Stillbirth म्हणजे काय? गर्भधारणेदरम्यान घ्या ही काळजी नाहीतर….

डॉक्टरांची प्रतिक्रिया

डॉ. चेतना रमाणी, रामकृष्ण केअर हॉस्पिटल, रायपूर येथील स्त्रीरोगतज्ज्ञ म्हणतात, मृत जन्माचा धोका कमी करण्यासाठी बहुआयामी दृष्टीकोन आवश्यक आहे. ज्यामध्ये आईचे वय, वजन, बीएमआय, कोणतेही अनुवांशिक रोग, कौटुंबिक इतिहास, वैद्यकीय विकार आणि जीवनशैली यासारख्या जोखीम घटकांचा समावेश आहे. हे घटक ओळखून ते दूर करणे आवश्यक आहे.

(वाचा – Mahashivratri 2023: भगवान शिवशी संबंधित मुलींची ही अद्भुत नावे, राहील शंकराचा कृपाशिर्वाद)​

याकडे दिले लक्ष

डॉ. अर्चना सांगतात की, स्टिलबर्थमध्ये घट झाली आहे आणि निरोगी गर्भधारणा आणि सुरक्षित प्रसूतीसाठी समाजाने एकत्रितपणे काम केले पाहिजे. आई आणि बाळाच्या आरोग्याकडे लक्ष देऊन आणि मृत जन्मदर कमी करणे हे आपले ध्येय बनवून आपण या दिशेने यशस्वी होऊ शकतो.

(वाचा – सत्यजित तांबे यांनी संस्कृती जपत ठेवली मुलांची नावे, नावांमध्ये दडलाय मोठा अर्थ)

एंटी-नेटल काळजी महत्वाची

राष्ट्रीय आरोग्य सेवेनुसार, गर्भवती महिलांनी गर्भधारणेतील कोणतीही सोनोग्राफी चुकवू नयेत. काही चाचण्या आहेत ज्यांच्या मदतीने एखाद्या विशिष्ट वेळी संभाव्य समस्या शोधली जाऊ शकते. यामुळे तुमचे बाळ गर्भात किती सुरक्षित आहे हे कळू शकते.
​(वाचा – भाग्यश्रीच्या सौंदर्याप्रमाणेच मुलांची नावे ही आकर्षक, ‘इ’ अक्षरावरुन मुलांची नावे आणि अर्थ)​

ऍक्टिव राहा

गर्भवती महिलांनी अस्वस्थ अन्नापासून दूर राहून सक्रिय राहण्याचा प्रयत्न केला पाहिजे. जास्त वजन किंवा लठ्ठपणा गर्भधारणेमध्ये समस्यांचा धोका वाढवू शकतो. गर्भधारणा ही वजन कमी करण्याच्या आहारावर जाण्याची वेळ नाही, परंतु जर तुमचे आधीच जास्त वजन असेल तर तुमचे वजन नियंत्रणात ठेवण्याचा प्रयत्न करा. त्यामुळे गर्भधारणेदरम्यान योग्य असा डाएट नक्की फॉलो करावा.

याशिवाय, नॅशनल हेल्थ सर्व्हिसच्या म्हणण्यानुसार, गर्भधारणेच्या 28 व्या आठवड्यानंतर पाठीवर झोपल्यानंतर मृत जन्माचा धोका दुप्पट होतो. असे मानले जाते की ,पाठीवर झोपल्यास बाळाला रक्त आणि ऑक्सिजनचा प्रवाह प्रतिबंधित होतो. यावेळी आपण आपल्या एका कुशीवर झोपणे आवश्यक आहे. डाव्या कुशीवर झोपल्यास जास्त फायदा होऊ शकतो.

​(वाचा – EXCLUSIVE : शिव ठाकरेच्या नावाचं रहस्य उलगडलं, आई या नावाने मारते हाक)​

सिगारेट आणि दारूपासून दूर रहा

तुम्ही दारू किंवा सिगारेटचे सेवन करत असाल तर ते लगेच बंद करा. धुम्रपान करणाऱ्या व्यक्तीसोबत किंवा त्याच्या आजूबाजूला राहणे देखील आई आणि मुलाच्या आरोग्यास हानी पोहोचवू शकते. त्यामुळे धूम्रपानापासून शक्यतो दूर राहण्याचा प्रयत्न करा.
जर तुम्हाला गर्भधारणेदरम्यान अल्कोहोल किंवा धूम्रपान सोडण्यास त्रास होत असेल तर तुम्ही एखाद्या एक्सपर्टची मदत देखील घेऊ शकता. लक्षात ठेवा की, या दोन्ही गोष्टी तुमच्या आणि तुमच्या बाळाच्या आरोग्यासाठी विष आहेत.
(वाचा – या संतांच्या नावावरून मोहम्मद कैफने ठेवलंय मुलाचं नाव, भारतीयांची मान अभिमानाने उंचावेल)​