नवीन स्मार्टफोन खरेदी करताय? ‘या’ फीचर्सकडे द्या विशेष लक्ष; नक्कीच होईल फायदा

स्मार्टफोनचा लुक

नवीन स्मार्टफोन खरेदी करताना त्याच्या डिझाइन आणि क्वालिटीला व्यवस्थित तपासून घ्यावे. फोनची बॉडी ही ग्लासऐवजी प्लास्टिकची असेल, याची काळजी घ्या. जेणेकरून, डिव्हाइस पडल्यानंतरही फुटण्याची शक्यता कमी असते. तसेच, फोनच्या डिस्प्लेवर ग्लासचे प्रोटेक्शन असणे देखील गरजेचे आहे. अनेकजण फोन दिसायला आकर्षक असल्यास खरेदी करतात. मात्र, तसे न करता फोनचे वजन, एका हाताने वापरणे शक्य आहे का, त्याचा आकार, तसेच, बॅक पॅनेलवर बोटांचे ठसे उमटतात का? हे देखील पाहावे.

स्मार्टफोनचा प्रोसेसर

स्मार्टफोन खरेदी करताना आपण डिस्प्ले, कॅमेरा, बॅटरी आणि स्टोरेज अशा प्रमुख स्पेसिफिकेशन्सकडे विशेष लक्ष देतो. मात्र, फोनच्या स्पेसिफिकेशन्सकडे दुर्लक्ष करत असतो. स्मार्टफोन खरेदी करताना कधीही प्रोसेसर पाहावा. तुम्हाला जर गेमिंगची आवड असल्यास डिव्हाइसमध्ये फास्ट प्रोसेसर असणे गरजेचे आहे. यामुळे चांगला स्पीड मिळतो व फोन हँग होत नाही. तुमच्या स्मार्टफोनचा प्रोसेसर क्वालकॉन स्नॅपड्रॅगन ७३० जीबी आणि ८४५ पर्यंत असल्यास याचा नक्कीच फायदा होईल.

स्मार्टफोनचा कॅमेरा आणि बॅटरी

स्मार्टफोनचा कॅमेरा आणि बॅटरी या अशा दोन गोष्टी आहेत, ज्या चांगल्या असतील तरच फोन खरेदी करावा. सोशल मीडियावर आपण सर्वचजण फोटो अपलोड करत असतो. त्यामुळे फोनद्वारे फोटो काढण्यासाठी त्यातील कॅमेरा चांगला असणे गरजेचे आहे. याशिवाय दिवसभर फोन वापरत असल्याने त्यातील बॅटरी जास्त वेळ टिकणे देखील गरजेचे आहे. बाजारात ५००० एमएएच, ६००० एमएएच बॅटरीसह येणारे अनेक स्वस्त फोन्स उपलब्ध आहेत. त्यामुळे फोन खरेदी करताना दमदार बॅटरी असेल, असाच खरेदी करावा.

वाचा: भारतीय पठ्ठ्याची कमाल! गुगलकडून मिळाली सर्वात मोठी बक्षीसाची रक्कम; कंपनीने केले कौतुक

वाचा: जुना फोन विकण्यापूर्वी ‘या’ गोष्टींकडे द्या विशेष लक्ष अन्यथा होऊ शकते मोठे नुकसान, पाहा टिप्स

वाचा: पैसा वसूल प्लान्स! मिळते १५० Mbps स्पीड आणि ३.३ TB पर्यंत डेटासह हे बेनिफिट्स, पाहा डिटेल्स