मोहित रैनानं घटस्फोटाच्या चर्चेवर सोडलं मौन

Mohit Raina: गेल्या काही दिवसांपासून ‘देवों के देव महादेव’ (Devon Ke Dev Mahadev) फेम  अभिनेता मोहित रैनाच्या (Mohit Raina) घटस्फोटाची चर्चा सोशल मीडियावर सुरु आहे. मोहितनं त्याच्या लग्नसोहळ्याचे सर्व फोटो सोशल मीडियावरुन हटवले असून तो लवकरच घटस्फोट घेणार आहे, अशा पोस्ट सोशल मीडियावर व्हायरल झाल्या होत्या. आता या चर्चांवर मोहितनं मौन सोडलं आहे. 

काय म्हणाला मोहित रैना? 
एका वृत्तसंस्थेला दिलेल्या मुलाखतीमध्ये मोहित रैना म्हणाला, ‘या सर्व अफवा आहेत. मी आणि आदिती सध्या आमचा लग्नाचा पहिला वाढदिवस हा हिमाचल प्रदेश येथे  साजरा करत आहोत.  माझे लग्नाचे फोटो शाबूत आहेत आणि सर्व ठीक आहे. मी आदितीला सोशल मीडियावर फॉलो करत नाही कारण ती मनोरंजन क्षेत्रातील नाहीये. म्हणून तिला अटेंशन जास्त आवडत नाही.’ 

मोहितनं 1 जानेवारी 2022 रोजी आदिती शर्मासोबत लग्नगाठ बांधली. मोहितनं त्याच्या लग्नसोहळ्याचे फोटो सोशल मीडियावर शेअर केले होते. या फोटोला त्यानं कॅप्शन दिलं होतं, “खरे प्रेम अडथळ्यांचा सामना करते. आई-वडिलांच्या आशीर्वादाने आपण दोघे आता वेगळे नसून एक आहोत. या नवीन प्रवासात तुमच्या सर्वांच्या प्रेमाची आणि आशीर्वादाची गरज आहे.”

‘देवों के देव महादेव’ मुळे मिळाली विशेष लोकप्रियता 

मोहितनं ‘देवों के देव महादेव’ मालिकेत प्रमुख भूमिका साकारली. या मालिकेत मोहितनं प्रमुख भूमिका साकारली होती. या मालिकेत अभिनेत्री मौनी रॉयनं देखील प्रमुख भूमिका साकारली होती. तसेच ‘उरी: द सर्जिकल स्ट्राइक’  या चित्रपटामघ्ये देखील मोहितनं महत्वाची भूमिका साकारली. ‘डॉन मुथु स्वामी’ या चित्रपटामधून त्यानं बॉलिवूडमध्ये पदार्पण केलं. तसेच ‘बंदिनी’, ‘चक्रवर्ती अशोक सम्राट’या मालिकांमध्ये देखील त्यानं काम केलं. भौकाल या वेब सीरिजमधील त्याच्या अभिनयाला प्रेक्षकांची विशेष पसंती मिळाली. 

वाचा इतर महत्वाच्या बातम्या: 

Mohit Raina : ‘देवों के देव महादेव’ फेम अभिनेता मोहित रैना अडकला लग्नबंधनात