MajhiNews Marathi News, Latest Marathi News, Marathi News Paper, Maharashtra Breaking News | मराठी ताज्या बातम्या
आम्ही एखादी वस्तू ऑनलाइन ऑर्डर केली तर प्रत्येकाला जाणून घ्यायचे असते की त्यात काय आहे. तसं तर घरात सर्वांच्या स्वतःच्या स्वतंत्र खोल्या आहेत पण तरीही सर्वजण आमच्या जीवनात खूप हस्तक्षेप करतात. मी काय करू हे समजेनासं झालं आहे. (सर्व फोटो सांकेतिक आहेत, सुरक्षितता म्हणून आम्ही युजर्सनी शेअर केलेल्या कहाणीमध्ये त्यांची ओळख गुप्त ठेवतो)
नवराही वैतागलाय
मीच नाही तर माझा नवराही या गोष्टीला वैतागला आहे. पण जेव्हा त्याच्या कुटुंबीयांशी या विषयावर चर्चा करण्याचा विषय येतो तेव्हा तो कधीच ते करायला तयार होत नाही. त्याने आपल्या कुटुंबाशी उद्धट वागावे असे मलाही वाटत नाही, पण त्यामुळे आमचे वैवाहिक जीवन किती विस्कळीत होत आहे याची त्याने सर्व कुटुंबियांना जाणीव करून द्यावी इतकंच मला वाटतंय. एवढेच नाही तर माझे सासरे अनेकदा माझ्या नवऱ्यावर लहान मुलासारखे ओरडतात, जे मला अजिबात आवडत नाही. मला वाटतं माझ्या नवऱ्यात कोणाला उत्तरं द्यायची हिंमत नाहीये आणि यामुळेच आता माझ्या मनात असलेला त्याच्याबद्दलचा आदर सुद्धा कमी होत चालला आहे.
(वाचा :- मी एका अशा पुरूषाच्या प्रेमात पडली आहे जे प्रेम जगाला व कुटुंबाला कधीच मान्य होणार नाही, मग मी चुकीची आहे का?)
एक्सपर्ट्सचे उत्तर
एआयआर इन्स्टिट्यूट ऑफ रिलायझेशन आणि एआयआर सेंटर ऑफ एनलाइटनमेंटचे संस्थापक रवी म्हणतात की, आता तुम्ही विवाहित आहात, तुम्हाला हे मान्य करावे लागेल की तुमचा पती सुरुवातीपासूनच त्याच्या पालकांसोबत राहत आहे. अशा परिस्थितीत तो त्याचा स्वभाव लगेच बदलू शकत नाही. एकतर तुम्ही लग्न मोडून पुढची वाटू निवडू शकता किंवा या नात्यात सन्मानाने पुढे जाऊ शकता. आता निवड आणि निर्णय पूर्णपणे तुमचा आहे. तुमची इच्छा असल्यास, तुम्ही नव-याचं मन प्रेमाने जिंकू शकता. जे कुटुंबियांबाबत तुम्हाला वाटतंय किंवा खुपतंय हे त्यालाही समान त्रास देतंय पण इतकंच की तो स्पष्टपणे आई-वडिलांना राह दाखवू शकत नाही. पण तुम्ही हे समजून घ्या की, प्रेमात जादू असते जग जिंकण्याची. याचा तुमच्या वैवाहिक जीवनावर कसा परिणाम होत आहे हे नव-याला समजावून सांगा आणि एकत्र मिळून तोडगा काढण्याचा प्रयत्न करा. कदाचित यामुळे सामंजस्याने उपाय निघेल व एकही नातं तुटणार नाही.
(वाचा :- नवरा व सासूमध्ये रोज मरण माझं होतंय, नवरा प्रत्येक गोष्टीत रडगाणं गात बसतो आणि सासूची त-हा ऐकून तर व्हाल थक्कच)
आई-वडीलांचीही समजूत घाला
तुम्ही म्हणालात की कित्येकदा नवराही या गोष्टींवर चिडतो, पण तरीही तो आई-वडिलांना काहीच बोलत नाही. अशा परिस्थितीत मी म्हणेन की तुमच्या नव-याला थोडा वेळ द्या. कदाचित काही काळानंतर तो स्वत:हून या समस्येचा सामना करेल आणि त्याच्या आई वडीलांना समजावून सांगेल की त्याच्या आयुष्यात किती व काय दखल दिलेली त्याला मान्य आहे आणि काय मान्य नाही. या सर्वात चांगली गोष्ट म्हणजे तुम्ही त्याच्या पालकांचा अनादर करू इच्छित नाही. पण आता तुमच्या मनातील नवर्‍याबद्दलचा आदर व प्रेम कमी होत चालले आहे हे मात्र चूकीचं आहे जे तुम्ही सुधारलं पाहिजे. मला मान्य आहे की लग्नानंतर पालकांनीही समजून घेतले पाहिजे की त्यांच्या मुलांच्या आयुष्यात दुसरे कोणीतरी आले आहे. अशा परिस्थितीत, त्यांनी केवळ मुलांना स्पेसच देऊ नये, तर त्यांनी हे देखील समजून घेतले पाहिजे की अति रोकठोक केल्याने मुलांचे वैवाहिक जीवन खराब होऊ शकते.
(वाचा :- ट्विंकल खन्नाने तब्बल 2 वेळा तोडलं अक्षयसोबतचं लग्न, कारण ठरलं समस्त पुरूष जातीला लाजवेल असा एक भयंकर आरोप..!)
नव-याचा विश्वास जिंकावा लागेल
या विषयावर प्रिडिक्शन फॉर सक्सेसचे संस्थापक आणि रिलेशनशिप कोच विशाल भारद्वाज म्हणतात की, मी निश्चितच तुमची चिंता समजू शकतो की सासरच्या लोकांच्या हस्तक्षेपामुळे तुम्हाला किती घुसमटल्यासारखे वाटत असेल. पण यानंतरही तुमचा नवरा याच वातावरणात वाढला आहे हे तुम्हाला समजून घ्यावं लागेल. त्यामुळे ते तुमच्यासाठी जेवढे असामान्य आहे तेवढे त्यांच्यासाठी नाही. हे देखील एक कारण आहे की तुम्ही हे घरातील वातावरण किंवा सवयी एका रात्रीत बदलू शकत नाही. जर तुम्ही असे करण्याचा प्रयत्न केला तर ते तुम्हाला बंडखोर किंवा वाईट समजू लागतील आणि ही गोष्ट तुमच्या नव-यासोबतचे प्रेमळ नाते कमकुवत करेल. या विषयावर तुम्हाला प्रथम तुमच्या पतीचा विश्वास जिंकावा लागेल. गोष्टी धीराने हाताळा. लहान-सहान बदल केल्यास ते कुटुंबिय, नवरा व तुम्ही सर्वांच्याच भल्याचे ठरतील आणि तुम्ही कोणाच्या नजरेतून उतरणार देखील नाही.
(वाचा :- माझ्या बायकोची ही 1 घाणेरडी सवय मला व माझ्या आई-बाबांना सहन करणं महाकठीण झालंय, मी घटस्फोट घेणं योग्य ठरेल का?)
सासूसोबत करा मैत्री
अर्थातच जगात सर्वात कठीण गोष्ट हीच आहे पण अश्क्यही नाही. बराच काळ मुलाला सांभाळणारी आई लग्नानंतर थेट त्याची जबाबदारी बायकोकडे द्यायला कचरते. तिच्याही मनात मुलाविषयी वेगळी चिंता असूच शकते जशी ती एक बायको म्हणून तुमच्या मनात असते. त्यामुळे सासूला वाईट समजून तिच्याशी बोलणं बंद करू नका. संवाद व मैत्री वाढवा आणि यातून गोड गोड बोलून तिला समजावून सांगा की तुम्ही त्याच्या प्रत्येक गोष्टीची व्यवस्थित काळजी घेत आहात आणि हे कुटुंब एकजुट ठेवण्यासाठी प्रयत्न करत आहात. कदाचित हा एक विश्वास तिच्या अस्वस्थ मनाला स्थिर करू व निश्चिंत करू शकतो जे तुमच्या वैवाहिक आयुष्यात शांती आणू शकतं.
(वाचा :- कोणालाच नाही अशी घाणेरडी सवय नव-याला आहे, त्या एका सवयीने केलंय माझ्या आयुष्याचं वाटोळं, ऐकून येईल अंगावर काटा)
