बिकिनी, किस आणि मग व्हिडीओ… मुंबईच्या मॉडेलचे कारनामे; इस्लाम स्विकारायची भीती दाखवत तरुणांना लुबाडलं

Crime News : कर्नाटकातील (Karnataka Crime) बेंगळुरूमध्ये एका मॉडेलने लोकांना तिच्या सौंदर्याच्या जाळ्यात अडकवून लोकांना असं काही फसवलं (Blackmail) होतं की जे ऐकून तुम्हालाही धक्का बसेल. बंगळुरूमध्ये सक्रिय असलेला हा ही मुंबईतील एका मॉडेलच्या संगनमताने चालत होती. ही मॉडेल सोशल मीडियावर ब्लॅकमेलिंगसाठी तरुणांना शोधत असे. आधी ती श्रीमंत मुलांना आपल्या प्रेमाच्या जाळ्यात अडकवायची आणि मग त्यांच्यासोबत अश्लिच चॅटिंग सुरू करायची. त्यानंतर घरी बोलवून त्यांना धमकावून लुटायची. मात्र एका इंजिनिअर तरुणाच्या तक्रारीनंतर या तिघांना अटक करण्यात आली आहे.

हनी ट्रॅपिंग (honey trap) करणारी ही टोळी तरुणांना आपल्या जाळ्यात अडकवून आणि त्यांना इस्लाम धर्म स्वीकारण्याची धमकी देऊन त्यांच्याकडून पैसे उकळत असे, अशी माहिती पोलिसांनी दिली आहे. बंगळुरूमधील पुत्तेनहल्ली पोलीस ठाण्यात यासंदर्भात तक्रार आल्यानंतर पोलिसांनी तपास करत या मॉडेलच्या तीन साथीदारांना अटक केली आहे. नेहा उर्फ ​​मेहर असे या मॉडेलचे नाव आहे. ती या टोळीची मुख्य सुत्रधार असल्याचे प्राथमिक तपासात समोर आले आहे. 

पोलिसांनी दिलेल्या माहितीनुसार, नेहा उर्फ ​​मेहर ही टेलिग्रामच्या माध्यमातून बंगळुरूतील 20 ते 50 वयोगटातील तरुणांच्या संपर्कात यायची. त्यानंतर ती जेपी नगर फेज 5 या तिच्या राहत्या घरी तरुणांना शारीरिक संबंध ठेवण्याचे आमिष दाखवून आमिषाला बळी पडायची. जेव्हा तो तरुण तिच्या घरी जायचा तेव्हा त्यांचे खाजगी क्षण कॅमेऱ्यात कैद केले जायचे. त्यानंतर ब्लॅकमेलिंगची प्रक्रिया सुरू व्हायची.

चॅटिंगद्वारे नेहा तरुणांच्या जवळ यायची आणि त्यांना भाड्याने घेतलेल्या घरी बोलवायची. नेहाच्या मनमोकळेपणाने बोलण्याने तरुण तिच्या जाळ्यात अडकायचे आणि घरी जायचे. बंगळुरूमधील ही टोळी 20 ते 50 वयोगटातील तरुणांना लक्ष्य करायची. एकतर मुलगा चांगल्या करोडपती किंवा करोडपती कुटुंबातील असावा किंवा तो इंजिनियर, डॉक्टर आणि चांगला पगार असलेला असावा याकडे त्यांचे लक्ष असायचे. गेल्या दीड वर्षांपासून ही टोळी सुरू होती, असा पोलिसांचा दावा आहे. या टोळीने आतापर्यंत 50 हून अधिक जणांना अडकवलं आहे. यामध्ये 35 लाखांहून अधिक रुपयांची फसवणूक झाली आहे. बहुतेकदा ते त्यांच्या वेगवेगळ्या खात्यांमध्ये हे पैसे ऑनलाइन मागवत असत, अशीही माहिती पोलिसांनी दिली आहे.

बिकनीमध्ये स्वागत अन्…

नेहा तरुणांना सांगायची की तिचा नवरा दुबईत काम करतो. त्यानंतर ती तरुणांसोबत शारीरिक संबंध ठेवण्याची तयारी दर्शवायची. नेहा तिचे फोटो आणि पत्ताही तरुणांना पाठवायची. तक्रारदार तरुणाने दिलेल्या फिर्यादीनुसार तो 3 मार्च रोजी दुपारी 3.30 वाजता मेहेरच्या घरी गेला होता. त्यावेळी नेहा उर्फ मेहेरने बिकिनीमध्ये त्याचे स्वागत केले. त्यानंतर तिने तरुणाला मिठी मारली आणि चुंबन घेतले. यादरम्यान खोलीत लपलेले त्याचे इतर साथीदार गुपचूप व्हिडिओ बनवत होते. त्यानंतर ते अचानक समोर आले आणि धमकवायला लागले.

त्यानंतर आरोपींनी पीडित तरुणांकडून मोबाईल हिसकावून घेत आणि त्यांच्या मोबाईलचे लॉक उघडून कुटुंबियांसह मित्रांचे मोबाईल नंबर त्यांच्याकडे सेव्ह करुन घेत असत. त्यानंतर मेहेर मुस्लिम आहे त्यामुळे तुला इस्लाम धर्म स्विकारावा लागेल आणि सुंता करावी लागेल अशी धमकी आरोपी तरुणांना देत असे. तसे न केल्यास त्यांचे आक्षेपार्ह व्हिडिओ दाखवून त्यांच्या ओळखीच्या, कुटुंबीय आणि नातेवाईकांना पाठवण्याची धमकी देत असत. भीतीपोटी तरुण त्यांना पैसे देण्याचे मान्य करत. ही टोळी तरुणांना ब्लॅकमेल करुन त्यांच्याकडून लाखो रुपये उकळत असे.