ईशाच्या घरी जाताना नातू पृथ्वीचा हात पकडून मुकेश अंबानींनी दिली पोझ, तर नीता अंबानी आणि श्लोकाचा पारंपरिक गुजराती लुक

​मुकेश आणि नीता यांचे ट्विनिंग​

अंबानी कुटुंबीयाची स्टाईल नेहमीच वाखाणली जाते. ईशाच्या घरी जाताना संपूर्ण परिवाराने भारतीय लुकला प्राधान्य केले होते. तर महत्त्वाचे म्हणजे मुकेश आणि नीत अंबानी यांनी ट्विनिंग केल्याचे दिसून आले. मुकेश अंबानी यांनी निळ्या रंगाचा कुर्ता आणि त्यावर व्हाईट कोटी आणि पायजमा घातला होता. तर नीता अंबानी यांनी निळ्या आणि पांढऱ्या रंगाची सुंदर सिल्क पटौला साडी नेसल्याचे दिसले होते. पारंपरिक गुजराती साडीमध्ये नीता अंबानी यांचे सौंदर्य अधिकच खुलून आले होते.

​श्लोका आणि पृथ्वीचा स्टायलिश लुक​

दरम्यान श्लोका मेहताने स्टायलिश मल्टिकलर स्कर्ट आणि पिवळ्या रंगाच्या ब्लाऊजची निवड केली होती. तिचा हा पारंपरिक लुक परफेक्ट गुजराती स्टाईलची आठवण करून देतोय. यासह तिने मोत्यांची माळ घालून लुक पूर्ण केला होता. तर मुलगा पृथ्वी यानेदेखील पिवळ्या रंगाचा कुर्ता परिधान केला असून आई आणि मुलाने ट्विनिंग केल्याचे दिसून आले. यावेळी सर्वाधिक लक्ष वेधून घेतलं ते पृथ्वीने.

(वाचा – Exclusive: खणाची साडी ठरतेय सेलिब्रिटींची पसंती, सणासुदीलाही ठरतेय खास)

​आकाश अंबानीचा ऑलिव्ह ग्रीन लुक​

आकाश अंबानीने मात्र यावेळी वेगळ्या रंगाची निवड केल्याचे दिसून आले. भारतीय लुक करताना आकाशने ऑलिव्ह ग्रीन रंगाच्या कुर्त्याला प्राधान्य दिले आणि याखाली पांढरा पायजमा आणि ऑलिव्ह ग्रीन रंगाचे एम्ब्रॉईयडेड जॅकेट घातले होते. यामध्ये आकाशचा लुक अत्यंत आकर्षक दिसत होता.

(वाचा – ब्लॅक शिमरी गाऊनमधील मलायकाचा ग्लॅम लुक, म्हणाली ‘आई बघ तुला माझा अभिमान वाटेल’)

​ईशा आणि जुळ्या बाळांचे केले स्वागत​

संपूर्ण अंबानी आणि पिरामल परिवाराने ईशा, आनंद आणि जुळ्या बाळांचे स्वागत करण्यासाठी हा कार्यक्रम ठेवल्याचे सांगण्यात येत आहे. तर या दरम्यान संपूर्ण अंबानी कुटुंबीयांनी फोटोग्राफर्ससाठी पोझही दिल्या. यावेळी ईशा मात्र बाहेर दिसली नाही.

(वाचा – वायुच्या जन्मानंतर सोनम कपूरचा ग्लॅमरस अवतार, व्हाईट अनारकलीतील अदांनी चाहत्यांची बत्तीगुल)

​आजोबा आणि नातू पृथ्वीचा स्पेशल बाँड​

यावेळी मुकेश अंबानी यांनी आपला नातू पृथ्वीचा हात धरला होता. तर पृथ्वीही आजोबांसह मजेत दिसत होता. आजोबा आणि नातू यांचे नेहमीच खास नाते असते आणि तेच यावेळी दिसून आले. ईशा अंबानीच्या वेलकम बॅशमध्ये संपूर्ण कुटुंब इंडियन लुकमध्ये दिसून आले आणि सध्या त्याचीच चर्चा आहे. तर फोटो व्हायरल होताना दिसून येत आहेत.