उर्फी जावेदचं साडीतलं सौंदर्य पाहून तुम्ही म्हणाल ‘ही तीच ऊर्फी आहे?’

गुलाबी बॉर्डर लाईन सिल्क साडी

कोणतीही मुलगी ही साडीमध्ये सुंदरच दिसते आणि साडीत तिचे सौंदर्य खुलून येते आणि याला उर्फीही अपवाद नाही. उर्फीचा हा गुलाबी साडीतील लुक अत्यंत साधा आणि सिंपल असून उर्फीच्या चेहऱ्यावरून नजरही हटत नाही. यावर अत्यंत साधी हेअरस्टाईल करत मधून भांग पाडून उर्फीने आंबाडा घातला आहे आणि साडीसह स्ट्रीप्ड ब्लाऊज घातला आहे. या साडीमध्ये उर्फीचा कमनीय बांधा अधिक उठावदार दिसत आहे आणि यावर तिने अत्यंत साधे असे टॉप्स कानात घालून आपला लुक पूर्ण केला आहे. कोणत्याही पार्टीसाठी हा लुक अत्यंत आकर्षक दिसतो.

शिमरी साडी लुक

उर्फीने हिरव्या रंगाची शिमरी साडी नेसली असून कोणत्याही पार्टीसाठी हा साडी लुक उत्तम ठरतो. यासह उर्फीने मोठ्या आकाराचा चोकर दागिने म्हणून निवडला आहे आणि एक बट सोडत केस बांधले आहेत. याशिवाय या साडीसह उर्फीने ग्लॉसी मेकअप केला आहे. शिमरी साडीसह शिमरी मेकअप खूपच भडक दिसू शकतो. त्यामुळे सौंदर्यात अधिक भर घालण्यासाठी आणि साडीला अधिक प्राधान्य देण्यासाठी नेहमी अशा शिमरी साडीसह ग्लॉसी मेकअपची निवड करावी.

(वाचा – तरूणींनाही लाजवेल असे सौंदर्याचे ‘ऐश्वर्य’, मॉडर्न लुकमधील ऐश्वर्याचा जलवा)

कॉटन साडी आणि नजाकत

उर्फी मुळातच नाजूक आणि एखाद्या बाहुलीसारखी आहे. निळ्या रंगाच्या या कॉटन साडीमध्ये तिची अदा अधिक आकर्षक दिसून येत आहे. याशिवाय मोकळे केस आणि गळ्यातील चोकर तिच्या सौंंदर्यात अधिक भर घालत आहे. साडीला मॅचिंग असा चोकर आणि कानातले घालून उर्फीने लुक पूर्ण केला आहे. तर नो मेकअप लुक केल्यामुळे तिची नजाकत अधिक उठावदार दिसत आहे. साडीचा रंग गडद असल्याने नो मेकअप लुक केल्यास, तुमच्या सौंदर्यात अधिक भर पडू शकते हे नेहमी लक्षात ठेवा.

(वाचा – संक्रांतीसाठी काळ्या नेट साडीवर ट्रेंडी डिझाईन्सचे ब्लाऊज दिसतील क्लासी, हटणार नाही तुमच्यावरून नजर)

पोलका डॉट साडी

मोकळे केस आणि काळ्या रंगाची पोलका डॉट साडीचा हा लुक तुम्ही मकरसंक्रांतीच्या सणासाठीही निवडू शकता. यासह उर्फीने नेहमीच्या ब्लाऊज स्टाईलपेक्षा बलून स्टाईल केली आहे. वेगळी स्टाईल हवी असेल तुम्हीही अशी बलून स्टाईल ब्लाऊज करू शकता. यासह उर्फीने कंबरपट्ट्याचा वापर केला आहे. जो या साडीला आणि उर्फीच्या सौंदर्याला अधिक आकर्षक करतोय. गळ्यात केवळ चोकर घातले असून कानात काहीही घातलेले नाही. त्यामुळे साडीच्या स्टाईलकडे अधिक लक्ष वेधले गेले आहे.

(वाचा – उर्फी जावेदला देतेय ही गायिका टक्कर, बिग बॉसची माजी स्पर्धक दिसतेय सतत बिकिनी लुकमध्ये)

प्रिंटेड कॉटन साडी

साड्यांमध्ये आराम आणि कम्फर्ट लेव्हल असणे अधिक महत्त्वाचे आहे. त्यासह स्टाईलही. उर्फीने नेसलेली ही प्रिंटेड साडी सध्या ट्रेंडमध्ये आहे. त्यावर काळ्या रंगाचा ब्लाऊज या साडीची शोभा अधिक वाढवत आहे. यासह केवळ कानातले घालून उर्फीने साडीचा लुक पूर्ण केला आहे. तर बऱ्याचदा उर्फीने नो मेकअप लुकचा आधार घेतलेलाच दिसून येत आहे. न्यूड मेकअप करून या साडीचा लुक पूर्ण केला आहे.

तुम्हालाही एखाद्या पार्टीसाठी अथवा कोणत्या समारंभासाठी कोणत्या पद्धतीची साडी नेसायची अथवा स्टाईल करायची असा प्रश्न असेल तर तुम्ही उर्फीच्या स्टाईलवरून प्रेरणा घेऊ शकता.

(फोटो क्रेडिटः Instagram)

अशाच अधिक लाइफस्टाइल, हेल्थ, फॅशन, ब्युटी, होम डेकोर, रिलेशनशिप, हॅक्स यावरील अधिक माहितीसाठी क्लिक करा maharashtratimes.com