Fact Check: हे ड्रिंक प्यायल्याने एका झटक्यात बाहेर पडतो मुतखडा व पित्ताशयाचा खडा, काय आहे या दाव्यामागील सत्य

दारू प्यायल्याने मुतखडा होतो का?

अमेरिकन अॅडिक्शन सेंटर (AAC) च्या रिपोर्टनुसार, दारू पिण्याने किडनी स्टोन होऊ शकतो याचा कोणताही पुरावा नाही. होय, हे खरे आहे की अल्कोहोलच्या अतिसेवनामुळे किडनी खराब होणे, मूत्रपिंड निकामी होणे, उच्च रक्तदाब, कर्करोग, कमकुवत रोगप्रतिकारक शक्ती, मानसिक आरोग्य इत्यादी गंभीर समस्या उद्भवू शकतात. यापैकी काही विकार निश्चितपणे मूत्रपिंडाच्या कार्यप्रणालीवर परिणाम करतात. त्यामुळे तुम्ही जर मद्यपान करत असाल तर स्वत:वर नियंत्रण ठेवा आणि जमल्यास मद्यपानाचे सेवन सोडून द्या.

(वाचा :- Metabolism कमी झालं तर बाहेरच नाही तर आतील भागांवरही जमू लागते चरबी, हे 5 पदार्थ झटक्यात वाढवतात मेटाबॉलिक रेट)

मुतखडा आणि दारूच्या मधला फंडा

शरीरात डिहायड्रेशन निर्माण होणे हे मुतखडा तयार होण्याचे प्रमुख कारण आहे. तुम्ही पुरेसे पाणी न प्यायल्याने डिहायड्रेशन होऊ शकते. तुम्ही दारूचे सेवन करत असाल, मग ती बिअर, वाईन किंवा कोल्ड ड्रिंक्स असो, या सर्व गोष्टी शरीरात डिहायड्रेशन निर्माण करतात. पण याचा अर्थ असा नाही की अल्कोहोलमुळे किडनी स्टोन अर्थात मुतखडा होतो.

(वाचा :- सावधान, या लोकानी चुकूनही पिऊ नये कोमट पाणी, आयुर्वेदिक डॉक्टरांनी सांगितलं कोणत्या व्यक्तीने कसं पाणी प्यावं?)

बिअरमुळे मुतखडा पडतो असे लोकांना का वाटते?

याचे सर्वात मोठे कारण म्हणजे लोकांना वाटते की बिअर पिणे लघवी वाढवण्याचे काम करते. जेव्हा वारंवार लघवी होते तेव्हा खडा शरीरातून बाहेर पडणे सोपे होते. तुम्ही आजूबाजूच्या कोणालाही याबद्दल प्रश्न विचारा ते देखील तुम्हाला हेच कारण सांगतील. पण शास्त्रीयदृष्ट्या बिअर प्यायल्याने मुतखडा पडतो असे कधीच सिद्ध झालेले नाही.

(वाचा :- Oil For Kidney : खराब झालेल्या दोन्ही किडन्या होतील मजबूत व स्वच्छ, रोज जेवणात फक्त इतके चमचे वापरा हा पदार्थ)

खरंच असे होते का?

AAC च्या अहवालात स्पष्टपणे लिहिले आहे की दारू असो किंवा बिअर, काहीही मुतखडा काढण्यास मदत करत नाही. पूर्वी अल्कोहोलचे मर्यादित सेवन आरोग्यासाठी फायदेशीर मानले जात होते परंतु अलीकडे WHO ने अल्कोहोलचा एक थेंब देखील धोकादायक मानला आहे. मुतखडा काढण्यासाठी उपाय म्हणून बिअरला समर्थन देणारा कोणताही ठोस पुरावा किंवा अभ्यास नाही. त्यामुळे तुम्ही मुतखडा झाल्यास असा उपाय अजिबात करू नका. कोणी सांगितले की बिअर पी मग मुतखडा पडेल मग त्याचाही हा गैरसमज ही माहिती सांगून अवश्य दूर करा.

(वाचा :- जेवणासोबत सॅलेड खात असाल तर थांबा नाहीतर नुकसान अटळ, न्युट्रिशनिस्टने सांगितली सॅलेड खायची योग्य वेळ आणि पद्धत)

काही लोक का दावा करतात बिअर मुतखडा पाडते?

मॅक्स हॉस्पिटलच्या अधिकृत वेबसाइटवर असे म्हटले आहे की, बिअर मूत्रपिंडातील खडा बाहेर टाकण्यास मदत करतो कारण बिअर लघवीचे प्रमाण वाढवणारा पदार्थ आहे. बिअर लघवी वाढविण्याचे कार्य करतो, त्यामुळे लहान खडे बाहेर पडतात. परंतु एक समस्या अशी आहे की ते बिअर प्यायल्याने 5 मिमी पेक्षा मोठे खडे बाहेर पडत नाही कारण बाहेर पडण्याचा मार्ग सुमारे 3 मिमी आहे. पण या वेबसाईटवर असेही नमूद केले आहे की जर तुम्हाला वेदना होत असताना किंवा लघवी करता येत नसताना तुम्ही बिअरचे सेवन केले तर त्यामुळे तुमची प्रकृती बिघडू शकते कारण बिअरमुळे जास्त लघवी तयार होते जी तुम्ही बाहेर काढू शकत नाही, त्यामुळे खूप वेदनादायक स्थिती निर्माण होते. तसेच, बिअरचे दीर्घकाळ सेवन केल्याने उच्च ऑक्सलेट (मूत्रपिंडाचा एक घटक) आणि डिहायड्रेशन होऊ शकते.
(वाचा :- कोलेस्ट्रॉल व ट्रायग्लिसराईड नसा आतून पोखरते व पूर्ण रक्त आटवते, हार्ट व ब्रेन अटॅक येण्याआधी सुरू करा हे उपाय)
टीप : हा लेख केवळ सामान्य माहितीसाठी असून यामधून कोणत्याही प्रकारच्या उपचाराचा दावा केला गेलेला नाही. अधिक जास्त माहितीसाठी नेहमी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य ते बदल करा. तसेच महाराष्ट्र टाइम्स कोणताही दावा करत नाही आणि कोणत्याही दाव्यास जबाबदार राहणार नाही. हा लेख पूर्णत: स्टडी बेसिसवर लिहिण्यात आला आहे.