आदित्य पंचोलीवर निर्मात्यानं केला मारहाणीचा आरोप, वाचा काय आहे नेमकं प्रकरण

अभिनेता आदित्य पंचोलीवर एका निर्मात्यानं मारहाण केल्याचा आरोप केला आहे.

अभिनेता आदित्य पंचोली त्याच्या अभिनय कारकिर्दीपेक्षा वादग्रस्त कारणांमुळेच सर्वाधिक चर्चेत राहिला आहे. आता पुन्हा एकदा त्याचं नाव नव्या वादामुळे चर्चेत आलं आहे. एक प्रसिद्ध निर्मात्यानं आदित्य पंचोलीवर शिवीगाळ करणे, धमकी देणे आणि मारहाण केल्याचा आरोप केला आहे. मीडिया रिपोर्टनुसार या निर्मात्यानं आदित्य पंचोलीच्या विरोधात पोलीस ठाण्यात तक्रारही केली आहे.

वादग्रस्त कारणांनी नेहमीच चर्चेत राहणारा अभिनेता आदित्य पंचोल सध्या निर्माता सॅम फर्नांडिसनं केलेल्या मारहाण आणि धमकी देण्याच्या आरोपामुळे पुन्हा चर्चेत आला आहे. त्यानं आदित्य पंचोलीच्या विरोधात जुहू पोलीस ठाण्यात हॉटेलमध्ये शिवीगाळ करणे, धमकी देणे आणि मारहाण केल्याचा आरोप करत तक्रार दाखल केली आहे.

एएनआयनं दिलेल्या माहितीनुसार पोलिसांनी सांगितलं की, आदित्य पंचोलीनंही निर्माता सॅम फर्नांडिसच्या विरोधात शिवीगाळ केल्याची आणि धमकी दिल्याची तक्रार दाखल केली आहे. मात्र काही मीडिया रिपोर्ट्सनुसार आदित्य पंचोली मागच्या काही काळापासून निर्माता सॅम फर्नांडिसवर त्याच्या आगामी चित्रपटात आपला मुलगा सूरज पंचोलीला कास्ट करण्यासाठी दबाव टाकत होता.

दरम्यान २०१९ मध्ये सॅम फर्नांडिसनं एका चित्रपटाच्या शूटिंगला सुरुवात केली होती. ज्यात आदित्य पंचोलीचा मुलगा सूरजची मुख्य भूमिका होती. या चित्रपटाचं १२ दिवसांचं शूटिंग पूर्ण झालं होतं. करोनाच्या काळात देशात लॉकडाऊन झाल्यानंतर या चित्रपटाचं शूटिंग बंद झालं. त्यानंतर अलिकडेच म्हणजे २७ जानेवारीला सॅम या संदर्भात चर्चा करण्यासाठी आदित्य पंचोलीला भेटण्यासाठी जुहू येथील सन अँड सन हॉटेलमध्ये गेला होता. पण त्यावेळी आदित्य नशेत होता आणि त्यानं आपल्याला मुलगा सूरजसोबत चित्रपट बनवण्यासाठी धमकी दिल्याचा आरोप सॅमनं केला आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.



Source link

About Admin

Marathi News Headlines - Majhinews covers Latest Marathi News from India and Maharashtra. Also, Find Marathi News on Entertainment, Business, World, lifestyle, Sports and Politics. Get all Live & Breaking headlines and Mumbai, Pune & other Metro Cities. Get ताज्या मराठी बातम्या लाइव at Majhinews.in.

Check Also

“मराठी कलाकार स्वत: सेटवर हिंदीत बोलतात”, अजय-अतुलच्या जोडीतील अतुलने केली तक्रार

मराठी राजभाषा दिनाच्या निमित्तानं दिलेल्या मुलाखतती अतुलने ही तक्रार केली आहे. दिग्दर्शक नागराज मंजुळे आणि …

Russia – Ukraine War : ठाणे जिल्ह्यातील ३१ विद्यार्थी युक्रेनमध्ये अडकले

हे सर्व विद्यार्थी वैद्यकीय शिक्षण घेण्यासाठी युक्रेनमध्ये गेलेले आहेत. ठाणे जिल्ह्यातील विविध शहरांमधील ३१ विद्यार्थी …