तरूणींनाही लाजवेल असे सौंदर्याचे ‘ऐश्वर्य’, मॉडर्न लुकमधील ऐश्वर्याचा जलवा

वूलन टॉप आणि व्हाईट शॉर्ट्स

अत्यंत साधा असा वूलन टॉप आणि व्हाईट शॉर्ट्स असा लुक ऐश्वर्याच्या या फोटोत दिसून येत आहे. तर महाबळेश्वरच्या थंडीत काढलेला हा फोटो सर्वांचेच लक्ष वेधून घेत आहे. पन्नाशीतला ऐश्वर्याचा केवळ फिटनेस हाच चर्चेचा विषय नाही तर ऐश्वर्याने केलेला हा लुकदेखील चर्चेचा विषय ठरतोय. कॉलेजमध्ये जाणाऱ्या मुलींचा असा हा लुक अधिक आकर्षक दिसून येत आहे. ऐश्वर्याने यासह हातात वूलन टोपीही घेतली आहे. तर याच टॉपमध्ये टोपी घालूनही एक फोटो तिने पोस्ट केला आहे. थंडीतही ऐश्वर्याने चाहत्यांच्या हृदयाचे ठोके वाढविल्याचे दिसून येत आहे

चिकनकारी हाफ टॉप आणि व्हाईट शॉर्टस

सुंदर आणि आकर्षक दिसण्यासाठी अगदी कमी कपडे घालण्याची गरज नाही हेच ऐश्वर्या नारकरने आपल्या लुकमधून दाखवून दिले आहे. रम्य संध्याकाळ आणि हातात कप घेऊन चिकनकारी टॉप आणि व्हाईट शॉर्ट्समधील ऐश्वर्याचा हा फोटो अप्रतिम आहे. तर केवळ केसांचा आंबाडा बांधून ऐश्वर्याने अगदी सामान्य फॅशन केली आहे. असं असूनही तिचा पेहराव आणि तिचा कम्फर्ट लेव्हल सर्वांचे लक्ष वेधून घेत आहे. कोणत्याही तरूण मुलीला तगडी स्पर्धा देईल असाच ऐश्वर्याचा फिटनेस आणि सौंदर्य या फोटोतून दिसतोय.

(वाचा – Ratan Tata Birthday: अरबपती रतन टाटांची स्टाईलही सामान्य माणसांशी जोडणारी)

गडद निळ्या रंगाचा शर्ट ड्रेस

जितकी सहजता साडी नेसून फोटोशूट करण्यात आहे तितकीच सहजता शॉर्ट शर्ट ड्रेस घालूनही ऐश्वर्याने दाखवली आहे. केस एका बाजूला मोकळे सोडून निळ्या रंगाचा हा शर्ट ड्रेस ऐश्वर्या नारकरने घातला आहे. मिनिमल मेकअपमधील ऐश्वर्याची ही फॅशन म्हणजे काळजाचा ठोका चुकवणारी आहे. त्यातही तिचा लुक आणि आणि तिने फोटोसाठी दिलेली पोझही तरूणींसाठी प्रेरणादायी आहे. अत्यंत साधी आणि तरीही आकर्षक असा हा लुक लक्षवेधी आहे.

(वाचा – Rupali Bhosle Birthday: ‘आई कुठे काय करते’फेम रूपालीचा ग्लॅम आणि आधुनिक लुक, चाहत्यांना करतोय घायाळ)

पांढऱ्या रंगाच्या शर्टाची फॅशन

पांढऱ्या रंगाच्या शर्टाची फॅशन कधीच जुनी होत नाही. ऐश्वर्या नारकरने ही फॅशन अधिक सुंदर करून दाखवली आहे. मोकळे केस आणि पांढऱ्या शर्टाची फॅशन हे समीकरण अप्रतिमच आहे. त्यात ऐश्वर्याच्या आकर्षक सौंदर्याने भर घातली आहे असं म्हटलं तर वावगं ठरणार नाही. पांढऱ्या रंगाची फॅशन कधीच जुनी होत नाही. तर कॉलेजमध्ये जाणाऱ्या मुलींसाठी ही फॅशन अत्यंत प्रेरणादायी आहे.

(वाचा – नोरा फतेहीच्या सिझलिंग गाऊन लुक्सने वाढवले इंटरनेटचे तापमान, ‘हाय गर्मी’ अशी चाहत्यांची अवस्था)

ब्लॅक टी शर्ट आणि मोठे कानातले

ब्लॅक टी शर्ट आणि त्यासह राऊंड मोठे कानातले ही फॅशनही कधीच जुनी होत नाही. ऐश्वर्या नारकरचे केस खूपच मोठे आहेत. त्यामुळे या स्टाईलसह केसांचा आंबाडा घालण्याची फॅशन केली आहे. घाईत नक्की कोणती फॅशन करायची नसेल ही स्टाईल नक्कीच उपयोगी ठरते. अत्यंत सोपी आणि मनमोहक अशी ही स्टाईल कोणत्याही वयात चांगली दिसते. मात्र ऐश्वर्याची ही साधी स्टाईलही लक्षेवधी आणि आकर्षक वाटत आहे ती तिच्या सौंदर्यामुळेच.

पन्नाशीतही ऐश्वर्याने आपला फिटनेस आणि सौंदर्य जपले आहे. ऐश्वर्या नारकरसारखी स्टाईल करून तुम्हीही दिसाल अधिक सुंदर आणि आकर्षक!

(फोटो क्रेडिटः Instagram)

अशाच अधिक लाइफस्टाइल, हेल्थ, फॅशन, ब्युटी, होम डेकोर, रिलेशनशिप, हॅक्स यावरील अधिक माहितीसाठी क्लिक करा maharashtratime.com