MajhiNews Marathi News, Latest Marathi News, Marathi News Paper, Maharashtra Breaking News | मराठी ताज्या बातम्या
Shelly Kalish ने सकाळी ६.३० वाजता आपला मेल चेक केला. तेव्हा तिला आलेल्या मेलमधून तिची देखील नोकरी गेल्याचं कळलं. तिने तो मेल संपूर्ण न वाचताच पतीला फोन केला. पतीला आणि मुलीला ही माहिती दिल्यावर मुलीने आनंद व्यक्त केला. ‘तुझी नोकरी गेली हे अतिशय वाईट आहे. पण तरी देखील तू खूच चांगली आहेस. तू आता माझ्यासोबत जास्त वेळ घालवू शकतेस’, असं म्हणत Shelly च्या सहा वर्षांच्या मुलीने आपल्या भावना व्यक्त केल्या.
वर्किंग मदर आणि त्यांची मुलं यांचा कायमच एक संघर्ष सुरू असतो. मुलांना आईचा सहवास हवा असतो पण अनेकदा कामाच्या ओघात हा सहवास फार कमी होतो. आईला बरं नसलं आणि ती घरी असली तरीही मुलांना आनंद होतो कारण ती त्यांच्या नजरेसमोर असणार आहे. अशातच मुलगी आणि आई यांच्यातील नातं खूप खास असतं.
तणावातही सोबत असते हक्काची व्यक्ती
Shelly Kalish ची नोकरी गेली. तिच्यासाठी हा खूप मोठा धक्का होता. पण या सगळ्यात आपली मुलगी आनंदी असल्यामुळे आई आनंदी होती. Shelly च्या सहा वर्षांच्या मुलीला आईची इतकी मोठी आणि महत्वाची नोकरी गेल्याची जाणीवही नव्हती. पण तिला आई आता आपल्यासोबत अधिक काळ असेल. आईचा सहवास आपल्याला लाभेल याचा आनंद होता.
(वाचा – या ६ गोष्टी करा आणि मुलांना स्मार्टफोन आणि टीव्हीपासून दूर ठेवा, प्रत्येक पालकांसाठी उपयुक्त टिप्स))
लेक-आईचं खास नातं
लेक आणि आई यांचं खास नातं असतं. अनेकदा मुलीला बरं नसल्यास आई हवी असते. अशावेळी आईचं असणं मुलांसाठी अतिशय खास असतं. वर्किंग मदरसाठी ही तारेवरची कसरत असते. अशावेळी आपल्या कामातून मुलांना बरं नसेल तेव्हा आईने हक्काने त्यांना जवळ घ्यायचं असतं. औषधांसोबतच मुलांना मायेची उब हवी असते. ही मुलं प्रेमासाठी आसुसलेली असतात.
(वाचा – लग्नाच्या १८ वर्षांनंतर अपूर्व-शिल्पाने अनुभवलं पालकत्व, मुलीला दिलं ट्रेडिशनल आणि मीनिंगफुल नाव)
मुलीला हवं असतं अटेंशन
मुलं ही कायम पालकांच्या अटेंशन करता किंवा प्रेमाकरता आतुर असतात. अशावेळी तुम्ही वर्किंग मदर असाल तर कामातून थोडा वेळ काढून मुलांना न चुकता फोन करा. त्यांचा अभ्यास किंवा त्यांच्या खाण्यापिण्याकडे खास लक्ष द्या. जरी त्यांच्यापासून दूर असाल तरी सतत संपर्कात राहा. कारण मुलांना कायम अटेंशन हवं असतं.
(वाचा – आलिया-रणबीरची मुलगी जन्मतःच ‘या’ गुणांनी समृद्ध, जाणून तुम्हालाही होईल आनंद)
मुलांसोबत ठरवून वेळ घालवा
अनेक पालक वर्किंग असतात. अशावेळी मुलांसाठी रविवार हा हक्काचा दिवस म्हणून ठेवावा. यादिवशी कोणतीची कार्यालयीन काम न करता तो दिवस मुलांसाठी राखीव असावं. अगदी काहीच केलं नाही तरी मुलांसोबत पालक घरात आहेत ही भावनाच मुलांसाठी खास असते. या दिवशी तुम्ही मुलांकरता खास जेवण तयार करू शकता किंवा मुलांसोबत गार्डनिंग करा किंवा त्यांचा खण लावण्यास त्यांना मदत करा. जमल्यास एखाद्या रविवारी मुलांना घेऊन पिकनिकचा प्लान करा.
(वाचा – अजिंक्य रहाणेने शेअर केलं मुलाचं नाव आणि पहिली झलक, प्रभू रामाच्या अर्थाचे ठेवले नाव)
शब्दांपेक्षा स्पर्श बोलतो
मुलं ही निरागस असतात. मुलांमधील ती निरागसता टिकवण्यासाठी त्यांना प्रेमाची, आपुलकीची गरज असते. अशावेळी जर वर्किंग मदर असेल तर तिचा स्पर्श मुलांना फार कमी मिळतो. अशावेळी पहाटे उठल्यावर आणि रात्री झोपताना मुलांना जवळ घ्या. खास करून मुलगी असेल तर तिच्याशी संवाद साधा. कारण मुलगी वयात येत असेल किंवा तिचे काही खासगी प्रश्न असतील तर ते आईने समजून घेणे जास्त गरजेचे असते. त्यामुळे शब्दांपेक्षा स्पर्श खूप काही बोलून जातात.
(वाचा – श्रीलंकेचा क्रिकेटर मुरलीधरनने मुलीचं नाव ठेवलं अतिशय दिव्य, मुलीच्या नावासाठी ठरेल प्रेरणादायी))
