पटोला साडीत कोकिलाबेन अंबानींचा रॉयल रुबाब, नातीच्या आनंदासाठी आजीची लगबग

कोकिलाबेन यांची साडी

नातीच्या स्वागतासाठी कोकिलाबेन यांनी सुंदर अशा पटोला साडीची निवड केली. यासाडीची खासियत म्हणजे या साडीची नजाकत साडीवरील नक्षी आणि विणकरांचे प्रेम. यावेळी कोकिलाबेन यांनी ऑरेंज रंगाची आणि लाल रंगाची साडी नेसली होती. या सुंदर साडीवर त्यांनी साडीला साजेसा असा सुंदर ब्लाऊज देखील परिधान केला होता.

(वाचा :- दिल्ली क्राईममधील वर्दीतील ऑफिसर ते वनपीसमधील ग्लॅमरस अदा, 49 व्या वर्षी शेफाली शाह अगदी फाईन वाईन)

ब्लाऊजच्या डिझाईनने दिला रॉयल लुक

यावेळी कोकीलाबेन यांच्या थ्री फोथ स्लिव्जने या साडीला अजूनच चांगला लुक दिला होता. या ब्लाऊजला गोल नेकलाईन देण्यात आली होती. त्याचप्रमाणे या ब्लाऊजच्या हाताला लाल रंगाने पायपिंग देखील करण्यात आली होती.

मोत्यांचा साज

या लुकला पूर्ण करण्यासाठी कोकिलाबेन यांनी गळ्यात मोत्यांची माळ परिधान केली होती. त्याचप्रमाणे कानात टॉप्स परिधान केले होते. तुम्ही देखील असा लुक ट्राय करु शकता.

पटोला साडीचा इतिहास

पटोला साडीचा इतिहास आपल्याला ११ व्या शतकापासून पाहायला मिळतो. ११ व्या शतकापासून ही साडी तिचे अस्तित्वात असून अजूनही ती तिची मागणी टिकवून आहे.पुर्वीच्या काळी फक्त राजघराण्यातील स्त्रियांसाठीच ही साडी विणली जायची. आजही ही साडी अतिशय महागडी असून अस्सल पटोला साडीच्या किमतीची सुरुवात अजूनही १ लाखाच्या पुढेच होते. यातल्या काही साड्यांचे प्रकार मात्र आता ५ ते ६ हजारांतही मिळते.

कशी तयार होते पटोला साडी?

गुजरातमधील काही विणकर कुटूंबांनी आजही पटोला साडीचे अस्तित्व कायम ठेवले आहे. सोशल मिडियावर दिलेल्या माहितीनुसार एक पटोला साडी विणण्यासाठी जवळपास ६ महिने लागतात.