- 1 Recession2k22:जागतिक मंदीचे परिणाम हळुहळू दिसू लागले आहेत. ट्विटर, मेटा सारख्या कंपन्यांनी कर्मचारी कपात केली आहे. पुढील काही महिन्यांत अनेक कंपन्यांमध्ये असे चित्र दिसू शकते. एखाद्या विशिष्ट क्षेत्रात करिअर केल्यानंतर अचानक कामावरुन काढून टाकले जाणे हे पचविणे फार कठीण असते. अशावेळी येणाऱ्या त्रासाला सामोरे जाण्यासाठी करिअर करताना कोणत्या गोष्टींची काळजी घ्यायला हवी याची माहिती घेऊया.
- 2 आपत्कालीन निधी
- 3 आरोग्य विमा
- 4 बजेट बनवा
- 5 पर्यायी खर्च कमी करा
- 6 नवीन कर्ज घेणे टाळा
Recession2k22:जागतिक मंदीचे परिणाम हळुहळू दिसू लागले आहेत. ट्विटर, मेटा सारख्या कंपन्यांनी कर्मचारी कपात केली आहे. पुढील काही महिन्यांत अनेक कंपन्यांमध्ये असे चित्र दिसू शकते. एखाद्या विशिष्ट क्षेत्रात करिअर केल्यानंतर अचानक कामावरुन काढून टाकले जाणे हे पचविणे फार कठीण असते. अशावेळी येणाऱ्या त्रासाला सामोरे जाण्यासाठी करिअर करताना कोणत्या गोष्टींची काळजी घ्यायला हवी याची माहिती घेऊया.
हायलाइट्स:
- जगातील नोकरदार वर्गावर मंदीचे सावट
- अचानक नोकरी गेली तर काय करायचं?
- ‘या’ टिप्स करिअरमध्ये सर्वांनाच उपयोगी
आपत्कालीन निधी
सहा महिने ते एक वर्षाचे उत्पन्न आपत्कालीन निधी म्हणून बाजूला ठेवणे गरजेचे आहे. जर तुम्हाला नोकरीत कपातीचा सामना करावा लागला तर, तुम्हाला दुसरी नोकरी मिळेपर्यंत पुढील काही महिने टिकून राहण्यासाठी तुम्ही किमान या पैशावर अवलंबून राहू शकता.
तुमच्या पैशांची गुंतवणूक योग्य ठिकाणी असावी. लिक्विड फंड किंवा बचत खात्यात पैसे असल्यास गरजेवेळी उपयोगी येतील.
आरोग्य विमा
कंपनीच्या आरोग्य विम्यावर पूर्णपणे विसंबून राहू नये आणि याचे एक प्रमुख कारण म्हणजे कामावरून काढून टाकले गेल्यास तुम्ही योजनेचे लाभार्थी नसता. त्यामुळे तुम्ही कामाच्या बाहेर असताना एमर्जन्सी उद्भवल्यास खिशातून बिल भरावे लागेल, ज्यामुळे तुमचा आर्थिक ताण वाढेल. म्हणून, स्वतःसाठी आणि तुमच्या कुटुंबासाठी वैयक्तिक आरोग्य विमा घेणे नेहमीच उचित आहे.
बजेट बनवा
आर्थिक संसाधने आधीच कमी असतात. त्यामुळे स्वत:च्या खर्चावर बारकाईने लक्ष देणे आणि मासिक बजेटमध्ये सुधारणा करणे अत्यावश्यक आहे. अन्न, वीज बिले, ईएमआय इ. या गोष्टी टाळता येत नाहीत. त्यामुळे त्यानुसार तुमचे मासिक खर्च ठरवा.
पर्यायी खर्च कमी करा
मर्यादित उत्पन्न असताना तुम्ही नेहमी बचत करणे आवश्यक आहे. बाहेर खाणे, चित्रपट पाहणे, मासिकांचे वर्गणी अशा मनोरंजनात्मक, ऐच्छिक खर्चांमध्ये कपात करता येऊ शकते. इत्यादींसाठी पैसे आधीच बाजूला ठेवावेत. परंतु, सध्या तुम्ही असे खर्च पूर्णपणे काढून टाकण्याचा प्रयत्न केला पाहिजे. अचानक नोकरी गेल्यास बचत आणि गुंतवणूक कमी करता येऊ शकते.
नवीन कर्ज घेणे टाळा
वैयक्तिक कर्ज घेणे किंवा क्रेडिट कार्डवर कर्ज घेणे ही गोष्ट टाळली पाहीजे. ही कर्जे अल्पावधीत पैशाच्या त्रासातून बाहेर पडण्याचा तुलनेने सोपा मार्ग वाटू शकतात, परंतु त्यांचे व्याजदर खूप जास्त असतात. याचा पुढच्या करिअरवर परिणाम होऊ शकतो.
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.