‘कुछ कुछ होनेवाला है’, ‘रोमान्स किंग’ शाहरुख खान लाँच करणार नवा ओटीटी प्लॅटफॉर्म!

ड्रग्ज केसमुळे अडकला शाहरुखचा प्रोजेक्ट!

गेल्या वर्षी शाहरुख खान ओटीटीवर पदार्पण करणार असल्याची चर्चा रंगली होती. दरम्यान, शाहरुख खानने डिस्ने प्लस हॉटस्टारवर पदार्पण करण्याचे संकेत देणारे काही टीझर व्हिडीओ शेअर केले होते. त्यावेळी असे म्हटले जात होते की, तो लवकरच एक मोठी घोषणा करू शकेल. मात्र, त्याचा मुलगा आर्यन खान ड्रग्ज प्रकरणात अडकल्याने हा संपूर्ण प्रकल्प पुढे ढकलण्यात आला. आता शाहरुख खानने या पोस्टद्वारे चाहत्यांना पुन्हा एकदा हिंट दिली आहे. फोटो पोस्ट करताना शाहरुख खानने लिहिले की, ‘OTT च्या जगात काहीतरी घडणार आहे.’

चाहत्यांची उत्कंठा शिगेला!

शाहरुख खानने ही पोस्ट शेअर करताच अल्पावधीतच सोशल मीडियावर अनेक लाईक्स आले. शाहरुख खानच्या OTT पदार्पणाबद्दल अधिक जाणून घेण्यासाठी चाहते देखील उत्सुक आहेत. किंग खानचा मुलगा आर्यन या माध्यमातून एका वेब सीरीजमध्ये लेखक म्हणून डेब्यू करू शकतो, अशी देखील चर्चा सुरु आहे.

हेही वाचा :

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह – ABP Majha