तिचे सोशल मीडिया अकाऊंट चाळल्यावर लक्षात आले की तिला ट्रेडीशनल आउटफिट वेअर करायलाही आवडते. ही सिंगर तयार होते आणि कुठे बाहेर निघते तेव्हा तिला कॅमेरे यासाठीच फॉलो करतात कारण तिच्या लुकमध्ये एक आकर्षकपणा आहे आणि यामुळेच केवळ एका गाण्याने तिला तिचा चाहता वर्ग सुद्धा मिळवून दिला आहे. तिचा गोड आवाजच नाही तर फॅशनमधील नीटनिटकेपणाही तिला प्रसिद्धीच्या झोतात घेऊन आला आहे हे म्हटलं तरी वावगं ठरू नये. (फोटोज साभार – इंस्टाग्राम @sireeshabhagavatula)
एथिनिक वेअरची आहे आवड
सिरिशाला एथनिक कपडे खूप आवडतात आणि ती दागिन्यांसह जेव्हा नटते तेव्हा अधिक खास दिसते. या फोटोत तुम्ही पाहू शकता की ती पेस्टल ऑरेंज कलरच्या रफल साडीत दिसत आहे, ज्यासोबत तिने स्टायलिश वेस्ट बेल्ट बांधला आहे. तिने साडीसोबत डिझायनर ब्लाउज घातला होता आणि ऑक्सिडाइज्ड मिरर ज्वेलरीसह तिने लुक पूर्ण केला होता. दुसरीकडे, ती गुलाबी रंगाच्या लेहेंगा-चोलीमध्ये दिसत आहे, ज्यामध्ये तिने सिल्वर ज्वेलरी घातली आहे.
(वाचा :- वाईन कलर साडी, सोन्याचे भरगच्च दागिने, 53 वर्षांच्या भाग्यश्रीचं विशीतल्या मुलीला लाजवणारं तारूण्य करतंय अवाक्)
एक्ससेरिजने लुक बनतो खास
सुंदर दिसण्यासाठी केवळ कोणतेही आउटफिट परिधान करणे पुरेसे नाही, तर त्यासोबत छोट्या-छोट्या गोष्टींची काळजी घ्यावी लागते, तरच लूक स्टायलिश होतो. सिरिशाला ही गोष्ट अगदी चांगलीच ठाऊक आहे. हार, मांगटिका, टिकली आणि चमेलीच्या फुलांच्या गज-याने तिने तिचा लूक परिपूर्ण केल्याचे या फोटोत तुम्ही पाहू शकता. डोळ्यांत काजळ आणि पिंक लिप शेड तिच्या लुकला अगदी परफेक्ट बनवत होती. शिवाय दुस-या फोटोत रेड कलरच्या गाऊनवर तिने जॅकेट परिधान केलं आहे पण फक्त लॉंग ईअररिंग्सने तिने हा लुक कम्प्लिट केलेला दिसून येत आहे ज्यात कोणत्याही दागिन्यांचा भडीमार नाही.
(वाचा :- Athiya Shetty बनली 2023 ची युनिक नवरी, लुकमधील या 4 हटके गोष्टींची झाली तुफान चर्चा, KL Rahul च्या नवरीचा जलवा)
सिल्क साडी अशी करा स्टाईल
सिल्क साडीसोबत गोल्डन कलरचे दागिने छान व उठून दिसतात हे तुम्हाला सिरिशाचा हा फोटो पाहून पटेलच. या फोटोमध्ये सिरिशाने हिरव्या रंगाची प्रिंटेड सिल्क साडी परिधान केलेली दिसत आहे, ज्यासोबत तिने गुलाबी रंगाचा ब्लाऊज कॅरी केला आहे. या ब्लाऊजवर गोल्डन सिक्विनचे वर्क होते. त्याला मॅचिंग म्हणून तिने गळ्यात गोल्डन लेयर्ड नेकलेस आणि सोबतच मॅचिंग कानातले घातले होते.
(वाचा :- अर्जुन कपूरची प्रेयसी मलायका व बहिण अंशुलात ग्लॅमरची जुगलबंदी, मलायकाला मागे सारत अंशुलानेच लावली इंटरनेटवर आग)
बेस्ट फोटोज टिप्स
आता तुम्ही म्हणाल की सिरिशाला पाश्चिमात्य कपडे घालायला आवडत नाही का तर मंडळी असं नाही, पण उत्तम फोटोज येण्यासाठी तुम्ही तिच्याकडून अँगल टिप्स घेऊ शकता. प्रिंटेड टॉप आणि डेनिम जीन्समध्ये दिसणाऱ्या सिरिशाने बॅकग्राउंड लक्षात घेऊन ब्लर इफेक्टमध्ये तिचे फोटो क्लिक केले होते, ज्यामुळे ती फोकसमध्ये दिसत होती. तुम्ही तुमच्या कॅज्युअल लुकमध्ये या टिप्स वापरून मस्त भन्नाट फोटोज क्लिक करू शकता.
(वाचा :- कोरियन मुलींसारखी ग्लॉसी स्किन व त्यावर चमचमतं ब्लश, नोरा फतेहीचा हा चार्मिंग लुक बघून म्हणाल, ‘जपानी गुडियॉं’)
गाऊनचंही आहे तितकंच वेड
सिरिशाला फक्त साड्या आणि वेस्टर्न आऊटफिट्सचंच नाही तर घेरदार अशा गाऊन्सचं देखील तितकंच क्रेझ आहे हे तिचं इंस्टाग्राम चाळल्यावर लक्षात येतं. या फोटोत सिरिशाने सुंदरसा ब्राईट रंगाचा व लॉंग हॅंड असलेला सुंदर गाऊन परिधान केला आहे. ज्याला मिनिमल मेकअपने परफेक्ट टच दिला आहे. तिने गळ्यात ऑक्सिडाईज चोकर घातला असून जास्त मेकअप न करता कपाळावर फक्त एक छोटीशी लाल टिकली लावून तिने या लूकला चार चॉंद लावले आहेत. या गाऊनवर गोल्डन रंगाची नक्षी व गोल्डन रंगाचा चमचमता बेल्ट देखील आहे जो आताच्या ट्रेंडला अगदीच मॅच करणारा आहे.
(वाचा :- KL Rahul Athiya Shetty: अखेर सुनिल शेट्टीची लेक बनली नवरीबाई, लग्नाआधीच लाल भरजरी लेहंगा घालून केलं मंत्रमुग्ध)