MajhiNews Marathi News, Latest Marathi News, Marathi News Paper, Maharashtra Breaking News | मराठी ताज्या बातम्या
या परीक्षेसाठी एकूण १६ लाख ३९ हजार १७२ विद्यार्थ्यांनी नोंदणी केलेली आहे. यामध्ये ८ लाख ८९ हजार ५८४ विद्यार्थी तर ७ लाख ४९ हजार ४८७ विद्यार्थिनी परीक्षा देणार आहेत. एकूण २२ हजार ९११ माध्यमिक शाळांमधून विद्यार्थ्यांनी दहावीच्या परीक्षेसाठी नोंदणी केली आहे. दरम्यान परीक्षा सुरु होण्यापुर्वी शालेय शिक्षणमंत्री वर्षा गायकवाड यांनी विद्यार्थ्यांना ट्विटरद्वारे शुभेच्छा दिल्या.
या परीक्षेला सामोरे जाताना विद्यार्थ्यांना ताणतणावापासून दूर राहता यावे, ते मानसिकदृष्ट्या अधिक सक्षम व्हावे, यासाठी त्यांचे मार्गदर्शन व समुपदेशन करण्यात येत आहे. यासाठी राज्य शैक्षणिक संशोधन व प्रशिक्षण परिषदेतर्फे ४०९ प्रशिक्षित व प्रमाणित मार्गदर्शक आणि समुपदेशकांची सल्ला व मार्गदर्शन सुविधा उपलब्ध करून देण्यात येत आहे. या सुविधांबाबतची इत्यंभूत माहिती, प्रशिक्षित मार्गदर्शक व समुपदेशकांची यादी https://maa.ac.in/index.php?tcf=counselors_list या वेबसाइटवर प्रसिद्ध करण्यात आली आहे.
SSC HSC Exam 2022: दहावी आणि बारावीच्या परीक्षांसाठी शाळा तेथे केंद्र किंवा उपकेंद्राची सुविधा
दहावीची परीक्षा २०२२ ही १५ मार्च ते ४ एप्रिल या कालावधीत घेतली जाणार असून परीक्षा दोन शिफ्टमध्ये सुरु आहेत. सकाळच्या पहिल्या शिफ्टमध्ये सकाळी १०.३० वाजल्यापासून बहुतांश परीक्षा सुरु होतील. उर्वरित पेपर दुसऱ्या शिफ्टमध्ये दुपारी ३ वाजल्यापासून घेण्यात येतील. परीक्षेदरम्यान करोना प्रतिबंध निर्देशांचे पालन केले जात आहे.
HSC Paper Leaked: बारावीचा पेपर फुटला का? शिक्षणमंत्र्यांनी सांगितला ‘त्या’ दिवशीचा घटनाक्रम
दहावीच्या परीक्षेची तयारी पूर्ण; ‘असे’ असेल प्रश्नांचे स्वरूप
भरारी पथके सज्ज
परीक्षेतील गैरप्रकार रोखण्यासाठी संपूर्ण राज्यात भरारी पथकांची नजर परीक्षार्थींवर असणार आहे. या व्यतिरिक्त प्रत्येक जिल्ह्यात दक्षता समिती स्थापन करण्यात आली आहे. विशेष महिला भरारी पथक आणि विशेष अधिकाऱ्यांना परीक्षाकेंद्रांना भेट देण्याचे आवाहन करण्यात आले आहे.
करोनाच्या पार्श्वभूमीवर परीक्षा प्रचलित पद्धतीने घेण्याचा निर्णय घेण्यात आला आहे. परीक्षेसाठी विद्यार्थ्यांच्या सोयीच्या दृष्टीने शाळा तेथे केंद्र/ उपकेंद्र यापद्धतीने नियोजन करण्यात आले असून इयत्ता बारावीसाठी परीक्षा केंद्रांची/ उपकेंद्रांची संख्या ९६१३ तर इयत्ता दहावीसाठी परीक्षा केंद्रांची/ उपकेंद्रांची संख्या २१,३४९ इतकी असणार आहे.
विद्यार्थ्यांची सोय लक्षात घेऊन १५ किंवा त्यापेक्षा जास्त विद्यार्थी संख्या असल्यास शाळा तेथे परीक्षा केंद्र अथवा उपकेंद्र तयार करण्याचा निर्णय घेण्यात आला आहे.
SSC Exam 2022: परीक्षेचं टेन्शन आलंय? तर मग ‘हे’ उपाय नक्की करून पाहा
SSC Exam 2022: दहावीच्या परीक्षेला आजपासून सुरूवात; ‘या’ निर्देशांचे पालन करावे लागणार
