TOI च्या रिपोर्टनुसार, असे सांगण्यात येत आहे की 21 मुलांपैकी 18 मुलांनी डॉक-1 मॅक्स सिरप सेवन केले होते, ज्यामुळे त्यांना श्वसनाचे गंभीर आजार झाले आणि त्यांचा मृत्यू झाला. सर्दी आणि फ्लूच्या लक्षणांवर उपचार म्हणून कंपनीच्या वेबसाइटवर सिरप विकले जाते आहे. असे सांगण्यात येत आहे की सिरपच्या बॅचमध्ये विषारी इथिलीन ग्लायकॉल आहे.
Ethylene Glycol काय आहे?
CDC च्या मते, इथिलीन ग्लायकोल हे अनेक उत्पादनांमध्ये आढळणारे संयुग आहे. हे अँटीफ्रीझ, हायड्रॉलिक ब्रेक फ्लुइड उत्पादने, स्टॅम्प पॅड शाई, बॉलपॉईंट पेन, सॉल्व्हेंट्स, पेंट्स, प्लास्टिक, सौंदर्य उत्पादनांमध्ये आढळते आणि औषधांमध्ये देखील वापरले जाऊ शकते. इथिलीन ग्लायकोलला गोड चव असते.
(वाचा :- गुडघ्यांच्या वेदनांतून मिळेल एका मिनिटात मुक्ती, या 7 घरगुती गोष्टी औषधापेक्षाही रामबाण, त्रास होतो कायमचा दूर)
Ethylene Glycol साईड इफेक्ट्स
सीडीसीचा असं म्हणणं आहे की, चुकून किंवा जाणूनबुजून सेवन केल्यास याचा शरीरावर विषासारखा परिणाम होतो. त्यातील विषारी घटक मध्यवर्ती मज्जासंस्थेला हानी पोहोचवू शकतात, नंतर हृदयावर आणि शेवटी मूत्रपिंडांवर परिणाम करतात. इतकेच नाही तर याचे जास्त सेवन केल्यास मृत्यूही होऊ शकतो.
(वाचा :- Health Tips: फ्रिजमध्ये चुकूनही ठेऊ नका हे 4 पदार्थ, विषारी बनून पोट व आतड्यांना टाकतात पूर्ण जाळून, व्हा सावध)
डॉक्टरांच्या सल्ल्याशिवाय घेऊ नका सिरप
अनेकदा लोक खोकला आल्यावर कोणतेही कफ सिरप विकत घेऊन पितात किंवा मुलांना देतात. कफ सिरप प्यायल्यानंतर एखाद्याचा मृत्यू झाल्याची ही पहिलीच घटना नाही. डॉक्टर आणि तज्ज्ञ नेहमी कफ सिरपच्या बाबतीत सावधगिरी बाळगण्याचा सल्ला देतात. यावेळीही तेच झाले आहे. हे सिरप डॉक्टरांच्या प्रिस्क्रिप्शनशिवाय मुलांना घरीच देण्यात आल्याचेही अहवालात नमूद करण्यात आले आहे.
(वाचा :- Immunity Booster : शरीर आतून पोखरून टाकतोय Corona व थंडीचा प्रकोप, वाचण्यासाठी या 5 पद्धतींनी वाढवा इम्युनिटी)
प्रमाणावर सुद्धा लक्ष द्या
डॉक्टर नेहमी औषधाच्या प्रमाणाबाबत विशेष काळजी घेण्यास सांगतात. चुकूनही औषध जास्त घेतले गेले तर त्याचे विपरीत परिणाम होणारच आणि हीच गोष्ट कफ सिरप बाबतीत सुद्धा लागु होते. औषधांमध्ये अनेक प्रकारची रसायने असल्याने,ती जास्त प्रमाणात घेणे आरोग्यासाठी धोकादायक ठरू शकते. वरील घटनेच्या अहवाल असे नंदू केले आहे की की मुलांना कफ सिरपचा ओव्हरडोज झाला होता.
(वाचा :- रोज खाल्ल्या जाणा-या या 1 पदार्थात ठासून भरलंय रक्ताच्या नसा ब्लॉक करणारं कोलेस्ट्रॉल, यामुळेच येतो हार्ट अटॅक)
याआधी सुद्धा 70 मुलांचा झाला होता मृत्यू
काही महिन्यांपूर्वी, अशीच एक बातमी आली होती की, दिल्लीस्थित मेडेन फार्मास्युटिकल्स लिमिटेडने बनवलेले खोकला आणि सर्दी सिरप प्यायल्याने गॅम्बिया देशात किमान 70 मुलांचा मृत्यू झाला होता. त्यांनतर आता ही नवीन घटना घडल्याने भारतीय फार्मा इंडस्ट्रीचे नाव खराब होते आहे. भारत सरकारने सुद्धा यावर त्वरित कारवाई करण्याचे आश्वासन देत संपूर्ण प्रकारणाचा लवकरात लवकर सुगावा लावण्याची खात्री दिली आहे.
(वाचा :- Omicron ला घेऊ नका अजिबात हलक्यात, शरीरातील हे महत्त्वाचे अवयव करतोय कायमचे निकामी, ताबडतोब सुरू करा ही 5 कामे)
डिस्क्लेमर: हा लेख केवळ सामान्य माहितीसाठी असून यामधून कोणत्याही प्रकारच्या उपचाराचा दावा केला गेलेला नाही. अधिक जास्त माहितीसाठी नेहमी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य ते बदल करावा.