MajhiNews Marathi News, Latest Marathi News, Marathi News Paper, Maharashtra Breaking News | मराठी ताज्या बातम्या
खास करण्यासाठी आपल्या जोडीदारासह तुम्ही काही गेम्स खेळू शकता. याचे उत्तर प्रत्येक जोडीदाराचे नक्कीच वेगळे असेल. पण जेव्हा तुम्ही एकमेकांसह बाहेर फिरायला जाल, एकमेकांना वेळ द्याल तेव्हा असे गेम्स खेळणं अत्यंत गरजेचे आहे. तुमच्या रोजच्या धावपळीपासून दूर आणि नात्यातही एक वेगळी रंगत आणि गंमत आणतात आणि नात्यात एक वेगळी ऊर्जाही आणतात. Couple Games अथवा Games That Couples Play जाणून घ्या. (फोटो सौजन्य – iStock)
ट्रूथ अँड डेअर
Truth And Dare: ट्रूथ अँड डेअर जो खऱ्या आणि हिमतीचा खेळ म्हणून प्रसिद्ध आहे. पण हा गेम गंभीररित्या न घेता आपल्या जोडीदारासह मजा करण्याच्या हेतूने खेळा. तुमच्या जुन्या गोष्टींशी संबंधित प्रश्न आणि डेअर करत हा गेम जोडीदारासह खेळा. डेअरच्या वेळी मस्ती मजा असणाऱ्या गोष्टींनाच प्राधान्य द्या आणि एकमेकांच्या जवळ अधिक राहण्याचा प्रयत्न करा.
हे की ते
This Or That: एकमेकांबाबत जास्त जाणून घेण्याचा प्रयत्न करायचा असेल तर तुम्ही हा गेम खेळू शकता. दोन गोष्टींपैकी एक गोष्टीची निवड असा हा गेम आहे. यामुळे तुमचे नवे लग्न झाले असेल तर जोडीदाराबाबत अधिक गोष्टी जाणून घेऊ शकता.
- मॉर्निंग पर्सन अथवा नाईट
- समुद्रकिनारा की डोंगरदऱ्या
- टीव्ही वा पुस्तकं
- आईस्क्रिम की चॉकलेट
- कुत्रा की मांजर
- घरी मुव्ही नाईट की क्लबिंग नाईट
- इनडोअर की आऊटडोअर
- घरातील जेवण की फास्ट फूड
असे एक ना अनेक प्रश्न तुम्ही या गेम्समध्ये एकमेकांना विचारून एकमेकांची आवड जाणून घेऊ शकता. वेळही चांगला जातो आणि गंभीरताही राहात नाही.
(वाचा – Kangana Ranaut Birthday: अफेअर, ई-मेल आणि लिगल नोटीस, कंगना आणि हृतिकच्या नात्याचा झाला होता नाट्यमय शेवट)
डोळ्यात डोळे घालणे
Stare into Eyes: हा सर्वात जुना आणि तितकाच रोमँटिक गेम आहे. एकमेकांच्या डोळ्यात बघत राहणं म्हणावं तितकं सोपं नाही. डोळ्याची पापणी न लवता असं एकमेकांना पाहून गप्पा मारणं जितकं मस्त आहे तितकंच रोमँटिक आहे. कामाच्या वेळात रोमँटिकपणा विसरला असलात तर हा गेम नक्की खेळा आणि पुन्हा एकमेकांच्या प्रेमाची जाणीव करून द्या.
(वाचा – Rani Mukherjee Birthday: विवाहित पुरूषाच्या प्रेमात पडली राणी मुखर्जी, प्रेम जगापासून लपवावे लागले )
हसाल तर फसाल
You Laugh, You Lose: हा खूप मजेशीर गेम आहे. सध्या धावपळीच्या आयुष्यात एकमेकांसह हसायलाही वेळ मिळत नाही. हँसी तो फँसी हे तर तुम्ही ऐकलंच आहे. असाच काहीसा हा गेम आहे. एकमेकांना हसविण्यासाठी तुम्ही प्रयत्न करायचे आणि जो पहिले हसेल त्याच्याकडून हवं ते काम करून घ्यायचं. यामध्ये तुम्ही एकमेकांबरोबर रोमँटिक क्षणही घालवू शकता.
(वाचा – International Day of Happiness: आपल्या जोडीदाराला आनंदी ठेवण्यासाठी मेसेज पाठवून फुलवा हास्य )
ट्यून ओळखा
Guess The Tune: हा एक गेस गेम आहे जो तुम्ही तुमच्या मोबाईलच्या मदतीने खेळू शकता. घरातील सोफ्यावर, बेडवर, चालत्या गाडीत, हॉटेलमध्ये अथवा कुठेही बाहेर गेल्यानंतर तुमच्या जोडीदारासह हा गेम खेळू शकता. गाण्याची सुरूवातीची ट्यून ऐकवून जोडीदाराला गाणे ओळखायला सांगायचे. न ओळखल्यास काहीतरी हक्काने गिफ्ट मागून घ्यायचे यात खूपच मजा येते.
तुम्हीही जोडीदारासह अनेक दिवसांपासून वेळ एकत्र घालवला नसेल तर हे गेम्स नक्की ट्राय करा आणि नात्यात पुन्हा एकदा थोडा स्पाईस निर्माण करा.
