महाराष्ट्र स्टेट पॉवर जनरेशन लिमिटेडमध्ये एकूण ६६१ पदे भरली जाणार आहेत. याअंतर्गत असिस्टंट इंजिनीअरची ३३९ पदे आणि ज्युनिअर इंजिनीअरची ३२२ पदे भरली जाणार आहेत.
असिस्टंट इंजिनीअर या पदासाठी अर्ज करणाऱ्या उमेदवारांनी मान्यताप्राप्त विद्यापीठ अथवा शिक्षणसंस्थेतून बीई/बीटेक इन इलेक्ट्रीकल इंजिनीअरिंग, मेकॅनिकल इंजिनीअरिंग, इलेक्ट्रॉनिक्स इंजिनीअरिंग, इंस्ट्रमेंटेशन इंजिनीअरपर्यंतचे शिक्षण पूर्ण केलेले असावे. या पदासाठी निवड झालेल्या उमेदवारांना १ लाख १९ हजार रुपयांपर्यंत पगार दिला जाणार आहे.
MAHAGENCO Job: पदभरतीचा तपशील पाहण्यासाठी येथे क्लिक करा
ज्युनिअर इंजिनीअर पदासाठी अर्ज करणाऱ्या उमेदवारांनी मान्यताप्राप्त विद्यापीठ अथवा शिक्षणसंस्थेतून डिप्लोमा इन इलेक्ट्रीकल इंजिनीअरिंग/ मेकॅनिकल इंजिनीअरिंग/ इलेक्ट्रॉनिक्स इंजिनीअरिंग, इंस्ट्रुमेंटेशन इंजिनीअरिंगपर्यंतचे शिक्षण पूर्ण केलेले असावे. या पदासाठी निवड झालेल्या उमेदवारांना १ लाख रुपयांपर्यंत पगार दिला जाणार आहे.
पदभरतीसाठी अर्ज करताना उमेदवारांनी रेझ्युमे, दहावी, बारावी आणि शैक्षणिक प्रमाणपत्रं, शाळा सोडल्याचा दाखला, जातीचा दाखला (मागासवर्गीय उमेदवारांसाठी), ओळखपत्र (आधारकार्ड, लायसन्स) आणि पासपोर्ट साईझ फोटो हे दस्तावेज सोबत जोडणे आवश्यक आहे.
या पदासाठी आरक्षित वर्गातील उमेदवारांना पदभरती आणि वयोमर्यादेमध्ये सरकारी नियमानुसार सवलत देण्यात येणार आहे. याचा सविस्तर तपशील नोटिफिकेशनमध्ये देण्यात आला आहे. तसेच उमेदवारांना संबंधित संस्थेने दिलेल्या अटी आणि शर्थींचे पालन करणे आवश्यक आहे.
१७ डिसेंबर २०२२ ही अर्ज करण्याची शेवटची तारीख आहे. अर्ज करण्यापुर्वी उमेदवारांनी नोटिफिकेशन काळजीपूर्वक वाचावे. अर्जामध्ये काही त्रुटी असल्यास किंवा दिलेल्या मुदतीनंतर आल्यास अर्ज बाद करण्यात येईल याची उमेदवारांनी नोंद घ्या.