MajhiNews Marathi News, Latest Marathi News, Marathi News Paper, Maharashtra Breaking News | मराठी ताज्या बातम्या
CRPF Recruitment 2023 : केंद्रीय राखीव पोलीस दलात (CRPF) नोकऱ्या शोधत असलेल्या तरुणांसाठी लवकरच आनंदाची बातमी येणार आहे. यासाठी, गृह मंत्रालयाने CRPF मध्ये 1.30 लाख कॉन्स्टेबल (जनरल ड्युटी) पदांच्या भरतीसाठी अधिसूचना जारी केली आहे. पात्र उमेदवारांनी यासाठी दिलेल्या लिंकवर ऑनलाईन पद्धतीनं अप्लाय करायचं आहे. अर्ज करण्यासाठीची शेवटची तारीख लवकरच असणार आहे. CRPF Bharti 2023
केंद्रीय राखीव पोलीस दल (CRPF) मध्ये थेट भरतीद्वारे स्तर 3 पदे भरली जातील. त्याची तपशीलवार अधिसूचना लवकरच CRPF crpf.gov.in या अधिकृत वेबसाइटवर प्रसिद्ध केली जाईल.
पदांची संख्या
मंत्रालयाने जारी केलेल्या सूचनेनुसार, एकूण 129929 पदांची भरती केली जाईल, त्यापैकी 125262 पदे पुरुष उमेदवारांसाठी आणि 4467 पदे महिला उमेदवारांसाठी आहेत. कॉन्स्टेबल पदाच्या भरतीसाठी, 10 टक्के रिक्त जागा माजी अग्निवीरांसाठी राखीव असतील.
आवश्यक शैक्षणिक पात्रता?
या पदांसाठी अर्ज करू इच्छिणाऱ्या उमेदवारांनी केंद्र सरकार किंवा राज्य सरकारद्वारे मान्यताप्राप्त बोर्ड किंवा विद्यापीठातून मॅट्रिक किंवा समकक्ष परीक्षा उत्तीर्ण केलेली असावी किंवा माजी लष्करी कर्मचार्‍यांच्या बाबतीत समकक्ष लष्करी पात्रता असावी.
वयाची मर्यादा : या पदांसाठी अर्ज करण्यासाठी उमेदवाराची वयोमर्यादा १८ ते २३ वर्षांच्या दरम्यान असावी.
निवड प्रक्रिया
उमेदवारांची निवड शारीरिक क्षमता चाचणी, वैद्यकीय चाचणी आणि लेखी चाचणीद्वारे केली जाईल. पुढील प्रक्रियेसाठी उमेदवारांना शारीरिक कार्यक्षमता चाचणी आणि लेखी परीक्षा उत्तीर्ण करावी लागेल.
किती पगार मिळेल?
ज्या उमेदवारांची कॉन्स्टेबल पदांवर निवड झाली आहे आणि 2 वर्षांचा प्रोबेशन कालावधी ओलांडला आहे, त्यांना 21700 रुपये ते 69100/- रुपये वेतन दिले जाईल.
इतर माहिती
अर्ज प्रक्रियेच्या तारखा अद्याप अधिकृत अधिसूचनेत सामायिक केलेल्या नाहीत. सीआरपीएफ मंत्रालयाकडून अधिकृत तपशीलवार अधिसूचना जारी झाल्यानंतर तुम्ही याशी संबंधित अधिक तपशील तपासू शकता.
अधिकृत संकेतस्थळ : crpf.gov.in
