्य तितकी विश्रांती घ्या. तसेच, कोणतीही कठोर शारीरिक क्रिया करू नका, रात्री आठ ते नऊ तास किंवा त्याहून अधिक वेळ झोपण्याचा प्रयत्न करा.
(वाचा :- Mental Health Tips : स्ट्रेसमध्ये असाल तर चुकूनही खाऊ नका ‘हे’ 5 पदार्थ, नाहीतर मेंदूची होईल भयंकर अवस्था..!)​

जाड कपडे किंवा पांघरूण घेऊन झोपू नका

अनेकदा असे दिसून येते की ताप आल्यावर बरेच लोक जाड घोंगडी घालून झोपतात किंवा जाड कपडे घालतात. पण असे करणे चुकीचे आहे त्याऐवजी हलके कपडे घाला, कोमट पाण्याने आंघोळ करा, कोमट पाणी प्या. सर्वात महत्त्वाचे म्हणजे, थंडी असताना ब्लँकेट वापरणे आवर्जून टाळण्याचा प्रयत्न करा.
(वाचा :- Sushmita Sen Attack: हार्ट अटॅकनंतर सुष्मिताच्या नसांमध्ये घातले स्टेंट,नसा ब्लॉक होण्यापासून वाचवतो हा पदार्थ)​
टीप : हा लेख केवळ सामान्य माहितीसाठी असून यामधून कोणत्याही प्रकारच्या उपचाराचा दावा केला गेलेला नाही. अधिक माहितीसाठी नेहमी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य ते बदल करा.