बिग बॉस १६ मधून साजिद खानला बाहेर काढा, नेटकऱ्यांनी सलमान खानच्या शोवर ओढले ताशेरे

मुंबई: बिग बॉस १६ कार्यक्रम (Bigg Boss 16) सुरू होऊन अवघे काही दिवस झाले आहेत. परंतु लगेचच कार्यक्रमाच्या निर्मात्यांवर टीका होत आहे. खरं तर ही टीका होत आहे ती साजिद खानला कार्यक्रमात सहभागी करून घेतल्यावरूरन. त्याला कार्यक्रमातून बाहेर काढण्याची मागणी होत आहे. साजिदवर २०१८ मध्ये मी टू मोहिमेअंतर्गंत लैंगिक शोषणाचा आरोप लावला होता.

अनेक अभिनेत्रींनी त्याच्यावर हे आरोप केले होते. या सर्व आरोपांमुळे सोशल मीडियावरील नेटकऱ्यांनी बिग बॉस १६ कार्यक्रमातून साजिद खानला बाहेर काढण्याची मागणी करण्यात येत आहे. सोशल मीडियावर ‘एव्हिक्ट साजिद खान’ (#EvictSajidKhan) आणि रिमूव्ह साजिद खान (#RemoveSajidKhan) ट्रेंड झालं आहे. सोशल मीडियावर त्याच्या विरोधातील याचिकेवर स्वाक्षरी घेण्यााची मोहीमही सुरू झाली आहे.

हे वाचा-प्रवीण तरडेंच्या फेसबुकवरुन पाठवले जातायंत भलतेच मेसेज; नेमकं काय घडलं?

अभिनेत्रीनं बॉलिवूड सोडण्याचा घेतला निर्णय

अभिनेत्री मंदना करीमी हिनं साजिद खान याला बिग बॉस १६ कार्यक्रमात घेण्याच्या निर्णयावर तीव्र नाराजी व्यक्त केली आहे. तिनं सोशल मीडियावर पोस्ट केली. त्यात तिनं लिहिलं आहे की, ‘मी बॉलिवूड सोडत आहे. सध्या बॉलिवूमध्ये मी काम करत नाही. ज्या जागेवर महिलांचा सन्मान केला जात नाही, अशा ठिकाणी मी राहूच शकत नाही.’ त्यानंतर मंदना हिनं तिचं इन्स्टाग्राम अकाऊंट प्रायव्हेट केलं आहे.

हे वाचा-बिग बॉसच्या शूटिंगवेळी ‘गॅलेक्सी’त नव्हे इथे राहतो सलमान; महालापेक्षा कमी नाहीये घर

शहनाज गिल ही देखील झाली ट्रोल

एकीकडे साजिदला घराबाहेर काढण्याची माागणी होत असताना, बिग बॉस फेम शहनाज गिल हिनं काही दिवसांपूर्वी साजिद खान याला समर्थन देणारा एक व्हिडिओ सोशल मीडियावर पोस्ट केला होता. शहनाजनं या व्हिडिओमध्ये म्हटलं आहे की, त्यानं कार्यक्रमात खूप मजा मस्ती करायला हवी. फक्त भांडू नये. परंतु चाहत्यांना, अनेक नेटकऱ्यांना मात्र तिचं असं हे बोलणं खटकलं. त्यामुळे अनेकांनी शहनाजच्या विरोधात कॉमेन्ट करत तिला ट्रोल केलं आहे.