MajhiNews Marathi News, Latest Marathi News, Marathi News Paper, Maharashtra Breaking News | मराठी ताज्या बातम्या
काही मुलांमध्ये ही गुणसूत्रं कमी अथवा काही मुलांमध्ये अधिक प्रमाणात असतात. अन्य मुलांपेक्षा या मुलांना पटकन गोष्टी कळत नाहीत. साधारण ७०० पैकी एका बाळामध्ये ४६ गुणसुत्रांपैकी २१ वे क्रोमोसोम हे गुणसूत्रं दोन ऐवजी तीन जोड्या निर्माण होऊन डाऊन सिंड्रोम असणारे बाळ जन्माला येते. जाणून घ्या अधिक माहिती (फोटो सौजन्य – iStock)
का साजरा होतो वर्ल्ड डाऊन सिंड्रोम डे?
Why Is World Down Syndrome Day Celebrated: २१ मार्च हा वर्ल्ड डाऊन सिंड्रोम डे म्हणून जगात साजरा करण्यात येतो. २०१२ पासून संयुक्त राष्ट्राद्वारे याची सुरूवात झाली. २१ व्या क्रोमोसमची विशिष्टता दर्शविण्यासाठी आणि याबाबत जागरूकता निर्माण करण्यासाठी हा दिवस साजरा करण्यात येतो.
काय आहे यावर्षीची थीम
World Down Syndrome Day 2023 Theme: २०२३ मधील थीम आहे ‘With Us, Not For Us’. याचा अर्थ तुम्ही आमच्यासह आहात आमच्यासाठी नाही. या विकारासह असणाऱ्या रूग्णांना योग्य पद्धतीने हाताळा आणि इतर व्यक्तींप्रमाणेच त्यांना संधी द्या असा संदेश देणारी आणि जागरूकता जागविण्यासाठी यावर्षी ही थीम वापरण्यात आली आहे.
(वाचा – उन्हाळा सुरु झालाय ट्राय करा ताक आणि मसालेदार मठ्ठा, आरोग्यासाठी ठरेल वरदान)
काय आहेत डाऊन सिंड्रोमची कारणे
Reason of Down Syndrome: डाऊन सिंड्रोम होण्याची काहीच विशिष्ट कारणे नाहीत. पण उशीरा लग्न आणि उशीरा झालेले मूल अर्थात आईचे वाढते वय म्हणजेच साधारणतः वयाच्या ३५ वयानंतर मुलाला जन्म दिल्यास याचे प्रमाण वाढू शकते.
(वाचा – गरम पाण्याने होईल ५ किलो वजन झटपट कमी, रामदेव बाबांनी सांगितले हे जादुई उपाय)
डाऊन सिंड्रोमची लक्षणे
Symptoms Of Down Syndrome: बाळाला डाऊन सिंड्रोम आहे हे त्याच्या वाढीवरून आणि त्याच्या वागण्यावरून लक्षात येते. मंतिमंदत्व आणि बाळाची वाढ योग्य न होणे हे मुख्य लक्षण आहे.
- बाळाचा मागून पुढून चपट चेहरा अथवा गोल आणि चपटे डोके
- विशिष्ट प्रकारचे आडवे असे डोळे
- चपटेसे नाक आणि मोठ्या आकाराची बाहेर आलेली जीभ
- छोटी मान अथवा मानेवरील अधिक प्रमाणात त्वचा असणे हातापायाची विशिष्ट ठेवण असणे
यावरून सहसा डाऊन सिंड्रोमच्या बाळाचे निदान करण्यात येते. याशिवाय बाळामध्ये हाताची विशिष्ट ठेवण असेल तरीही लक्षात येते.
डाऊन सिंड्रोम कसा टाळता येईल
Down Syndrome Prevention: गर्भधारणा झाल्यापासून १४ ते १६ व्या आठवड्यादरम्यान डॉक्टर वेगवेगळ्या तपासणी करण्याचा सल्ला देतात. १६ आठवड्यात ही तपासणी झाल्यानंतर गर्भाशयातच बाळाला डाऊन सिंड्रोम असल्याचे लक्षात येऊ शकते. तसंच सोनोग्राफीमार्फतदेखील २० व्या आठवड्यात याचे निदान होते. याबाबत तुम्ही योग्य तो निर्णय वेळीच घेऊ शकता.
डाऊन सिंड्रोमवरील उपाय
डॉक्टर, पालक आणि समाजानेही समजून घेत योग्य पद्धतीने या व्यक्तींवर उपाय करणे गरजेचे आहे. नियमित पद्धतीने डॉक्टरांच्या सल्ल्याने फिजिओथेरपी आणि ऑक्युपेशनली थेरपी घेतल्यास डाऊन सिंड्रोम असणाऱ्या मुलांमध्ये फरक पडतो. याशिवाय मुलांना त्यांचे काम शिकवता येते. त्यांच्यासाठी वेगळ्या शाळा असून त्यांना योग्य शिक्षण देणे आणि योग्य पद्धतीने त्यांना समजून वागल्यास, त्यांना समाजात योग्य स्थान दिल्यास या मुलांना समाजात जगणे अधिक सोयीस्कर होऊ शकते.
‘आमच्यासह आहात आमच्यासाठी नाही’ या थीमनुसार डाऊन सिंड्रोम असणाऱ्या मुलांशी वागल्यास त्यांच्यात नक्कीच बदल होऊ शकतो.
