पुणे हादरले! लिव्ह इन पार्टनरसोबत अमानुष कृत्य, तरुणीकडून बॉयफ्रेंडची निर्घृण हत्या

Pune Crime News: जिल्ह्यातील वाघोलीत प्रेम प्रकरणातून (Love Affair) प्रेयसीने प्रियकराचा (Girlfriend Boyfriend) खून केल्याचा धक्कादायक प्रकार उघडकीस आला आहे. आज सकाळच्या सुमारास ही घटना उघडकीस आली आहे. या घटनेने परिसरात एकच खळबळ उडाली आहे. (Girlfriend Killed Boyfriend In Pune)

लिव्ह-इनमध्ये राहत होते

पोलिसांनी दिलेल्या माहितीनुसार, वाघोली परिसरात एका भाड्याच्या फ्लॅटमध्ये हे दोघेही मागील काही महिन्यांपासून लिव्ह इन रिलेशनशिपमध्ये राहत होते. दोघांमध्येही प्रेम संबंध होते. मात्र आज पहाटेच्या सुमारास त्यांच्या राहत्या घरात रक्ताच्या थारोळ्यात प्रियकराचा मृतदेह सापडला आहे. शेजारी राहणाऱ्या नागरिकांनी या घटनेची माहिती पोलिसांना दिली. 

चाकूने शरिरावर वार

घटनेची माहिती मिळताच लोणीकंद पोलीस घटनास्थळी दाखल झाले आहेत. संबंधित प्रेयसीने घरातील भाजी कापण्याच्या चाकूने प्रियकराच्या शरिरावर वार केल्याचे दिसून आले. प्रियकराला तातडीने रुग्णालयात नेण्यात आले. मात्र त्याआधीच त्याचा मृत्यू झाला होता. संबंधित प्रेयसीही यामध्ये जखमी झाली आहे. लोणीकंद पोलिसांनी याप्रकरणी शवविच्छेदनासाठी मृतदेह पाठवला आहे. याप्रकरणी खुनाचा गुन्हा दाखल करण्याची प्रक्रिया सुरू आहे.

लातुरमध्ये खळबळ! तलावाशेजारी सापडला मानवी सांगाडा; ४ महिन्यांपूर्वीच्या ‘त्या’ घटनेशी संबंध?

कारण अद्याप अस्पष्ट

दरम्यान, तरुणीने प्रियकराची हत्या का केली हे मात्र अद्याप समोर आलेले नाहीये. या प्रकरणी पोलिस अधिक तपास करत असून याघटनेत प्रेयसीही गंभीर जखमी झाल्याने तिच्यावरही उपचार सुरू आहेत. 

भंडाऱ्यात चाकूने वार करून एकाची हत्या

भंडारा शहरातील गांधी चौकात दुर्गा लसी नावाने व्यवसाय करणाऱ्या अमन नांदुरकर वय 23 वर्ष या युवकांच्या पोटावर चाकू भोकसून हत्या करण्यात आली आहे. रात्रीच्या सुमारास गांधी चौकात की घटना घडली आहे.

नाशिकः संपूर्ण शरीर फ्रॅक्चर, खेळताना पिठाच्या गिरणीत पडला, तीन वर्षांच्या चिमुरड्याचा मृत्यू

 

विरारमध्ये भगताची हत्या

हत्येच्या गुन्ह्यात अटक आरोपीने कोरोना काळात सुटल्यानंतर त्याने बाहेर येऊन पुन्हा एकाची हत्या केल्याचा धक्कादायक प्रकार विरारच्या मांडवी पोलीस ठाणे हद्दीत घडला आहे. विनोद उर्फ कांद्या महादू बसवंत असं या सिरीयल किलरचं नाव आहे. दोन दिवसांपूर्वीच या आरोपीने एका मांत्रिकाची दोन हजार रुपयांसाठी दगडाने ठेचून हत्या केल्याचे प्रकरण उजेडात आले आहे.

वाचाः विरारमध्ये सीरियल किलर? दगडाने ठेचून हत्या झाल्याप्रकरणी धक्कादायक माहिती; ‘भगतगिरी करणाऱ्याला फक्त…’