MajhiNews Marathi News, Latest Marathi News, Marathi News Paper, Maharashtra Breaking News | मराठी ताज्या बातम्या
त्यासाठी सुद्धा ते मला हाका मारत बसतात. मला हे सगळे करायला आवडत नाही असे अजिबात नाही. मी एक गृहिणी आहे आणि त्यामुळे घर सांभाळणे ही माझी जबाबदारी आहे हे मला समजते आणि मला एक चांगली पत्नी व गृहिणी बनायचं आहे, पण आम्हाला एक मुलगा सुद्धा आहे आणि त्याच्याकडे देखील मला लक्ष द्यावे लागते आणि या सर्व कामांत मी प्रचंड थकते जे नव-याला अजिबात समजत नाही. (गोपनीयतेच्या कारणामुळे आम्ही व्यक्तीची ओळख उघड करत नाही.)
त्यांना माझ्याबद्दल काहीच वाटत नाही
मला सगळ्यात जास्त ह्या गोष्टीचे वाईट वाटते की त्यांना माझी धडपड आणि धावपळ दिसते पण तरी त्यांना माझी दया येत नाही. ते एका शब्दानेही मला म्हणत नाहीत की “मी मदत करतो.” मला सतत वाटते की मी खूप कमनशिबी आहे जो मला हा नवरा मिळाला आहे. माझ्या अन्य मैत्रिणींचे पती त्यांना प्रत्येक कामात मदत करतात. माझी एवढी अपेक्षाही नाही की त्यांनी सगळ्या कामात मला मदत करावी. ते फक्त जरी प्रेमाने आपुलकीने बोलले तरी मला पुरेसे आहे. पण तसं काहीच दिसत नाही.
(वाचा :- माझी कहाणी: गेल्या 5 वर्षापासून मी आई बनू शकली नाही, नव-याला जडलाय विचित्र छंद, कारण ऐकून पायाखालची जमिन सरकेल)
मी त्यांची नोकर आहे का?
मला सतत एक प्रश्न सतावतो की मी त्यांची नोकर आहे का? जारण त्या घरात मी एक गृहिणी म्हणून कमी आणि नोकर म्हणून जास्त वावरते. कोणी घरात पाहुणे आले किंवा ओळखीच आलं की त्यांनाही कदाचित हेच वाटत असावं. कारण मला त्यांच्या डोळ्यांत सतत माझ्याबद्दल सहानुभूती दिसते, जी आता मला नकोशी वाटत आहे. मला कृपया यावर मार्गदर्शन करा आणि यातून मी कशी बाहेर पडू ते सांगा.
(वाचा :- Real Stories : माझ्याइतकी वाईट पत्नी कोणीच नसेल.. मीच माझ्या नव-याला धोका द्यायाला पाडलं भाग.. कारण..!!)
जाणकारांचे उत्तर
प्रिडिक्शन फॉर सक्सेसचे संस्थापक आणि रिलेशनशिप कोच विशाल भारद्वाज म्हणतात की, “घरची जबाबदारी ही कधीच एकट्या पत्नीची नसावी. तो काळ गेला जेव्हा पुरुष फक्त बाहेरची कामे करायचे आणि स्त्रिया केवळ घरातली कामे करायच्या. आतच काळ हा पुरोगामी आहे आणि या काळात स्त्री पुर्सुः दोघांनी संसाराची समान जबाबदारी उचलणे गरजेचे आहे. पण जेव्हा असे होत नाही तेव्हा साहजिकच मानसिकदृष्ट्या खूप परिणाम होतात. एकटेपणाची भावना निर्माण होते. आयुष्यात रस वाटत नाही. तुमचे देखील असेच झाले आहे.”
(वाचा :- माझी कहाणी : नव-याने अक्षरश: भंडावून सोडलंय, भावासोबत बोलणंही गुन्हा वाटू लागलंय, कसा वाचवू या प्रकारातून जीव?)
त्यांना जाणीव करून द्या
ते पुढे म्हणतात की, “तुम्ही तुमच्या पतीला तुमच्यावर जे ओझे निर्माण झाले आहे त्याची जाणीव करून द्यायला हवी. कारण त्यांना या गोष्टीची जाण नसेल तर कधीच ते स्वत:हून पुढाकार घेणार नाहीत. माझा एक प्रश्न असाही आहे की तुम्ही कधी त्यांना स्वत:हून मदत करण्यास सांगितले आहे का? जर नसेल तर हे करून पहा. कधी कधी अनेक गोष्टी सांगून सुद्धा होतात. जोवर तुम्ही स्पष्टपणे नवऱ्याकडे मदत मागत नाही तोवर अनेक नवरे मदत करत देखील नाहीत. त्यामुळे हे नक्की करून पहा.”
(वाचा :- माझी कहाणी: होणारा नवरा व माझी रोज टोकाची भांडणं होतात, फक्त ‘या’ एका गोष्टीसाठी आम्ही एकत्र आहोत, ऐकून हादराल)
त्यांच्याशी संवाद साधा
ते पुढे असेही सांगतात की, “तुम्ही जी कहाणी सांगितली त्यावरून असे दिसते की तुमचे तुमच्या पतीशी नाते हवे तितके घट्ट नाही. तुम्ही दोघे एकमेकांशी फार कमी संवाद साधता. मला वाटते तुम्ही तुमच्यातले प्रेम वाढवले पाहिजे. जोवर तुम्ही दोघे मनापासून एकमेकांच्या जवळ येत नाहीत. तोवर तुम्ही एकमेकांना समजून घेणार नाही. मला वाटते की तुमच्यातले प्रेम वाढले तर नक्कीच ही समस्या दूर होईल.”
(वाचा :- मला जडल्यात काही विचित्र सवयी, जर त्या मी आई-वडिलांसमोर कबूल केल्यात तर मला मुलगी म्हणायलाही त्यांना वाटेल लाज)
