नखांमधील रंग कसा काढवा
- होळी खेळल्यानंतर सर्वात जास्त रंग हा आपल्या नखांमध्ये जातो.
- या रंगामध्ये केमिकल्स असल्याने हे रंग आपल्या शरिरासाठी हानिकारक असतात.त्यामुळे केस किंवा चेहऱ्यांवरील रंग काढण्याआधी सर्वात आधी तुमच्या नखांमधील रंग काढा.
- नखांमधील रंग काढण्यासाठी कोमट पाण्यात
- बदामाचे तेल किंवा व्हिनेगर घ्या.
- बदाम तेल किंवा व्हिनेगरच्या पाण्यात नखे बुडवून ठेवा.
- असे ३-४ दिवस सतत करा नखांमधील रंग हळूहळू कमी होईल.
- रंग साफ करण्यासाठी तुम्ही खोबरेल तेलाचा देखील वापर करू शकता.
(वाचा :- हेल्मेट वापरल्याने खरंच केस गळतात का? तज्ज्ञांचे मत ऐकून तुम्ही देखील हडबडून जाल)
घरगुती फेसपॅकची कमाल
- रंग काढण्यासाठी तुम्ही फेसपॅकचा देखील तुम्ही वापर करू शकता.
- यासाठी पपईची पेस्ट, मध आणि मुलतानी माती एकत्र करून एक फेसपॅक तयार करता येईल.
- समप्रमाणात लिंबाचा रस आणि मध चेहेऱ्याला लावणं हा देखील एक उत्तम पर्याय आहे.
- या उपायाने कदाचित पाहिल्या झटक्यात रंग पूर्ण निघून जाणार नाही, पण निदान तो फिका होण्यास मदत होईल.
- रंग पूर्ण निघेपर्यंत दररोज हा फेसपॅक लावत राहा.
(वाचा :- कोरियन आणि जपानी मुलींच्या काचेसारख्या त्वचेचे रहस्य तुमच्या स्वयंपाकघरात, तांदळाच्या पाण्याचा असा करा वापर)
शरीरावरील रंग काढण्यासाठी
चेहऱ्यावर किंवा शरिराच्या कोणत्याही अवयवावर लागलेला रंग निघत नसेल तर बरेच जण त्वचा घासतात किंवा स्क्रब करतात. असे केल्याने कदाचित रंग निघून जाईल पण असे केल्याने तुमच्या त्वचेचे फार नुकसान होईल.
त्यामुळे शरीराच्या कोणत्याही अवयवावरील रंग काढण्यासाठी बॉडीवॉश किंवा साबणाचा वापर करा.
(वाचा :- ऋजुता दिवेकर यांनी सांगितले शेंगदाण्याचे त्वचेसाठी होणारे फायदे; ७ दिवसात चेहरा चमकू लागेल)
चेहऱ्यावर रंग काढण्यासाठी
- चेहऱ्यावरील रंग काढण्यासाठी क्लिजिंग फेस वॉशचा वापर करा.
- त्यानंतर चेहऱ्याला आठवणीने मॉइस्चराइजर लावा. किंवा फेस मास्कचा देखील उपयोग करू शकता.
- त्याचप्रमाणे चेहऱ्यावरील रंग घालवण्यासाठी बेसन, दही आणि लिंबूच्या मिश्रणाचा वापर करा. याने त्वचा हायड्रेट राहण्यासही मदत होईल.