Good News For Students: सरकारी शाळामध्ये मिळणार परकीय भाषांचे धडे

त्यापैकी साठ टक्के विद्यार्थी उत्तीर्ण होऊन पुढच्या स्तराचे प्रशिक्षण घेत आहेत. पिंपरी-चिंचवड महापालिकेच्या शाळांमध्ये हा उपक्रम सुरू करण्यासाठी सामंजस्य करार करण्यात आला आहे. त्या पाठोपाठ पुणे महापालिका आणि जिल्हा परिषदेच्या शाळांमध्येही उपक्रम राबवण्याचे प्रयत्न ‘एफएलओए’कडून सुरू करण्यात आले आहेत.

उपक्रम दृष्टिक्षेपात…

– या उपक्रमात चार स्तरांवर जर्मन आणि फ्रेंच भाषांचा संपूर्ण अभ्यासक्रम विभागण्यात आला आहे.

– पहिल्या स्तरावर विद्यार्थ्यांना परकीय भाषांची ओळख आणि प्राथमिक शिक्षण दिले जाते. हे शिक्षण ‘व्हिडिओ चॅप्टर’द्वारे मिळते.

– प्रत्येक प्रकरण शिकवण्यासाठी वेगवेगळ्या व्हिडिओंची निर्मिती करण्यात आली आहे. त्यात शिकवला जाणारा संपूर्ण अभ्यासक्रम हा ‘पीडीएफ’ स्वरूपातही उपलब्ध करण्यात आला आहे.

– मराठी, हिंदी आणि इंग्रजी अशा तीन भाषांमध्ये हा अभ्यासक्रम उपलब्ध आहे.

– ही संपूर्ण प्रक्रिया विद्यार्थ्यांना मोफत पूर्ण करता येणार असून, त्यासाठी लागणारे नाममात्र शुल्क संबंधित संस्था आणि ‘एफएलओए’कडून ‘सीएसआर’मार्फत उभे करण्यात येणार आहे.

NEP: सात वर्षांत पदवी पूर्ण करण्याचे बंधन, यूजीसीकडून सुधारित श्रेयांक आराखडा आणि अभ्यासक्रम जाहीर

राजगुरुनगरची तन्वी देशात पहिली

मे २०२१मध्ये या अभ्यासक्रमाला सुरुवात झाल्यानंतर राजगुरुनगर येथील एका अनुदानित शाळेत शिकणाऱ्या तन्वी राळे या विद्यार्थिनीने अभ्यासक्रमाला प्रवेश घेतला. परकीय भाषेची काहीही माहिती नसतानाही तिने जर्मन भाषेचे धडे गिरवले. विशेष म्हणजे सहा महिन्यांनी झालेल्या परीक्षेमध्ये तिने देशात पहिला क्रमांक पटकाविला होता. तन्वी आता तिसऱ्या स्तरावरील अभ्यास करीत आहे. ती जर्मन बोलायलाही शिकली असल्याचा दावा संस्थेच्या कौस्तुभ देशपांडे यांनी केला आहे.

प्रत्यक्ष शिकवण्यासाठीही प्रयत्न सुरू

परकीय भाषांचे धडे ऑनलाइन स्वरूपात देण्याचा प्रयोग यशस्वी झाला असला तरी काही ठिकाणी इंटरनेटच्या अनेक समस्या उद्भवतात. अशा परिसरात प्रत्यक्ष जाऊन विद्यार्थ्यांना शिकवता येईल का, यासाठी प्रयत्न सुरू असल्याचे सांगण्यात आले. याशिवाय लाइव्ह ऑनलाइन वर्गही आयोजित करता येतील का, याबाबतही चाचपणी केली जात आहे.

परकीय भाषांमध्ये पुढे जाऊन तयार होणाऱ्या करिअरच्या संधी पाहता सर्व विद्यार्थ्यांपर्यंत हे शिक्षण पोहचणे गरजेचे आहे. सरकारी शाळांमधील होतकरू विद्यार्थ्यांना परकीय भाषा शिकवण्याच्या उद्देशाने हा उपक्रम सुरू केला आहे. पुण्यातील सर्व सरकारी शाळांसह राज्यात सर्व ठिकाणी हा अभ्यासक्रम मोफत शिकवला जावा, असा आमचा मानस आहे.
– कौस्तुभ देशपांडे, संस्थापक, एफएलओए एज्युकेशन

विद्यार्थ्यांसाठी आनंदाची बातमी! कमी पटसंख्येच्या शाळा सुरु राहणार