कॅन्सरच्या पेशी शरीरात वाढण्याआधीच मुळापासून नष्ट करतात या 6 गोष्टी

टोमॅटो आहे उपयुक्त

टोमॅटो आपल्या लाल रंगामुळे प्रोटेस्ट कॅन्सर आणि हृदयाच्या आजारांसाठी एक सुपरफूड समजले जाते. यात लायकॉपिन नावाचे एक शक्तिशाली अँटीऑक्सिडंट फाइटोकेमिकल असते. यामुळेच टोमॅटोला लाल रंग मिळतो. अनेक अभ्यासपूर्ण संशोधनामधून हे समोर आहे की, लायकॉपीन ज्या पदार्थांमध्ये असते ते प्रोटेस्ट कॅन्सरचा धोका कमी करण्यात मदत करतात. तर मंडळी, तुम्ही आपल्या आहारात अवश्य टोमॅटोचा समावेश करावा. कारण ही एक भाजी तुम्हाला एवढ्या मोठ्या आजारापासून वाचवू शकते.

(वाचा :- अंथरूणातून उठल्या उठल्या येते चक्कर? समजून जा तुम्हाला झालेत कधीच बरे न होणारे हे भयंकर आजार, व्हा सावध नाहीतर)

हळद

करक्युमिन हे हळदीमध्ये आढळणारे एक तत्व आहे ज्यात ब्रेस्ट, गेस्ट्रोइंटेस्टाइनल, लंग्स आणि स्कीन कॅन्सरच्या पेशींना दाबून ठेवण्याची क्षमता असते. NCBI मध्ये प्रकाशित झालेल्या एका रिपोर्टनुसार, हळदीमध्ये असणारे पेशींची सुरक्षा करणारे गुण तसेच अँटीऑक्सिडेंट आणि अँटीइन्फ्लेमेट्री गुणधर्म यामुळे हळदीला कॅन्सर विरोधी तत्व म्हणून मोठे महत्त्व प्राप्त झाले असून खऱ्या अर्थाने हळद येत्या भविष्यात एक रामबाण औषध म्हणून समोर येण्याची शक्यता जाणकार देखील व्यक्त करत आहेत.

(वाचा :- हाडांचा तुटून भुगा करते Vitamin D ची कमतरता, त्वचेच्या रंगात दिसू लागतो गंभीर बदल, ताबडतोब वाचा 9 भयंकर कारणं)

बीन्स

बीन्ससारखे फायबरने समृद्ध पदार्थ कोलोरेक्टल कॅन्सरचा धोका कमी करू शकतात. एका संशोधनानुसार बीन्स मध्ये कॅन्सरपासून बचाव करणारे पदार्थ जसे की, फेनोलिक अॅसिड आणि एंथोसायनिन असतात. लाल आणि काळ्या बीन्समध्ये असणारा गडद रंग हा एंथोसायनिन नावाच्या फ्लेवोनोइडमुळेच येतो. जर तुम्ही आहारात बीन्सचा समावेश करत नसाल व तुम्हाला बीन्स खायला आवडत नसेल तर ही चूक करू नका व आहारात नक्कीच बीन्सचा समावेश करून कॅन्सरपासून स्वत:ला वाचवा!

(वाचा :- चीनमध्ये मृतदेहांचा खच, भारताची चिंता वाढली, जानेवारीत 80 करोड लोक होणार corona शिकार? या 10 लक्षणांचा धुमाकूळ)

अक्रोड

NIH च्या एका रिपोर्टनुसार, अक्रोडमध्ये कॅन्सर विरुद्ध लढण्याची क्षमता असते. यात ओमेगा 3 फॅटी एसिड आणि टोकोफेरोल्स सारखे बायोअॅक्टीव्ह पदार्थ असतात, जे ट्युमरचा विकास रोखण्यासाठी सहाय्यक असतात. यामध्ये व्हिटॅमिन ई आणि फाइटोस्टेरॉल असते जे कोलेस्टेरॉल कमी करते. ब्रेस्ट कॅन्सरच्या पेशींच्या एस्ट्रोजन रिसेप्टर्सला फाइटोस्टेरॉलच्या माध्यमातून रोखले जाऊ शकते. म्हणूनच अनेक जाणकार देखील आवर्जून अक्रोडचे सेवन करण्याचा सल्ला देतात. हे एवढेसे फळ तुम्हाला एवढ्या मोठ्या आजराशी लढण्याची ताकद देते.

(वाचा :- Harmful Food विषारी पदार्थानी खच्चून भरल्यात या 6 भाज्या, WHO ने सांगितलं ‘या’ पद्धतीने खाल्ल्यास जाऊ शकतो जीव)

ब्रोकली

ब्रोकली प्रोस्टेट, कोलन आणि ब्लेडर कॅन्सरशी लढण्यासाठी सर्वात चांगली भाजी आहे. यात मोठ्या प्रमाणात सल्फोराफेन आढळले जाते जो एक अतिशय प्रभावी पदार्थ आहे आणि शरीराच्या रोगप्रतिकारक शक्तीला वाढवतो. याशिवाय कॅन्सर निर्माण करणाऱ्या घटकांना समाप्त करतो. यात फायबर देखील असते आणि त्याचे वेगळे फायदे शरीराला मिळतच असतात. यामुळे पोट चांगले साफ राहते. त्यामुळे तुम्ही सुद्धा आवर्जून आहारात ब्रोकोलीचा वापर केला पाहिजे. कारण याचा एक मोठा फायदा तुमच्या शरीराला मिळू शकतो.

(वाचा :- Bad Cholesterol: थंडीत दुप्पट वेगाने वाढतं खराब कोलेस्ट्रॉल, चुकूनही खाऊ नका हे 6 पदार्थ नाहीतर येईल हार्ट अटॅक)

लसूण

लसणात कर्करोगापासून बचाव करण्याची क्षमता आहे असे मानले जात आहे. लसूण मॅक्रोफेज आणि नैसर्गिक किलर पेशी वाढवून कर्करोगाच्या पेशी वाढण्यापासून प्रतिबंधित करते. याशिवाय लसणात अँटी-इंफ्लेमेटरी गुणधर्म असतात, जे अनेक आजारांपासून बचाव करण्यास मदत करतात. तुम्ही ते कच्चे, जेवणात किंवा लोणचे म्हणून लसणाचा वापर करू शकता.

(वाचा :- Pancreatic Cancer : अग्नाशय कॅन्सर हाडांत पसरला की दिसतात ही भयंकर लक्षणं, अपचन समजून चुकूनही करू नका दुर्लक्ष)

टीप : हा लेख फक्त सामान्य माहितीसाठी आहे. हे कोणत्याही प्रकारे कोणत्याही औषधाचा किंवा उपचारांचा पर्याय असू शकत नाही. अधिक माहितीसाठी नेहमी आपल्या डॉक्टरांचा सल्ला घ्या.