MajhiNews Marathi News, Latest Marathi News, Marathi News Paper, Maharashtra Breaking News | मराठी ताज्या बातम्या
दीपिका पदुकोण २००६ पासून बॉलिवूड इंडस्ट्रीत सक्रिय आहे तिची कौटुंबिक पार्श्वभूमी खेळाची आहे.वडील प्रकाश पदुकोण हे आंतरराष्ट्रीय स्तरावरील बॅडमिंटनपटू आहेत. तिच्या आईचे नाव उज्जला पदुकोण आणि बहिणीचे नाव अनिशा पदुकोण आहे. ती एक व्यावसायिक गोल्फ खेळाडू आहे. दीपिका स्वतः देखील एक उत्तम बॅडमिंटनपटू आहे. पण तिला अभिनय क्षेत्रात करिअर करायचे होते. बॉलीवूडचे स्वप्न पूर्ण करण्यासाठी तिला क्रीडा जगतापासून दूर रहावे लागले.
दीपिका पदुकोणचा जन्म ५ जानेवारी १९८६ रोजी झाला. डेन्मार्कच्या कोपनहेगनमध्ये तिचा जन्म झाला. दीपिका पदुकोणचे मूळ गाव बंगळुरू आहे. तिने आपले शालेय शिक्षणही तेथूनच पूर्ण केले. दीपिकाने बंगळुरूच्या सोफिया हायस्कूलमधून प्राथमिक शिक्षण घेतले आहे. त्यानंतर तिने बंगळुरूच्या माउंट कार्मेल कॉलेजमधून इंटरमिजिएटचे शिक्षण घेतले. दीपिकाने समाजशास्त्रात बीए केले आहे. पदवी मिळविण्यासाठी तिने दिल्लीतील इंदिरा गांधी राष्ट्रीय मुक्त विद्यापीठात (इग्नू) प्रवेश घेतला होता. पण अभिनयात करिअर करण्यासाठी तिने कॉलेज शिक्षण अर्धवट सोडले.
शिक्षण अर्धवट सोडून करु लागली डान्स, सोशल मीडिया स्टार गौतमी पाटील कोण आहे?
मॉडेलिंग आणि चित्रपटांमध्ये करिअर करण्यासाठी दीपिकाने मध्यंतरी कॉलेज सोडले. २००६ मध्ये तिने ‘ऐश्वर्या’ या कन्नड चित्रपटात काम केले होते. त्यानंतर २००७ मध्ये ‘ओम शांती ओम’ या चित्रपटातून तिने बॉलिवूडमध्ये पदार्पण केले. तिने तिच्या पहिल्याच चित्रपटात शाहरुख खानची अभिनेत्री बनून सर्वांच्या मनावर विशेष छाप सोडली. यानंतर दीपिकाला चित्रपट मिळत राहिले.
१४ नोव्हेंबर २०१८ रोजी दीपिका पदुकोण आणि अभिनेता रणवीर सिंग यांचा विवाह झाला. दोघांनीही आपल्या जवळच्या मित्रांच्या उपस्थितीत इटलीतील लेक कोमो येथे लग्नाचे विधी पूर्ण केले होते. भारतात आल्यानंतर त्याने अनेक शहरांमध्ये रिसेप्शन दिले. दीपिका पदुकोण आणि रणवीर सिंग यांनी अनेक चित्रपटांमध्ये एकत्र काम केले आहे.
‘बाहुबली’ फेम अनुष्का शेट्टीचा योग ट्रेनर ते अभिनय असा प्रवास, कितवी शिकलीय? जाणून घ्या
