फक्त मोबाइलच नाही तर, Laptop मध्येही सेट करता येते Face lock , फॉलो करा या स्टेप्स

लॅपटॉप आणि डेस्कटॉप बनवणाऱ्या कंपन्या युजर्ससाठी फेस लॉक फीचर लाँच करत नसले तरीही, सॉफ्टवेअरच्या मदतीने तुम्ही लॅपटॉप किंवा डेस्कटॉपमध्ये फेस लॉक सेट करू शकता. यासाठी तुम्हाला दुसरे कोणतेही गॅझेट खरेदी करण्याची गरज नाही. फक्त एका सॉफ्टवेअरच्या मदतीने तुम्ही तुमचा लॅपटॉप फेस लॉकने कव्हर करू शकता.

वाचा: WhatsApp चा युजर्सना झटका! ४९ फोनवर अ‍ॅपचा सपोर्ट बंद, लिस्टमध्ये iPhone- Samsung चाही समावेश

जर डेस्कटॉप असेल तर हे काम आवश्यक:

जर तुम्ही डेस्कटॉप युजर असाल तर तुम्हाला वेबकॅम लागेल. कारण, ज्याप्रमाणे मोबाईल फोनमध्ये फेस लॉकसाठी कॅमेरा समोर असतो, त्याचप्रमाणे डेस्कटॉपमध्ये फेस लॉकसाठी कॅमेरा किंवा वेबकॅम आवश्यक असेल. कॅमेराशिवाय फेस लॉक शक्य नाही. जर ते तुमच्या डेस्कटॉपवर उपलब्ध नसेल, तर तुम्हाला ऑनलाइन किंवा ऑफलाइन वेबकॅम विकत घ्यावा लागेल. तर, दुसरीकडे, जर तुम्ही लॅपटॉप युजर असाल तर तुम्हाला काळजी करण्याची गरज नाही. कारण बहुतेक लॅपटॉपमध्ये कॅमेरा आधीच दिलेला असतो.

अशा प्रकारे सेट करा फेस लॉक :

लॅपटॉप आणि डेस्कटॉपवर फेस लॉक सेट करण्यासाठी एक सॉफ्टवेअर डाउनलोड करावे लागेल. हे सर्व विंडोज युजर्ससाठी विनामूल्य आहे. तुम्ही ते थेट Google Chrome किंवा इतर ब्राउझरवरून डाउनलोड करू शकता. Keylemon Control असे या सॉफ्टवेअरचे नाव आहे. हे सॉफ्टवेअर फार हेवी नाही. त्यामुळे तुम्ही ते अगदी कमी डेटामध्ये सहज डाउनलोड करू शकता.

वाचा: Jio-Airtel-BSNL युजर्स द्या लक्ष, या प्लान्समध्ये सुपरफास्ट इंटरनेट आणि 14 OTT Apps सह बरच काही