चकणी असल्याचं सांगून चित्रपटातून काढलं;सई ताम्हणकरने स्वतःच सांगितला तो किस्सा

मुंबई, 11 सप्टेंबर : मराठीच नाही तर बॉलिवूडमध्येही आपल्या अभिनयाची छाप पाडणारी अभिनेत्री म्हणजे सई ताम्हणकर. सईनं वैविध्यपूर्ण भूमिका करत प्रेक्षकांच्या मनात स्थान निर्माण केलं आहे. सई सोशल मीडियावरही बरीच सक्रिय असते. आपल्या चाहत्यांशीही नेहमीच कनेक्टेड असलेली पहायला मिळते. अशातच सईनं झी मराठी वाहिनीवरील लोकप्रिय कार्यक्रम ‘बस बाई बस’ मध्ये हजेरी लावली. या कार्यक्रमात सईनं तिला एका चित्रपटातून काढल्याचा भावनिक किस्साही शेअर केला.

‘बस बाई बस’ कार्यक्रमात सईने सांगितलं की, ‘एका चित्रपटासाठी माझं सिलेक्शन झालं होतं. मात्र शूटच्या एक दिवस आधी मला सांगितलं की तू आता हा चित्रपट करत नाहीयेस. तेव्हा मला खूप वाईट वाटलं होतं. माझं हर्ट ब्रोकन झालं होतं. माझं कॉन्फिडन्स लो झाला होता. पण मला वाटतं जेव्हा असं काही होतं तेव्हाच माणून पेटून उभा राहतो आणि त्यातून काहीतरी छान घटतं’. यावर सुबोध भावे विचारतात की, काय कारण दिलं होतं त्यांनी. सई म्हणते की, ‘तू चकणी आहेस’.

ही आठवण सांगताना सई थोडी भावनिक झाल्याचीही दिसून आली. सईचा हा व्हिडीओ सध्या सोशल मीडियावर मोठ्या प्रमाणात व्हायरल होत आहे. तिच्या या व्हिडीओवर कमेंटही भरभरुन येत आहेत.

हेही वाचा –  ‘हे लई अवघड आहे’; पाहा नेमकं कशाविषयी बोलतोय Amey Wagh

दरम्यान, झी मराठी वाहिनीवर प्रदर्शित होणारा कार्यक्रम ‘बस बाई बस’ सध्या मोठ्या प्रमाणावर चर्चेत आहे.वेगवेगळ्या क्षेत्रातील महिला या कार्यक्रमात सहभागी होत असलेल्या पहायला मिळतात. या कार्यक्रमात सहभागी झालेल्यांना सुबोध भावे निरनिराळे प्रश्न विचारतात.

Published by:Sayali Zarad

First published: September 11, 2022, 19:02 IST