मुंबई-गोवा महामार्गावर बसमध्ये महिलेला प्रसूती वेदना, रस्त्यावर खड्डेच खड्डे; पुढे काय झालं? जाणून घ्या

Woman Labour Pain In Bus Travelling: मुंबई महामार्ग हा गेल्या काही वर्षांपासून राजकीय अनास्था आणि खड्ड्यांमुळे चर्चेत असतो. या नेते मंडळींनी दुर्लक्ष केल्याने या महामार्गाची दुरावस्था झाली आहे. यामुळे नागरिकांना खूपच त्रास सहन करावा लागतोय. विशेषत: आजारी, गरोदर स्त्रियांना याचा जास्त त्रास सहन करावा लागतो. असाच काहीसा प्रसंग नुकताच मुंबई गोवा महामार्गावर घडला. येथे बसमधून प्रवास करणाऱ्या महिलेला अचानक प्रसूती वेदना सुरु झाल्या. सुशीला असे या महिलेचे नाव आहे. सुशीलाचे पुढे काय झालं? हे सविस्तर जाणून घेऊया. 

मुंबई-गोवा महामार्गावर बसमधून प्रवास करणाऱ्या महिलेला अचानक प्रसूती वेदना सुरू झाल्या. काही वेळातच महिलेने वेदनेने आरडाओरडा सुरू केला. काही वेळातच बसमधील इतर प्रवाशांनाही याची जाणीव झाली. मुंबई गोवा महामार्गावरचा प्रवास आधीच बेजार करणारा असतो. त्यात गरोदर बाईला प्रसूती वेदना झाल्याने पुढे काय करायचं? असा प्रश्न चालक, वाहक आणि प्रवाशांसमोर उभा राहिला. 

पण यावर सर्वांनी मिळून मार्ग काढला. बसमधील प्रवाशांनी मोबाईलवरील इंटरनेटच्या मदतीने महिलेचे सांत्वन करण्याचा प्रयत्न केला. काही लोकांनी जवळचे प्राथमिक आरोग्य केंद्र शोधून काढले. जास्त वेळ वाया न घालवता महिलेला जवळच्या आरोग्य केंद्रात दाखल करण्यात आले. लोकांच्या मदतीमुळे आणि बस चालक आणि वाहकाच्या तत्परतेमुळे तिला वेळीच उपचार मिळाले. 

यानंतर थोड्या वेळातच रुग्णालयातून आनंदाची बातमी समोर आली. त्या महिलेने सुदृढ बाळाला जन्म दिला होता, असे बसमध्ये कळविण्यात आले.
ही बस मुंबई-गोवा महामार्गावरून जात असताना सुशीला या महिलेला प्रसूती वेदना सुरू झाल्या. अचानक आलेल्या या परिस्थितीमुळे बाकीचे प्रवासी घाबरले, तर काही लोकांनी या महिलेला मदत करत तिचे सांत्वनही केले. बस चालकाने तात्काळ प्राथमिक आरोग्य केंद्राकडे जाण्यासाठी बस वळवली. यावेळी प्रवाशांनी महिलेला कोणत्याही प्रकारचा धक्का किंवा धक्का लागू नये म्हणून तिला दिलासा देण्याचा प्रयत्न केल्याचे सांगण्यात येत आहे. याबद्दल बस चालकाचे कौतुक केले जात आहे.
 
रायगड जिल्ह्यातील कोलाड गावाजवळ शनिवारी ही घटना घडल्याचे महाराष्ट्र परिवहन महामंडळाच्या अधिकाऱ्याने सांगितले. बसमध्ये प्रवास करणाऱ्या सुशीला नावाच्या महिलेला अचानक प्रसूती वेदना सुरू झाल्या. बस मुंबई-गोवा महामार्गावर होती. चालक देविदास जाधव आणि वाहक भगवान परब यांनी प्रसंगावधन राखत बस तात्काळ कोलाड येथील आंबेवाडी प्राथमिक आरोग्य केंद्राकडे नेली. सुशीला येथे दाखल करण्यात आली असून वेळीच उपचार मिळाल्याने त्यांना कोणतीही इजा झाली नाही. सुशीला यांनी एका निरोगी मुलाला जन्म दिला आहे.

मुंबई महामार्गाच्या खड्ड्यांनी भरलेल्या रस्त्यावर चालकाने कुशलतेने बस चालवली. सध्या मुंबई-गोवा महामार्गावर दुरुस्तीचे काम सुरू असून अनेक ठिकाणी रस्त्यावर खड्डे पडले आहेत. अशा परिस्थितीत खड्डय़ांमुळे महिलेला जास्त धक्का बसू नये, हे सर्वांसमोर आव्हान होते. अशी परिस्थिती आई आणि मुलाच्या आरोग्यासाठी नक्कीच चांगली नव्हती. अशा स्थितीत इतर प्रवाशांनी महिलेला व्यवस्थित आराम करण्यासाठी जागा दिली, तर चालकानेही बस कुशलतेने चालवली. 

दरम्यान आई आणि बाळ दोघेही निरोगी असल्याची माहिती महाराष्ट्र परिवहन विभागाच्या अधिकाऱ्याने दिली. तसेच आम्हाला आमच्या चालक आणि टीमच्या कार्यक्षमतेचा अभिमान असल्याचेही त्यांनी यावेळी सांगितले.