चेन्नई सुपर किंग्जच्या शिवम दुबेची फिल्मी लव्ह स्टोरी, समाजाची बंधने झुगारून केले होते अंजुम खानशी लग्न

​सोपे नव्हते लग्न करणे धर्माची होती बंधने​

शिवमने १६ जुलै, २०२१ मध्ये आपली गर्लफ्रेंड अंजुम खान हिच्यासह लग्नगाठ बांधली. मात्र लग्न करणे दोघांसाठीही सोपे नव्हते. अनेक वर्ष वाट पाहिल्यानंतर दोघांनी लग्न केले. हिंदू – मुस्लीम लग्न असल्यामुळे दोघांनाही अनेक गोष्टींचा सामना करावा लागला होता. मात्र अखेर प्रेम जिंकले आणि दोघांनी लग्न केले. ‘हमने प्यार से प्यार किया जो मोहब्बत से ज्यादा था’ असं सोशल मीडिया फोटोच्या कॅप्शनमध्ये म्हणत आता आमच्या आयुष्याला सुरूवात झाली आहे असं शिवमने आपलं प्रेम व्यक्त केलं होतं.

​हिंदू – मुस्लीम दोन्ही परंपरेनुसार झालं लग्न​

सोशल मीडियावर दोघांच्याही लग्नाची खूपच चर्चा झाली होती. तर मुंबईमध्ये हिंदू आणि मुस्लीम दोन्ही धर्माच्या पद्धतीनुसार हे लग्न करण्यात आले होते. दोघांच्या कुटुंबासह अनेक खेळाडूदेखील या लग्नाला हजर राहिले होते. उत्तर प्रदेशातील अलिगढ मुस्लीम युनिव्हर्सिटीमधून फाईन आर्टचे शिक्षण अंजुमने पूर्ण केले असून दोघेही अनेक वर्ष एकमेकांना डेट करत होते.

(वाचा – धर्माच्या भिंती ओलांडून अखेर अभिनेत्री स्वरा भास्करने बांधली फहाद झिरार अहमदशी लग्नगाठ)

​अनेक वर्ष डेट केल्यानंतर केले लग्न​

शिवम दुबे आणि अंजुम खान एकमेकांना अनेक वर्ष ओळखत होते. अनेक वर्ष डेट केल्यानंतरच लग्नाच्या बंधनात अडकण्याचा निर्णय दोघांनाही घेतला. वेगवेगळे धर्म असूनही दोघांना आपल्या प्रेमावर आणि एकमेकांवर विश्वास होता आणि म्हणूनच इतक्या वर्षानंतरही ठाम राहात दोघांनी लग्न केले. दोन्ही कुटुंबांचे आशिर्वाद घेत हे लग्न पार पडले होते.

(वाचा – पहिल्याच भेटीत झाले लिपलॉक, लग्नासाठी करिअरही सोडलं पण झाला घटस्फोट, अमृता-सैफची अधुरी कहाणी)

​केली होती सिक्रेट डेटिंग ​

शिवम आणि अंजुमच्या प्रेमाबद्दल कोणालाही अजिबात माहीत नव्हते. दोघांनीही सिक्रेट डेटिंग केली होती. धर्म वेगवेगळे असल्यामुळे जोपर्यंत स्पष्ट होत नाही तोपर्यंत दोघांनीही याबाबत कोणाकडे वाच्यता केली नव्हती. अनेक जणांना शिवम सिंगल वाटत होता. पण अचानक लग्न करून सर्वांनाच त्याने आश्चर्याचा धक्का दिला होता.

(वाचा – धर्माची भिंत तोडून सलमानच्या आई-वडिलांनी केले लग्न, सुशीलाच्या प्रेमासाठी सलीम खान झाले शंकर)

​लग्नानंतर एका वर्षातच दिला मुलाला जन्म​

अंजुम आणि शिवमला एक गोंडस मुलगा असून लग्नानंतर एका वर्षातच मुलाला जन्म दिला. शिवम ऑलराऊंडर म्हणून खेळत असून चेन्नई सुपर किंग्जचा एक अविभाज्य भाग बनला आहे. मागच्या वर्षी शिवमने चांगली कामगिरी करत यावर्षीदेखील आपली टीममधील जागा भक्कम केली असल्याचे दिसून येत आहे.

प्रेमापुढे जात, धर्म हे नेहमीच दुय्यम ठरते हे अनेक जोडप्यांनी सिद्ध केले आहे. अनेक क्रिकेटर्स असो वा सेलिब्रिटी त्यांनी नेहमीच प्रेमाला महत्त्व दिले आहे.