दिलीप कुमारांवर प्रेम करायच्या कामिनी कौशल, नशीब फिरलं अन् बहिणीच्या नवऱ्याशीच केलं लग्न

मुंबई- हिंदी चित्रपटसृष्टीच्या इतिहासात अनेक दिग्गज तारे झाले, ज्यांचे योगदान कायम स्मरणात राहील. बॉलिवूडच्या ज्येष्ठ अभिनेत्री कामिनी कौशल यांनीही या प्रवासात खास भूमिका वठवली. कामिनी ९५ वर्षांच्या आहेत आणि त्यांनी सिनेसृष्टीत ७५ वर्षाहून अधिक काळ काम केलं आहे. आज आम्ही तुम्हाला अशाच एका अभिनेत्रीबद्दल सांगणार आहोत ज्यांनी पडद्यावर शाहरुख खान, शाहिद कपूर ते अभिषेक बच्चन यांच्या आजीची भूमिका साकारली आहे, ज्यांच्यावर दिलीप कुमारही जीव ओवाळून टाकायचे.

उमा कश्यप यांचा जन्म २४ फेब्रुवारी १९२७ ला लाहोरमध्ये झाला. चित्रपट दिग्दर्शक चेतन आनंदने उमा कश्यप यांचं नाव बदलून कामिनी कौशल ठेवलं. ज्या काळात स्त्रिया केवळ घरापुरत्याच मर्यादित होत्या, त्या काळात त्यांनी लाहोर विद्यापीठातून फक्त इंग्रजी विषयात बी.ए. चा अभ्यासच केला नाही तर घोडेस्वारी ते पोहणं अशा कलात प्रवीणही झाल्या.

कामिनी यांचे वडिलही होते प्रख्यात वनस्पतिशास्त्रज्ञ

कामिनी कौशल यांचे वडील शिव राम कश्यप होते, ते त्यांच्या कृषी, वनस्पतिशास्त्रातील योगदानासाठी नेहमीच स्मरणात राहतात. कामिनी यांचे वडील आजही वनस्पतिशास्त्राचे जनक म्हणून स्मरणात आहेत. कामिनी यांनी तीन बहिणी आणि दोन भाऊ आहेत. एका मुलाखतीत त्यांनी सांगितलं होतं की, त्या काळात त्यांना प्रेमात पडायला कधी वेळच मिळाला नाही. त्या स्विमिंग, रायडिंग, स्केटिंग, रेडिओवरील नाटकांमध्ये खूप व्यग्र असायच्या. त्यावेळी त्यांना रेडिओवरील नाटकांसाठी १० रुपये मिळायचे.

दिलीप कुमार यांचं होतं भरपूर प्रेम

प्रसिद्ध चित्रपट निर्माते चेतन आनंद यांनी कामिनी कौशल यांना १९४६ मध्ये नीचा नगर या चित्रपटात संधी दिली. त्यांचा पहिलाच चित्रपट कान्स चित्रपट महोत्सवात पोहोचला आणि गोल्डन पाम सारखा लोकप्रिय पुरस्कारही जिंकला. असं म्हणतात की दिलीप कुमारही कामिनी यांच्यावर जीव ओवाळून टाकायचे. दोघांनाही एकमेकांशी लग्न करायचे होते, पण अभिनेत्रीच्या आयुष्यात असा एक भूकंप आला की सगळेच विस्कटले. त्यांच्या मोठ्या बहिणीचा रस्ता अपघातात मृत्यू झाला आणि त्याच्या कुटुंबात अशी परिस्थिती निर्माण झाली की त्यांना बहिणीचा नवरा बी.एस सूद यांच्याशी लग्न करावे लागले. जेणेकरून त्या आपल्या बहिणीच्या दोन्ही मुलींची काळजी घेऊ शकतील.

वयाच्या ९५ व्या वर्षीही अभिनयात आहेत सक्रीय

कामिनी कौशल ७५ वर्षांपासून अभिनय करत आहेत. त्या आजही चित्रपटसृष्टीत सक्रिय आहेत. ‘कबीर सिंग’मधील शाहिद कपूरच्या आजीपासून, ‘चेन्नई एक्सप्रेस’मधील शाहरुख खानच्या आजीपर्यंत आणि ‘लागा चुनरी में दाग’ मधील अभिषेक बच्चनच्या आजीपासून २०२२ मध्ये प्रदर्शित झालेल्या ‘लाल सिंह चड्ढा’मधील पाहुण्या कलाकाराची भूमिका त्यांनी केली आहे.