करीनासारखी नितळ त्वचा मिळेल पपईमुळे, ४५ व्या वर्षीही दिसा तरूण आणि आकर्षक

papaya for skin

पपई फेस मास्क बनविण्यासाठी लागणारे साहित्य

पपईचा फेस मास्क बनविण्यासाठी तुम्हाला वेगळे असे काही साहित्य बाजारातून आणण्याची गरज भासत नाही. तसंच पपईचा त्वचेसाठी वापर हा उत्तम पर्याय ठरतो. पपई त्वचा अधिक तजेलदार करण्यासाठी योग्य पर्याय आहे.

• १ मोठा चमचा पपईचा पल्प
• १ मोठा चमचा कोरफड जेल
• १ लहान चमचा गुलाबपाणी

कसा बनवावा पपई जेल फेस मास्क?

• पपई जेल फेस मास्क बनविण्यासाठी सर्वात पहिले एका बाऊलमध्ये पपईचा पल्प घ्या. लक्षात ठेवा पपई जितकी ओली असेल तितके चांगले
• यानंतर पपईच्या पल्पमध्ये कोरफड जेल आणि गुलाबपाणी मिक्स करा
• हे सर्व एकत्र करून मिक्स करून घ्या आणि फेसमास्क तयार आहे

(वाचा – मुलतानी मिट्टीचे हे फेसपॅक देतील तुम्हाला तरूण त्वचा, सुरकुत्या होतील गायब)

कसा वापरावा पपईचा फेसमास्क

• पपई जेल फेसमास्क लावण्यापूर्वी तुम्ही तुमचा चेहरा स्वच्छ करून घ्या
• त्यानंतर तुमच्या संपूर्ण चेहऱ्यावर फेसमास्क लावा
• साधारण १५-२० मिनिट्स तसंच ठेवा
• त्यानंतर तुमचा चेहरा पाण्याने स्वच्छ धुवा
• यानंतर चेहरा नीट पुसा आणि आपल्या स्किन टाईपनुसार मॉईस्चराईजर लावा
• चांगल्या परिणामासाठी हा फेसमास्क कमीत कमी २ ते ३ वेळा लावा

हा फेसमास्क आपल्या त्वचेला हायड्रेट करण्यासह अधिक मऊ आणि मुलायम राहाते आणि अधिक चमकदार बनवते.

(वाचा – काचेसारख्या नितळ त्वचेसाठी ऋजुता दिवेकर यांनी सांगितलेले ‘हे’ सोपे उपाय करुन पाहाच)

पपईचे त्वचेसाठी फायदे

• पपईमध्ये असणारे जीवनसत्व आणि खनिजे त्वचेसाठी उत्तम ठरतात. व्हिटामिन ए आणि व्हिटामिन सी पपईमधून मिळते. याशिवाय यातील एंजाइम त्वचेच्या मृत पेशींची समस्या दूर करण्यासाठी उपयुक्त ठरते
• सूर्यप्रकाशामुळे त्वचेवर टॅनिंग येते. हे टॅनिंग दूर करण्यासाठी पपईचा वापर करता येतो. तसंच टॅनिंगमुळे होणारी जळजळही थांबते
• टॅनिंगच्या समस्येवर मात करण्यासाठी पपईसह तुम्ही कॉफीचाही वापर करू शकता. कॉफीचा चांगला पर्याय आहे. पपईमध्ये कॉफी मिक्स करा आणि त्यात व्हिटामिन ई कॅप्सुलचा वापर करा. हे मिश्रण चेहऱ्यावर लावा. त्यानंतर साधारण २० मिनिट्सने चेहरा स्वच्छ करा
• पपईमध्ये एक्सफोलिएटिंग गुणधर्म असून त्वचेची छिद्र स्वच्छ करण्यासाठी याचा उपयोग होतो. याशिवाय पपईपासून त्वचा अधिक तरूण दिसण्यासाठी क्लिंन्झरही तुम्ही बनवू शकता. तसंच चेहरा अधिक खोलवर स्वच्छ करण्यासाठी कोरफड जेलमध्ये पपई मिक्स करून वापरा
• पपई मॅश करून घ्या आणि त्यात मध आणि दूध मिक्स करा. हे मिश्रण चेहऱ्याला लावा
• पपईमध्ये हळद आणि अंड्याचा पांढरा भाग मिक्स करून मिश्रण लावल्यास टॅनिंग दूर होण्यास मदत मिळते. त्वचा अधिक उजळ बनविण्यासाठी याचा उपयोग करून घेता येतो

करीनासारखी त्वचा मिळविण्यासाठी बाजारातील महाग उत्पादनांची गरज नाही तर पपईचा वापर करून तुम्ही तुमची त्वचा अधिक चांगली आणि चमकदार करू शकता.

(फोटो क्रेडिटः Pexels, Instagram)