Booster Dose घेणे सुरक्षित आहे की नाही? रिसर्चचा दावा, आरोग्यावर होणाऱ्या परिणामाबाबत सत्य समोर

कसा केला बुस्टर डोसवर अभ्यास?

बुस्टर डोसवरती तेल अविव युनिव्हर्सिटीने इझराईलमध्ये साधारणतः ५ हजार लोकांवर रिसर्च केला. या रिसर्चबाबत सर्व माहिती ही सायन्स जर्नल लॅंसेटमध्ये प्रकाशित करण्यात आली आहे. अभ्यासादरम्यान लोकांना स्मार्टवॉच घालण्यात आले आणि त्यानंतर काय परिणाम होतो याची माहिती गोळा करण्यात आली. तेल अविव युनिव्हर्सिटीच्या अभ्यासात सिद्ध झाल्याप्रमाणे बुस्टर डोस हा सुरक्षित असल्याचे सांगण्यात आले आहे.

स्मार्टवॉचच्या मदतीने केला अभ्यास

तेल अविव युनिव्हर्सिटीच्या वैज्ञानिकांनी रिसर्चसाठी ५ हजार लोकांच्या हातावर स्मार्टवॉच घातले आणि साधारणतः २ वर्ष त्यांच्या शरीरात होणाऱ्या बदलांवर बारीक नजर ठेवली. यामधील २,०३८ व्यक्तींनी बुस्टर डोस घेतला होता. त्यामुळे अभ्यासकांनी या व्यक्तींना बुस्टर डोस लावण्याच्या पूर्वी आणि बुस्टर डोस घेतल्यानंतर दोन्ही बदल समजून त्याची तुलना केली. याशिवाय मेडिकल फाईम्समध्ये याचे विश्लेषण करण्यात आले, ज्यामध्ये बुस्टर डोस सुरक्षित असल्याचे सिद्ध करण्यात आले.

बुस्टर डोस आहे सुरक्षित

या अभ्यासादरम्यान वैज्ञानिकांनी ३ गोष्टी ठरवल्या. याच्या आधारावर बुस्टर डोस सुरक्षित आहे की नाही याबाबत जाणून घेतले. सर्वात पहिल्यांदा लोकांनी यावर नक्की काय रिपोर्ट दिला आहे हे पाहिले. तर नंतर स्मार्टवॉचमध्ये काय डिटेक्ट झाले आहे याबाबत जाणून घेतले. तर तिसरी बाब म्हणजे डॉक्टरांच्या तपासणीतून काय समोर आले याबाबत माहिती घेतली. तेल अविव युनिव्हर्सिटीच्याच्या प्रोफेसर यामिननुसार, स्मार्टवॉचचा प्रयोग केल्यानंतर लोकांच्या हृदयाचे ठोके, हृदयातील ठोक्यांचा चढउतार, झोपेचा दर्जा आणि दैनंदिन गोष्टी या सर्वाचा शोध लावण्यासाठी करण्यात आला होता.

बुस्टर डोसचा हृदयावर होणारा परिणाम

बुस्टर डोस घेण्यापूर्वी आणि घेतल्यानंतर त्यांच्या हृदयाचा अभ्यास करण्यात आला आणि मग तुलना करण्यात आली. अभ्यासात आढळल्याप्रमाणे वॅक्सिनचे दोन डोस घेतल्यानंतर हृदयाचे ठोके वाढले होते. मात्र बुस्टर डोस घेतल्यानंतर हृदयाचे ठोके दुसऱ्यांदा वॅक्सिन घेण्याआधी असणाऱ्या हार्टरेटवर आले होते. यामुळेच बुस्टर डोस अत्यंत सुरक्षित असल्याचा दावा या अभ्यासातून करण्यात आला आहे. तर या दरम्यान काही लोक असेही होते, ज्यांच्यावर कोणताच दुष्परिणाम झाला नव्हता. स्मार्टवॉचच्या माहितीमधून असे समोर आले की, त्यांच्या शरीरात काही बदल झाले होते.

अजूनही दोन वॅक्सिन घेतल्यानंतर बुस्टर डोस घेतलेला नाही. अनेकदा जनजागृती करूनही लोक टाळाटाळ करताना दिसून येत आहेत. त्यामुळे आपल्या सुरक्षिततेसाठी बुस्टर डोस घेणे हाच योग्य पर्याय ठरू शकतो. सदर इझराईलच्या अभ्यासानुसार याचे दुष्परिणाम दिसून येत नाहीत. त्यामुळे वेळीच हा बुस्टर डोस घेऊन कोरोना व्हायरसच्या सबवेरिएंटला लढा द्यायला सामोरे जाण्याची तयारी करायला हवी.

(फोटो क्रेडिटः Freepik.com)

अशाच अधिक लाइफस्टाइल, हेल्थ, फॅशन, ब्युटी, होम डेकोर, रिलेशनशिप, हॅक्स यावरील अधिक माहितीसाठी क्लिक कराmaharashtratime.com