तिचे म्हणणे की तिला या सगळ्या गोष्टीवर खर्च करायचा नाही. ती नेहमीच माझ्याशी भांडत असते की ती तिचा पगार कशावरही खर्च करू शकते आणि मी काही बोलू नये. ही गोष्ट एक नवरा म्हणून खूप त्रासदायक आहे. एवढेच नाही तर माझ्या या समस्येबद्दल मी माझ्या मित्रांशीही बोलूही शकत नाही. कारण मला माझ्या पत्नीची इमेज खराब करायची नाही. पण मलाही समजत नाही की माझ्या बायकोला कसं समजावू? कृपया मला मदत करा (गोपनीयतेच्या कारणामुळे आम्ही व्यक्तीची ओळख उघड करत नाही.) (फोटो साभार :- TOI, iStock, NBT)
जाणकारांचे उत्तर
एआयआर इन्स्टिट्यूट ऑफ रियलायझेशन आणि एआयआर सेंटर ऑफ एनलाइटनमेंटचे संस्थापक रवी म्हणतात की, तुमची अडचण अशी आहे की तुमची पत्नी तिची कमाई शॉपिंग आणि स्वत:च्या गरजांवर खर्च करते, जे तुम्हाला अजिबात आवडत नाही. अशा परिस्थितीत, मी म्हणेन की तिच्या कमाईचं काय करायचं हा सर्वस्वी तिचा प्रश्न आहे. कारण तो तिच्या मेहनतीचा पैसा आहे. पण जर तुम्हाला तुमच्या पत्नीची ही सवय बदलायची असेल आणि घरखर्चात तिने तुम्हाला हातभार लावावा असे वाटत असेल तर तुम्ही ही परिस्थिती तिला प्रेमाने समजावून सांगावी. कारण लग्न हे दोन व्यक्तींचे असते. लग्नानंतर दोघांचे आयुष्य एक होते. जर तुम्ही दोघे वेगवेगळे विचार घेऊन या नात्यात पुढे गेलात तर आयुष्यभर एकत्र राहणे कठीण होऊन बसेल.
(वाचा :- माझी कहाणी : मी एका मुलीच्या प्रेमात ठार वेडा झालोय, पण तिचं सत्य समजल्यापासून मला मोठा धक्काच बसलाय, काय करू?)
पत्नीशी मनमोकळेपणाने बोला
तुमचे म्हणणे मांडताना तुम्ही सांगितले की कुटुंबासोबतच तुमच्या पालकांचाही पूर्ण खर्च तुमच्यावर आहे. अशा परिस्थितीत मी म्हणेन की तुमच्या पत्नीशी तुमच्या सर्व समस्यांबद्दल मोकळेपणाने बोला. त्यांना प्रेमाने सांगा की घरखर्चाचा तुमच्यावर किती ताण पडतो आहे. तिला समजवा की तिने तिचा खर्च सुरु ठेवावा फक्त काही रक्कम ही घर खर्चासाठी द्यावी किंवा भविष्याची तरतूद म्हणून बचत करावी. असे केल्याने, तुम्हा दोघांची बचत तर होईलच, पण तुमची बायको सुद्धा तिला हवे तसे जगू शकेल.
(वाचा :- गडगंज श्रीमंत अंबानी घराण्याची सून होण्यासाठी श्लोका व राधिकाने दिल्या या परीक्षा, मगच मिळाली कुटुंबात एंट्री)
तुम्ही पुढाकार घ्या
या विषयावर, प्रिडिक्शन फॉर सक्सेसचे संस्थापक आणि रिलेशनशिप कोच विशाल भारद्वाज म्हणतात की प्रत्येक गोष्ट मॅनेज करणे तुमच्यासाठी किती कठीण असावे हे मी चांगले समजू शकतो. तुमची पत्नी तिच्या चांगल्या आयुष्यासाठी तुम्हाला होणाऱ्या त्रासाकडे लक्ष देत नाही आहे ही खूप मोठी क्लेशदायक गोष्ट आहे आणि सतत हा विचार करून तुमची झोप उडणे सुद्धा स्वाभाविक आहे. पण यासाठी तुम्हालाच पुढाकार घ्यावा लागेल हे सत्य आहे.
(वाचा :- सॅनिटरी पॅड घ्यायला आलेला 13 वर्षांच्या मुलीचा बाबा, त्याला केलेली ती छोटीशी मदत अन् पुढे जे झालं ते अनपेक्षित)
भावनिकदृष्ट्या मुद्दे सांगा
या कठीण परिस्थितीवर तोडगा काढण्यासाठी तुम्ही तुमच्या पत्नीशी शांततेने बोलायला हवे कारण हाच एक मार्ग आहे. त्यांना कळू द्या की हे घर फक्त तुमचे नाही. हे घर चालवण्याची जबाबदारी त्यांच्यावरही आहे कारण तुमच्या पदरात एक मूलही आहे. अशा परिस्थितीत, त्याचे उज्ज्वल भविष्य घडविण्यासाठी तुम्हा दोघांनाही रक्कम वाचवणे आवश्यक आहे. एवढेच नाही तर तुम्ही तिला सांगा की जर तिने तिच्या खर्चावर नियंत्रण ठेवले तर तुम्हालाही भविष्यासाठी काही मदत मिळू शकते.
(वाचा :- नव-याच्या वाढल्या त्या घराकडील फे-या, चढली प्रेमाची नशा, परस्त्री आवडू लागलेली अन् पुढे जे झालं ते धक्कादायकच)