जागतिक आरोग्य संघटना म्हणते की मानसिक आरोग्य ही एक मोठी आणि गहन संकल्पना आहे. ज्यामध्ये मानसिक आरोग्यापासून ते व्यक्तीच्या मनाची स्थिती सर्व काही समाविष्ट आहे. एकंदरीत, तुम्हाला कधी आणि कसे वाटते हे तुमच्या मानसिक आरोग्यावर अवलंबून आहे. तुम्हाला जर तुमचे मानसिक आरोग्य उत्तम राखायचे असेल तर काही विचार मनात येऊच देऊ नयेत.
मी चांगला/चांगली नाही आहे
जीवनात कधीतरी असा काळ येतो जेव्हा वाटते की आपण एक चांगला.चांगली व्यक्ती नाही. असा विचार मनात येणे खूप जास्त घातक आहे. कारण हा विचार मनात येणे म्हणजे आपण स्वत:च स्वत:वरचा विश्वस गमावण्यासारखे आहे. जेव्हा हा विचार मनात बराच काळ रेंगाळतो तेव्हा त्यातून आत्म-शंका आणि दु:खच उत्पन्न होते. ऑस्ट्रेलियन सरकारच्या हेल्थ वेबसाइटनुसार, नोकरी किंवा परिस्थितीसाठी स्वतःला नालायक समजणे हे कमी आत्मसन्मानाचे लक्षण आहे, जे मानसिक आरोग्यासाठी धोकादायक आहे.
(वाचा :- Uric Acid : गुडघ्यासोबत सांधेही होतील लाकडासारखे खिळखिळे, हे पदार्थ हाडांत भरतात युरिक अॅसिड, चुकूनही खाऊ नका)
मी हे काम करू शकत नाही
यश-अपयश या नाण्याच्या दोन बाजू आहेत. पण स्वत:ला कमी समजून कोणतेही काम न केल्याने यश मिळवण्याचा शक्यताच आपण नष्ट करत असतो. जगातील सर्वच महान विचारवंतांनी असे म्हटले आहे की तुम्ही जे विचार करता तसेच तुम्ही बनता. म्हणूनच स्वत:ला कोणत्याही कामात कमी समजण्याची चूक करू नका, त्यामुळे तुम्ही स्वत:च स्वत:ला कमी लेखत असता. ही गोष्ट आपण काहीच कामाचे नाही आणि आपण निरुपयोगी आहोत असे दर्शवते आणि यामुळे आत्मविश्वास खालावतो.
(वाचा :- Walking for Heart : रोज न चुकता इतकी पावलं चाला, हृदय होईल ‘Bulletproof’, पण सोबत ठेवावी लागेल ‘ही’ 1 वस्तू..!)
मी नशीबवान नाही
इतरांना यशस्वी होताना पाहून कधी कधी वाटतं की मी त्यांच्यासारखा/त्यांच्यासारखी भाग्यवान नाही. कारण, आपल्याला इतरांइतके यश मिळत नाही. पण अश्वेली लक्षात घ्या हा एक भ्रम असून आपल्याच मनात उत्पन्न झालेला एक गैरसमज आहे. जेव्हा असे विचार मनात येतात तेव्हा आपण नशिबावर अवलंबून राहू लागतो आणि प्रयत्न करणेच थांबवतो. यामुळे नकारात्मकता आणि निराशा येते. त्यातून मानसिक आरोग्य मोठ्या प्रमाणावर बिघडू शकते.
(वाचा :- Joint Pain: पुरूषहो, सर्व समस्या व गुडघेदुखीतून मिळेल 100 टक्के कायमची मुक्ती, फक्त भाजून खा या भाजीच्या बिया)
कोणालाच माझी काळजी नाही
जर एखाद्याला वाटत असेल की कोणीही त्याची काळजी घेत नाही, तर ते एकटेपणाचे लक्षण आहे. Mind.Org च्या मते, एकाकीपणाची भावना सामाजिक भय किंवा सामाजिक चिंता यातून निर्माण होऊ शकते. ज्यामुळे डिप्रेशन देखील येते. ही शी गोष्ट आहे जी आपण स्वत:च स्वत:च्या मनात निर्माण करतो आणि मग त्याचे परिणाम सुद्धा आपल्यालाच भोगावे लागतात आपल्या आसपास असणाऱ्या सर्व मंडळींना आपली काळजी असते. पण आपल्यासाठी ते सतत काळजी दाखवू शकत नाही. पण याचा अर्थ असा नाही की त्यांना काळजी नाही आणि आपण एकटे आहोत. सहसा हा विचार मनात येउच देऊ नये. हा विचार येणे म्हणजे डिप्रेशनच्या दिशेने स्वत:ला ढकलणे होय.
(वाचा :- Yoga for Healthy Lung: थंडीत फुफ्फुसांना असतो इनफेक्शनचा सर्वात जास्त धोका, ऑक्सिजन बंद होण्याआधी करा हे 1 काम)
मेंटल हेल्थसाठी काही टिप्स
वर नमूद केलेल्या गोष्टी तुमच्या लक्षात आल्या असतीलच, पण तरी तुम्हाला तुमची मेंटल हेल्थ नीट राखायची असेल आणि नको ते विचार मनात येऊ द्यायचे नसतील तर जास्तीत जास्त सकारात्मक दृष्टीकोन तुम्ही ठेवणे उत्तम! आता तुम्ही म्हणाल सकारात्मक दृष्टीकोन आणायचा कुठून? तर नवीन लोकांना भेटणे सुरू ठेवा, शारीरिकदृष्ट्या सक्रिय व्हा, फिलिंग शेअर करण्यासाठी एखाद्या मित्राची मदत घ्या, ध्यान लावा आणि विश्रांती घ्या, शरीराला आणि मनाला जास्तीत जास्त आराम द्या. मुख्य म्हणजे हेल्दी फूड खा. या सर्व गोष्टी तुम्हाला मेंटल हेल्थ उत्तम राखण्यास मदत करतील.
(वाचा :- Cholesterol Exercise : लिव्हर सडल्यामुळे बनतं Cholesterol, हा एक उपाय गाळून फेकतो शरीरातील घाण व विषारी पदार्थ)