“मला तुझा…”, दीपिकाचा ‘गहराइयां’ चित्रपट प्रदर्शित झाल्यानंतर रणवीरची ‘ती’ पोस्ट चर्चेत

बॉलिवूडची मस्तानी म्हणजेच अभिनेत्री दीपिका पदुकोण ही लोकप्रिय अभिनेत्रींपैकी एक आहे. सध्या दीपिका ही ‘गहराइयां’ तिच्या चित्रपटामुळे चर्चेत आहे. दीपिका पदुकोण, अनन्या पांडे आणि सिद्धांत चतुर्वेदी यांचा ‘गहराइयां’ चित्रपट ११ फेब्रुवारीला ओटीटीवर प्रदर्शित झाला. या चित्रपटातील बोल्ड सीनमुळे ती सध्या चांगलीच चर्चेत आहे. नुकतंच अभिनेता रणवीर सिंहने दीपिकासोबतचा एक रोमँटिक फोटो शेअर केला आहे. यात ते दोघेही किस करताना दिसत आहेत.

रणवीर सिंहने काल संध्याकाळी उशिरा दीपिकासोबतचा सर्वात रोमँटिक फोटो शेअर केला आहे. रणवीरने शेअर केलेला हा फोटो पाहून दीपिकाच्या ‘गहराइयां’ चित्रपटातील बोल्ड सीनची पाहायला मिळत आहे. यात ते दोघेही किस करताना एकमेकांमध्ये हरवून गेल्याचे दिसत आहेत. या चित्रपटासाठी रणवीर सिंहने आपल्या पत्नीचे कौतुक केले आहे. या फोटोला त्याने हटके कॅप्शन दिले आहे.