जुळ्या बाळांपैकी गर्भातच एक होऊ शकते गायब, तुम्हाला हा आजार तर नाही?

काय आहे Vanishing Twins Snyndrome

​वॅनिशिंग ट्विन सिंड्रोमचे कारण​

Reason Of Vanishing Twin Syndrome: अनेकदा महिलांना गरोदरपणात सुरूवातीच्या तपासणीतच जुळी मुलं असल्याचे समजते. मात्र काही काळानंतर एक गर्भ गायब होतो. पण जन्म देताना एकाच मुलाला जन्म दिला जातो. रिसर्चनुसार, सुरूवातीला आईच्या पोटात दोन गर्भ वाढतात. पण त्यापैकी एका गर्भाला योग्य अन्न, रक्त पुरवठा आणि ऑक्सिजन व्यवस्थित होत नाही अथवा गरोदर महिलेला जास्त तणाव आल्यास, गर्भात वाढणाऱ्या एका बाळाचा विकास खुंटतो. याच कारणामुळे एक गर्भ नष्ट होऊ लागतो. ज्या बाळाला योग्य ऑक्सिजन आणि रक्तपुरवठा मिळतो ते बाळ वाचते आणि दुसरा गर्भ पोटातच नष्ट होतो.

​काय आहेत वॅनिशिंग ट्विन सिंड्रोमची लक्षणे​

Symptoms Of Vanishing Twin Syndrome: अमेरिकन प्रेग्नन्सी असोसिएशनच्या रिसर्चनुसार, वॅनिशिंग ट्विन सिंड्रोम हे ३० पेक्षा अधिक वय असणाऱ्या महिलांमध्ये अधिक प्रमाणात आढळते. याची लक्षणे म्हणजे बरेचदा गरोदर महिलेला हलकेसे ब्लिडिंग होते. तुम्हाला जुळ्या मुलांबाबत डॉक्टरांनी जर निश्चित सांगितले असेल तर पोटात गोळा येत असल्यासारखे वाटत असेल अथवा ब्लिडिंग झाले तुमच्या पोटातील एका बाळाचा विकास होणे बंद झाले आहे हा तुम्हाला इशारा मिळू लागतो. पण तुम्ही घाबरून न जाता त्वरीत तुमच्या डॉक्टरांकडे संपर्क साधावा.

(वाचा – वॉटर बर्थ थेरपी म्हणजे नेमके काय? कसा होतो बाळाचा जन्म आणि गर्भवतीच्या यातना होतात कमी )

​काय आहेत वॅनिशिंग ट्विन सिंड्रोमवर उपचार​

Treatment Of Vanishing Twin Syndrome: अमेरिकन प्रेग्नन्सी असोसिएशनमनुसार, गरोदरपणाच्या पहिल्या तीन महिन्यात गरोदर महिलेने एक बाळ गमावल्यास, काही विशेष वेगळी काळजी घ्यावी लागत नाही. मात्र अशा परिस्थितीत ब्लिडिंग होणे अथवा पोटातून कळ येणे याकडे दुर्लक्ष करू नका. तर त्वरीत डॉक्टरांकडे जा. वेळीच डॉक्टरांचा सल्ला आणि मार्गदर्शन मिळाल्यास बाळ वाचू शकते. त्यामुळे जुळ्या बाळांची जाणीव झाल्यानंतर या लहानसहान गोष्टींकडेही लक्ष ठेवा.

(वाचा – वयाच्या ४० व्या वर्षी आई होण्याचा निर्णय घेताय, तर या गोष्टींची होईल मदत)

​वेळोवेळी करा तपासणी​

दुसऱ्या वा तिसऱ्या महिन्यात जर जुळ्या बाळांपैकी एक गायब झाले तर पुढे दुसऱ्या बाळाच्या वाढीवरही त्याचा परिणाम होऊ शकतो. त्यामुळे आईने वेळोवेळी गर्भात वाढणाऱ्या बाळाकडे दुर्लक्ष न करता डॉक्टरांच्या सल्ल्याने तपासणी करत राहावी. यामुळे बाळ वाचते आणि त्याचा व्यवस्थित विकास होतो.

टीप – याबाबत तुम्ही अधिक माहिती तुमच्या डॉक्टरांशी चर्चा करून मिळवू शकता. ही माहिती आम्ही रिसर्चच्या आधारे दिली आहे.

अशाच अधिक लाइफस्टाइल, हेल्थ, फॅशन, ब्युटी, होम डेकोर, रिलेशनशिप, हॅक्स यावरील अधिक माहितीसाठी क्लिक करा maharashtratimes.com