‘या’ विद्यापीठाने घेतली १७ लाख विद्यार्थ्यांची यशस्वी ऑनलाइन परीक्षा

विद्यापीठातील महात्मा फुले सभागृहात बुधवारी पदव्युत्तर शिक्षक संघटनेची सर्वसाधारण सभा झाली. व्यासपीठावर नवनियुक्त अध्यक्ष डॉ.भारती गवळी, सचिव डॉ. ओमप्रकाश जाधव यांची प्रमुख उपस्थिती होती. या वेळी डॉ. येवले म्हणाले, ‘करोना काळात राज्यभरात विविध विद्यापीठात पदवी, पदव्युत्तर परीक्षा ऑनलाइन झाल्या. ग्रामीण भागातील विद्यापीठ म्हणून आपल्याकडे सर्वांचे लक्ष होते. आपण ऑनलाइन परीक्षांचे आव्हान यशस्वीपणे पार पाडले. विद्यापीठात संशोधन पेपर, पेटंट, संशोधन निर्माण करण्याचे काम मोठ्या प्रमाणावर सुरू आहे. त्याला प्रशासन गतिमान करून जोड दिली जाईल. सारथी, बार्टीची फेलोशिप सर्वाधिक आपल्या विद्यापीठांतून विद्यार्थ्यांना मिळते, हे वैशिष्ट्य आहे.’

औरंगाबाद इलेक्ट्रिकडून दीड कोटी तर बजाजकडून दहा कोटी रुपयांचा निधी मिळाला. उद्योगासाठी लागणारे मनुष्यबळ उलब्ध करण्याचा कमी कालावधीतील अभ्यासक्रमातून प्रयत्न आहे. प्रत्येक विद्यापीठाची ओळख ही संशोधनावर होत असते. त्या दृष्टीनेही पावले उचलली जात असल्याचेही ते म्हणाले.

मुंबई विद्यापीठाच्या विद्यार्थ्यांनी लावला पर्यावरणस्नेही बॅटरीचा शोध

डॉ. गवळी यांनी प्रास्ताविकात संघटनेच्या माध्यमातून सुरू असलेल्या उपक्रमांची माहिती दिली. माहिती पत्रकाचे विमोचन उपस्थितांच्या हस्ते करण्यात आले. यावेळी डॉ. एम. के. लांडे, डॉ. एन. एन. बंदेला, डॉ. आनंद देशमुख, डॉ. संजय सांभाळकर, डॉ. रमेश मंझा, डॉ. मुस्तजिब खान, डॉ. प्रवीण यन्नावर यांचा उत्कृष्ट कार्याबद्दल सत्कार करण्यात आला. सूत्रसंचालन डॉ. कैaलास अंभुरे, तर आभार डॉ. जाधव यांनी मानले. या वेळी संघटनेचे सदस्य, अधिकारी, कर्मचारी उपस्थित होते.

कृषी विद्यापीठांमध्ये पीजी प्रवेश परीक्षांसाठी सीईटीच्या तारखा जाहीर
युक्रेनमधून परतलेल्यांसाठी लवकरच नवे धोरण; वैद्यकीय शिक्षणमंत्री अमित देशमुख यांची ग्वाही