YCMU: पुनर्परीक्षार्थींसाठी शेवटची संधी

मुक्त विद्यापीठामार्फत शैक्षणिक वर्ष २०२२-२३ च्या हिवाळी सत्र परीक्षांची प्रक्रिया सुरू करण्यात आली असून, यासाठी पुनर्परीक्षार्थी असलेल्या विद्यार्थ्यांना ऑनलाइन अर्ज दाखल करण्याची सूचना देण्यात आली होती. अर्ज दाखल करण्याची मुदत संपल्यानंतर विलंब शुल्कासह १०० रुपये भरून ३ नोव्हेंबरपर्यंत या विद्यार्थ्यांना अर्ज दाखल करता येणार होता. विद्यापीठामार्फत दुसऱ्यांदा मुदतवाढ देऊन ३ नोव्हेंबर ही तारीख निश्चित करण्यात आली होती.

परंतु, या कालावधीतही अनेक पुनर्परीक्षार्थींनी ऑनलाइन परीक्षा अर्ज दाखल केलेले नसल्याची माहिती अभ्यास केंद्रांमार्फत विद्यापीठाला देण्यात आली असून, ही मुदत वाढविण्याबद्दल पुनर्परीक्षार्थींनीही विनंती केल्यामुळे विद्यापीठामार्फत १२ नोव्हेंबरपर्यंत परीक्षा अर्ज दाखल करण्यास मुदतवाढ देण्यात आली आहे. परंतु, १२ नोव्हेंबरनंतर परीक्षा अर्ज दाखल करण्यासाठी कोणतीही मुदतवाढ मिळणार नसल्याचे विद्यापीठामार्फत स्पष्ट करण्यात आले आहे.

India Post Recruitment: दहावी, बारावी उत्तीर्णांना पोस्ट खात्यात नोकरीची संधी

…असे असणार शुल्क

सर्व प्रकारच्या अभ्यासक्रमांसाठी व्यावसायिक, तांत्रिक व सायन्स शाखेच्या पुनर्परीक्षार्थींना प्रती पेपर १५० रुपये शुल्क भरावे लागणार आहे. तसेच अन्य अभ्यासक्रमांच्या पुनर्परीक्षार्थींसाठी हे शुल्क १३० रुपये असणार आहे.

D Farmच्या नोंदणीला पुन्हा दिली मुदतवाढ